Gestabók
Skrifa í Gestabók
Gestir:
6.6.2015 sól en gjóla og kalt 7°c kl.2300
Er í góðu gluggaveðri að skoða myndir á dalabl. og er að velta vöngum yfir ritstíflunni hér. Allt gott að frétta úr Brúarásnum, rólegt sem stendur enda eru Gunnar, Erla, Fálki og Ugla Sif í 5 vikna ferðalagi Paris, Casablanca og Tilburg. Bara við hjónin heima, ;o) Bestu kveðjur til allra sem líta hér inn, Már og Guðrún
Jóhann Már Jóhannsson (Óskráður, IP-tala skráð), lau. 6. júní 2015
ættarmót í sumar
Er sammála þeim sem finnst komið að nýju ættarmóti. Byrjun júlí passar ætíð best fyrir "utlendingana" ....
mj (Óskráður, IP-tala skráð), fim. 27. des. 2012
des 2012
Svanborg: mikið er gaman að þú skulir leyta mín hér. Tölvupóstfang er margret.jonsdottir@skole.skien.no jólakveðja Magga Þóra
MJ (Óskráður, IP-tala skráð), fim. 27. des. 2012
des. 2012
svanborg: endilega senda mail til mín á margret.jonsdottir@skole.skien.no Mikið er gaman að sjá að þú leitir mín hér :)
Magga Þóra (Óskráður, IP-tala skráð), fim. 27. des. 2012
Jólakveðjur.
Ég sendi öllum mínar bestu jóla og nýárs óskir. Lifið heil og verið duglegri að nota dala.blog.is JGJ.
Jóhannes Gylfi Jóhannsson, lau. 22. des. 2012
Margrét Þóra Jónsdóttir - vantar e-mail
Heil og sæl. Langar að senda Möggu Þóru jólapóst til Noregs. Vantar tölvupóstfangið hennar. Getur einhver gefið mér upplýsingar um það? Með þökk, Svanborg Ísberg, isberg@kopavogur.is
Svanborg Ísberg (Óskráður, IP-tala skráð), fös. 21. des. 2012
Margrét Þóra Jónsdóttir - vantar e-mail
Heil og sæl. Langar að senda Möggu Þóru jólapóst til Noregs. Vantar tölvupóstfangið hennar. Getur einhver gefið mér upplýsingar um það? Með þökk, Svanborg Ísberg, isberg@kopavogur.is
Svanborg Ísberg (Óskráður, IP-tala skráð), fös. 21. des. 2012
Margrét Þóra Jónsdóttir - vantar e-mail
Heil og sæl. Langar að senda Möggu Þóru jólapóst til Noregs. Vantar tölvupóstfangið hennar. Getur einhver gefið mér upplýsingar um það? Með þökk, Svanborg Ísberg, isberg@kopavogur.is
Svanborg Ísberg (Óskráður, IP-tala skráð), fös. 21. des. 2012
Komið heil og sæl !!!
Komið heil og sæl !! Mér finnst hafa verið svo lítið að frétta núna undanfarið kæra fólk, þó ég tilheyri ekki Dalættinni finnst mér ég bara samt tilheyra henni eftir 49 ára samveru með mínum Klettara hehe. Okkur fannst sárt að horfa upp á gamla góða Dainn brenna,einhvernveginn alltaf sterkar taugar til hans þó ættin hafi ekki búið þar undanfarin ár, við vöknuðum um nóttina (aðfaranótt 14.júní) við mikinn reyk sem lagði inn um svefnherb.gluggan hjá okkur og var okkur brugðið er við sáum hvers kyns var, enda mikill eldsmatur þarna í þessu gamla yndislega húsi sem einangrað var með torfi og heyi.Og ekki var þetta gleðilegur endir á 101 árs afmæli Eyju okkar. Nú svo eru líka gleðilegar fréttir, alltaf svo gaman þegar barnabörnunum gengur vel, Viktoría Venus mín útskrifaðist sem stúdent núna í maí og fengum við þar þriðja stúdentinn. Og í dag er 17. júní og ýmislegt til skemmtunar fyrir börn og fullorðna.Nú svo kemur næsta helgi með Brákarhátíð og allslags skemmtun um allan bæ, og veit ég ekki annað en sofið verði í tjaldvagni fyrir utan hjá okkur. Verð að segja að mér finnst það sem af er sumri hafi verið sérlega ljúft og er búin að njóta þess í botn á svölunum, og það er alls ekki sjálfgefið hér á kirkjuholtinu þar sem við stöndum svo hátt..Óskum ykkur gleðilegs sumars vinir og vandamenn,með kærri kveðju frá okkur...Sæa.
Sæa (Óskráður, IP-tala skráð), sun. 17. júní 2012
Eldsvoði í Dal.
Fyrir þá sem ekki hafa frétt, þá varð eldur laus í risinu í Dal og talsverðar skemmdir og kona flutt á spítala. Það kemur fram í fréttinni að húsið sé eitt elsta hús í Borgarnesi. JGJ.
Jóhannes Gylfi Jóhannsson, fim. 14. júní 2012
Í tilefni dagsins
Bestu kveðjur til Eyju frænku í tilefni dagsins! Ætla að kíkja í heimsókn til hennar í sumarfríinu, eða eftir ca 3 vikur. Hlakka til! :)
Magga Þóra (Óskráður, IP-tala skráð), mið. 13. júní 2012
13 Júní 2012.
Hæ hæ öll. Það má ekki gleyma þessum degi, því Eyja okkar í Dal er 101s árs og vonandi hress að vanda. Við frænfólk hennar sendum henni okkar bestu kveðjur. Já svo er Gunnar Már líka afmælisbarn í dag,bestu kveðjur til hans. Það er heldur lítið um skriftir hérna á síðunni. Þetta má laga eitthvað, annars dettur þetta bara um sjálft sig. Ég sendi mínar bestu kveðjur til ykkar allra. JGJ.
Jóhannes Gylfi Jóhannsson, mið. 13. júní 2012
HÆ öll
Mig langað bara allt í einu að segja HÆ hér á vefinn :) það er allt gott af okkur að frétta og auðvitað alltaf gott veður á Selfossi hehe :) Hún Viktoría mín var að útskrifast sem stúdína af félagsfræðibraut og gekk allt glimrandi vel. Ég var að vona að það færi að styttast í ættarmót svo við getum sungið saman, trallað og haft góða stund saman því það er svooo gaman :) kv Inga Rún og famelí
Inga Rún (Óskráður, IP-tala skráð), þri. 22. maí 2012
Maddý afmæli.!!! 5. mars 2012
Komið þið heil og sæl, kæru ættingjar. Mig langaði aðeins að mynna ykkur á afmælið hjá Maddý sem er 74ra ára í dag. Ég heyrði í henni í síma í morgunn, það var gott hljóð í henni að vanda. Annars allt sæmilegt að frétta héðan. Bestu kveðjur. JGJ.
Jóhannes Gylfi Jóhannsson, mán. 5. mars 2012
Heil og sæl
Stórt skref tók ég í gær, góð löndun:) Ég fékk góðan starfslokasamning hjá Íslandspósti. Sem sagt, 31.maí 2012 verður seinasti starfsdagur minn og ætla ég bara að fara að hafa það náðugt, gera það sem ég vil og nenni. Það var miklu fargi af mér létt við þessa ákvarðanatöku. Að geta hætt af eigin frumkvæði, ekki vegna veikinda eða einhver komi og segi; Nú er komið nóg hjá þér. Ég hlakka bara mikið til,gera það sem ég vil og nenni. 4 mánuðir og 1 vika, tel bara niður eins og krakkarnir með afmælin sín. En svona er lífið. ég heyrði í Maddý núna eitt kvöldið, hún lét vel af sér. Ég fór um daginn að sjá leikritið "Skugga-Sveinn". Meðal leikenda þar er Ásta dóttir Gísla Jóh. Stelpan er alveg stórglæsileg, nauðalík Maddý og er vel sæmd af því. Mér fannst ég horfa á Maddý á sviðinu:) Gaman að þessu, enda er stelpunni ekki illa í ætt skotið, vera af okkar frábæru Dal-ætt með glæsimennsku og fagra rödd. Gísli minn, þú mátt vera reglulega stolltur. En elskurnar mínar, eigið góða daga. Kveðja, GM
GM (Óskráður, IP-tala skráð), þri. 24. jan. 2012
Gleðilegt ár!
Óska ykkur öllum gleðlilegst árs! Gott að heyra af Maddý og Eyju ... en verra með ykkur gigtardömur :( -Sé samt að þið látið það ekki stoppa ykkur..... Ég átti mjög góða jóladaga hér í Skien með minni dóttur og dætrum hennar þremur. Borðuðum auðvitað hangikjöt með tilheyrandi og svo var m.a. farið á skautasvellið, en dúllurnar 5 ára og 4 ára fengu sína fyrstu skauta í jólagjöf. Og mikið voru þær flinkar. Vala skautaði með þeim á meðan ömmunni þótti nóg að passa þá minnstu og taka myndir af ballerínunum :)) Og svo tókst mér að heimsækja Ísland um áramótin. Ekkert jafnast á við landann á gamlárskvöldi, og nágranni mömmu og Þorbjörns er með þeim áköfustu. Hann styrkir hjálpasveitirnar öflugt .... (í ár var það ca 150 kg af púðri hjá honum!) Ég notaði líka tækifærið og fór í leikhús og laugarnar og náði að bóka bústað fyrir sumarið. Nú er þetta allt að ganga upp og hlakka ég mikið til að koma með stelpurnar "mínar" í sumar.... vonandi hitti ég á einhver ættmenni í þessarri ferð. Ætla að heimsækja hann bróður minn í Laugagerði í byrjun júlí og þá er Borgarnes auðvitað í leiðinni. Bestu kveðjur héðan. Magga Þóra
MJ (Óskráður, IP-tala skráð), þri. 3. jan. 2012
Jólakveðja.
Gleðileg jól og farsælt komandi ár. Þökkum allt liðið. Vonast til að hitta ykkur sem flest á komandi ári, farinn að hlakka til þess að komast á ættarmótið næsta. Bestu kveðjur og knús til ykkar allra. JGJ.
Jóhannes Gylfi Jóhannsson, fös. 23. des. 2011
Jólakveðja
Yndislega frændfólk. Bestu jóla-og nýjárskveðjur, með þökk fyrir góðar samverustundir á liðnum árum. Vonandi fer ættarmótsnefndin að spýta í lófana. Ykkar frænka, Gunna Mæja
gm (Óskráður, IP-tala skráð), fim. 22. des. 2011
Kveðja frá Eyju
Heil og sæl. Ég hitti Eyju í gær. Hún var bara hress, en hafði fengið einhverja bévítans pest sem er að lagast. Hún bað mig að skila Jólakveðjum frá sér til alls frændfólksins og biður Guð að blessa ykkur öll. Þessu er hér með komið á framfæri, kveðja Gunna Mæja
gm (Óskráður, IP-tala skráð), mið. 14. des. 2011
Jákvætt
Heil og sæl. Sæa mín, ég er löngu hætt með tuskuna upp um allt og út um allt, mér dettur það bara ekki í hug :) En það er svo gaman að baka smákökur þegar maður byrjar, samt búin að minnka allan bakstur, bara 7 sortir núna og allar hálfar. Maddý er að fara heim á Blönduós í dag, heyrði í henni á fimmtudaginn. Svo ætla þau hjónakorn að vera hjá Ragney um hátíðirnar, bara gott mál. Hún fékk MJÖG góða útkomu frá aðgerðunum, svo nú er bara að hugsa vel til hennar. Eigið notalega daga sem framundan eru og alla tíð. Passið kertaljósin og andið djúpt, þið sem eruð að bísnast yfir jólastressinu. Sjáið bara hvað við Sæa erum sallarólegar:):). Kveðja, Gunna Mæja
gm (Óskráður, IP-tala skráð), mán. 12. des. 2011
Já blessuð jólin !!
Sæl öllsömul.Já það er víst árvisst þetta með jólin, en svo gaman að sjá öll jólaljósin og hvað sumt fólk er duglegt að lýsa upp umhverfið. En er sammála þér Gunna mín,svo leiðinlegt að taka þetta allt niður.Við svona gigtveikar gamlar kellur eigum ekkert að vera að æsa okkur í svartasta skammdeginu,jólin koma þó ekki sé verið á kafi inn í öllum skápum og upp um alla veggi eða bakaðar 5-10 sortir.ég er löngu hætt öllum bakstri,en freystaðist þó til að sletta í nokkra lakkrístoppa (eiga víst að heita TOPPAR) En mínir líkjast meira lummum, en hvað með það,,sama bragð og held að börnunum mínum sé slétt sama hehe.Mikið gott að heyra að Maddý okkar skuli vera á batavegi og vona af ölu hjarta að það haldi áfram og hún fái heimferð fyrir jól,við hugsum fallega til hennar og þeirra allra.En elsku þið öll eigið góða aðventu og njótið á alls stress og láta, það ætla ég að gera...Knús á ykkur. Kv. Sæa.
Sæa (Óskráður, IP-tala skráð), lau. 10. des. 2011
Jóla hvað
Sæl öll, já senn koma Jólin, alltaf hlakka ég til þeirra, en fjandi er leiðinlegt að taka niður Jólaskrautið. Ég var í fríi allan nóvember, gigtin (gamla konan) alveg að drepa mig og svo bara þreytt. Nú er ég farin að vinna aftur en er farin að hugsa til starfsloka, horfi til vorsins og mikið hlakka ég til. Ég sá það í fríinu að ég hef alveg nóg að gera heima, hvað þá heldur að vera að vinna líka, bara bull :). Maddý okkar er búin að era ansi mikið veik, fór í mikla aðgerð fyrir 3 vikum, en er öll á batavegi (vonandi).Ég hitti hana á laugardaginn, þá var hún ansi hress. Vonandi hillir undir heimferð hjá henni, en hún er á Rauðakrosshótelinu núna. Hugsum fallega til hennar og fjölskyldunnar. En alltaf eru björtu hliðarnar nærri.Hafið það gott og njótið aðventunnar. Kveðja, Gunna Mæja
gm (Óskráður, IP-tala skráð), þri. 6. des. 2011
Komið heil og sæl !!
Já komið heil og sæl kæru ættingjar (má alveg segja það,er það ekki ?)Svo mikið gaman að sjá og lesa smá fréttir af ykkur og ykkar.Frá okkur gömlu er allt gott að frétta,Búin að vera í sólinni á Spáni í þrjár vikur í hlýju og notalegheitum þó veikindi ferðafélaga settu svolítið strik í reikninginn,en annar félaginn var á spítala ALLAN tíman, þannig að aumingja Bjössi sat uppi með tvær kellur (Var honum vorkunn já já hahaha)En hann stóð sig vel sá gamli,vorum með bíl þannig að við gátum bæði rúntað svolítið um nágrennið milli þess sem við keyrðum í heimsóknir á spítalann,vissulega dálítið öðruvísi frí en það má alltaf gera gott úr öllu.Mest vorum við hrædd um að þurfa að skilja angans kallinn eftir og það hefði okkur fundist vont,en hann fékk að koma með okkur heim og fékk nokkra kl.tíma með okkur í húsinu.Mér fannst svolítið kalt að koma heim,en síðustu dagar bara verið nokkuð góðir,þakka fyrir meðan ekki snjóar,í gær t.d 10° hiti er hægt að biðja um meira.En eins og margir innan fjölsk. vita er ég smá skrítin hehe, hef aldrei skilið máltækið "morgunstund gefur gull í mund" Hér heima er ég gasalega morgunþung, en úti er ég komin á lappir í kringum sjö á morgnana,elska að sitja úti með kaffibollan og bííbb (lesist sígó)og horfa á daginn rísa og sólina koma upp alein í friði og ró.Læt gott heita í bili,bestu kveðjur frá okkur í Nesinu fagra. Sæa.
sæa (Óskráður, IP-tala skráð), lau. 5. nóv. 2011
Sko til
Sko lillurnar, bara góðar. Þetta er ekkert mál að skrifa smávegis, bara láta vita um sig. Alltaf gaman að heyra frá þeim sem lengst eru í burtu og auðvitað hinum líka, ekki síður. Héðan er allt gott að frétta, kartöfluupptaka og sláturgerð búið (ég var ekki í neinu slíku) reyndar nokkrar kartöflur í garðhorninu, svona í smakkið ummmm. svo næsta verkefni eru jólin, alltaf hlakka ég jafn mikið til þeirra, er svo mikil jólastelpa :). Muniði hvað við fengum alltaf fallega vetlinga og eða sokka frá ömmu í Dal. Það var það fallegasta sem maður hefur séð, allt svo vel gert í öllum mögulegu litum og munstrum beint frá ömmu sjálfri. Ég á enn eina vetlinga frá henni, tími ekki einusinni að lána þá. Ég ætla einhverntímann að verða alvöru amma og prjóna svona, ja á langömmubörnin mín, kannski líka á ömmubörnin, aldrei að vita hvað konunni tekst að gera held bara að ég verði að fara að hætta að vinna til að hafa meiri tíma til að gera það sem mig langar til. En nóg í bili. Kærar kveðjur á línuna, Gunna Mæja
gm (Óskráður, IP-tala skráð), mán. 24. okt. 2011
jæja er ekki komið að næstu fréttum
Sæl öll. Af okkur er allt gott að frétta. Ég var að vinna í Noregi í sumar í 4 vikur og svo ferðuðumst við til Svíþjóðar í eina viku. Ætluðum suður frá Ósló og þangað (til Möggu og Valgy) en það var svo mikil sorg í Noregi að við fórum bara til Svíþjóðar í staðinn. Vorum að þvælast um skerjagarðinn ofl. Mjög fallegt og góður túr. Síðan er búið að vera vinna og vinna, sumarbústaðaferðir með vinkonum ofl. Við fengum barnabarn litla stúlku í Lilleström 10.sept og erum á leið á morgun til að skoða hana. Ætlum bara að vera fram á mánudag en leigðum okkur bíl svo ég vona að ´ég nái kontakt með Valgý eða Möggu til að fá heimilisfangið hjá annarri amk og símanúmer. Við Ransý hittumst eins og hún sagði á Selfossi á kóramóti og auðvítað Inga Rún líka. Þetta var rosalega skemmtilegt kvennakóramót. Verðum víst að fara að gera eitthvað í ættarmótsmálunum. Kári minn fór til Austuríkis 20.Maí að vinna á hestabúgarði, fann auglýsingu í Bændablaðinu fyrir jólin og sótti um en fór svo á námskeið í Borgarholtsskóla fram í Maí. Honum líkar ágætlega, finnst rosalega fallegt þarna en það eru tvær pippur systur sem reka þennan búgarð og þær eru víst dálítið spes. Svo er ekkert nema spaghetti , pylsur og jú eitthvað fleira en honum þykir maturinn ekki spennandi og fær of lítið að borða að eigin sögn, þannig að múttan sendi honum saltkjöt og sá var glaður. Ég er komin á fésið og ætla að finna fleira af frændfólki þar. Skrifa meira seinna, snemma í háttinn því flugið er eldsnemma kær kveðja og knús á línuna Gugga
Guðbjörg Sigurgeirsdóttir (Óskráður, IP-tala skráð), fim. 20. okt. 2011
Haust, og 1. vetrardagur nálgast
Nú fer ég að halda að það séu einhver hugsanatengsl á milli okkar systranna. Ég var búin að skrifa bréf (fyrr í dag)sem ég ætlaði að setja inn hér, og það var bara rétt svo að ég sá nýja fyrirsögn hér og kíkti á hana, og viti menn,það var frá Möggu. Eins gott að ég kíkti á hennar skrif áður en ég sendi mitt b´ref annars hefðu þið fengiið allt í "steríói." Afmælisveisla mömmu gekk fínt, ég held að allir hafi verið saddir og ánægðir þegar heim var haldið. Það var fjör hér hjá mér, við vorum 13 manns hér yfir helgina. Gaman að fá Nonna og fjölskyldu í heimsókn, gaurarnir hans halda afa sínum í góðu formi. Líka gaman að bæði Siggi og Guðbjörg og Ási og Tove gætu gist hér ásamt mömmu og Þorbirni. Svo þið sjáið að ég hef nóg pláss, og ef einhver er á leið um hér og vantar gistingu, er bara að hafa samband. Ég bíð nú enn eftir henni Guggu, hún ætlaði að koma í sumar, en var alltaf að vinna,(úff, uff, Gugga, þú kemur nú næsta sumar). Nú er næstum tómt í kotinu, mamma fór heim í gær, en að vísu er Þorbjörn hérna ennþá. Hann er að hjálpa Óla með smíðavinnu, og verður út okt. Annars er allt gott að frétta af mínu fólki, ég var að vonast eftir heimsókn frá Möltu um jólin, en þau koma sennilega ekki fyrr en um páska. Halldór og fjölskylda eru enn í Madrid, en Kristin og krakkarnir flytja bráðum heim og Halldór ætlar að fara á milli. Vinnur 2 vikur og 2 frí. Eins og Magga segir er fínt haustveður hér, sól og 10 stiga hiti í dag, og spáð svona áfram. (Veit ekki hvað Magga er að gera með nagladekk á bílnum!!). Ég tek undir kveðjurnar til Eyju, alveg stórkostlegt hvað hún er hress. Ég lofa nú engu um Íslandsheimsókn næsta sumer, en reyni að koma á næsta ættarmót, hvenær sem það verður nú (Siggi vissi ekkert um það). Þangað til, bestu kveðjur til allra frá okkur hér í Skien.
Valgy (Óskráður, IP-tala skráð), þri. 18. okt. 2011
Haust
Nú erum við búin að halda upp á 80 ára afmæli mömmu (hér í Skien)og var mjög gaman að við skyldum ná öll saman systkynin. Það eru 21 ár síðan við vorum öll 4 saman með mömmu!! Kominn tími til að hittast. Ási og Tove komu frá Bergen, og einnig Nonni sonur Valgýjar og hans familía. Vala mætti Peter og dætur sínar þrjár. Siggi kom með mömmu ....og mikið var gaman að Guðbjörg mágkona skyldi hafa komið hingað líka ....fyrsta sinn í Noregi :)) Og viku seinna eða s.l. sunnudag, var barnabarnið mitt,Saga skírð í Oslo. Hin finasta athöfn og eins og mamma sagði: það er engin hætta á að fólk sofni við messurnar hérna: Mikið um söng og staðið upp í tíma og ótíma :) Nú er þetta líka fína haustveður, en maður er tilbúinn fyrir veturinn. Nagladekkin komin á og bara 9 vikur í jólafríið .... Alltaf gaman að heyra af Eyju. Ég bið innilega að heilsa henni og hlakka til að sjá hana hressa og fína næsta sumar, en þá mætir maður á staðinn með allar dömurnar "sínar" (og ef þið vitið um minibuss á leigu með 3 barnastólum, þá endilega látið vita! :))) Haustkveðjur frá Skien
Magga Þóra (Óskráður, IP-tala skráð), þri. 18. okt. 2011
Kveðja frá Eyju
Heil og sæl. Fór í heimsókn til stórfrænku okkar. Hún bað mig fyrir góðar kveðjur til alls frændfólks og vina og þakkar öllum sem muna eftir henni. Hún er alveg bráðhress og hvað hún man. Við megum vera stolt að eiga þvílíka frænku og með alla jákvæðnina. Það mættu margir hugsa til hennar (jákvæðninnar), já og eins til Eyju. Hún er afskaplega viðræðugóð,maður fer betri manneskja frá henni, hún hefur svo góða nærveru. Hún segist ekki geta þakkað almennilega fyrir hvað hún er heppin að eiga góða fjölskyldu að og allan frænku-og frænda skarann. Svo fékk hún nöfnu um daginn (var áður búin að segja ykkur það) og er svo ánægð með hana. Hugsum til Eyju frænku með virðingu og þakklæti. Hún á það svo skilið. Kveðja til ykkar, Gunna Mæja
gm (Óskráður, IP-tala skráð), mán. 19. sept. 2011
Yndisleg frænka
Já, mín yndislega frænka hefði átt afmæli í dag. Guð blessi allar góðu minningarnar. Hún Ragga mín var minn klettur eftir að mamma fór. Nú syngja þau systkin sama, sem farin eru, í ENGLAKÓRNUM. Heyriði ekki hljóminn? eins og í Dal forðum. Tek undir með Sæu, það er að koma haust. Liturinn í Hafnarfjallinu er að breytast, það er oft fyrsta merkið um haustið. Nú eru allir að tala um ber og berjamó. Ég nenni bara ekki í berjamó, skríðandi einhversstaðar í lyngi, æi nei. En berinn eru ágæt þegar búið er að tína þau :) Og áfram með ættarmótin. Það var verið að skíra Eiríksdóttur (Theodórs Þórðarsonar) daman heitir Kristbjörg Ragney. Fallegt nafn á fallegri stúlku. Kveðjur, Gunna Mæja
GM (Óskráður, IP-tala skráð), þri. 23. ágú. 2011
Færist fjör í leikinn.
Heil og sæl öll: Alltaf gaman að sjá smá hreyfingu á Dalablogginu, ég tala nú ekki um fréttirnar, hvað varðar fjölgun í ættinni svo og allt annað. Í dag hefði mamma mín orðið 91s árs gömul, blessuð sé minning hennar. Hvað varðar ættarmótin sem halda fólkinu saman og eru að mínu mati bráðnauðsynleg, (líka fyrir okkur Sæa mín). Allt um það bara halda áfram og skrifa smá hérna. Bestu kveðjur héðan. JGJ.
Jóhannes Gylfi Jóhannsson, þri. 23. ágú. 2011
Komið öll sæl og blessuð !!!
Óskaplega finnst mér gaman að heyra frá ykkur, og þá sérstaklega frá þeim sem lengra eru í burtu t. d í Norge, og óska ég ykkur til hamingju með nýja afkomendur, alltaf svo gaman þegar nýjir bætast við.Og áður en ég gleymi Magga Þóra vil ég biðja þig að knúsa mömmu þína fyrir okkur Bjössa...SKO stórt knús.. Aðeins finnst mér vera að koma haustlykt í loftið, annars ágúst búinn að vera tiltölulega lygn og góður hjá okkur, Kári hagað sér bara nokkuð skikkanlega. Ekki höfum við hjónakornin gert víðreist í sumar, þó aðeins á Snæfellsnesið og svo á Sumar á Selfossi,mættum þar í flatarsöng því engar eru þar brekkurnar hehe annað en hér í bæ.Ætlum að bæta úr því og skella okkur í sept. og þá auðvitað á Spán sem mér finnst vera paradís á jörð. Mikið vildi ég að kæmu fleiri hér inn á síðuna okkar, þó ekki væri nema með nokkrar línur með svona helstu fréttum og jafnvel myndum af þeim ungum sem fæðst hafa á síðustu árum. Ættarmót eru jú ágæt, en af hverju ekki líka hér inná svona aðeins...Jæja er hætt þessu röfli, þangað til næst...bestu kveðjur frá okkur á Bröttugötunni..Sæa
Sæa (Óskráður, IP-tala skráð), mán. 22. ágú. 2011
Heil og sæl
Magga mín, til hamingju með fröken Sögu og allar hinar stelpurnar þínar, alaltaf gaman að heyra frá þér. Það er einhver erlend ferðaskrifstofa með aðsetur á Íslandi sem er að leigja út sumarbústaði, ég veit bara ekki hvað hún heitir, örugglega hægt að "gúggla" það. Já, mamma ykkar bara að verða áttræð. Maja Ásbjarnar varð það líka núna 17. ág. Bara brattar stelpurnar!! Hvernig væri bara að flýta ættarmótinu? Komum því hér með til nefndarinnar. Vonandi eru Norðmenn að jafna sig eftir áföll votviðris og óhugnanlegra atburða. Já, ótrúlegt þegar fólk gerir svona lagað. Maður er í raun hvergi óhultur, en höldum áfram að vera með sól í sinni. Þó birtan sé farin að dvína á kvöldin, þá er enn gott veðrið, svo enginn þarf að kvarta. Kveðjur á línuna, Gunna Mæja
g (Óskráður, IP-tala skráð), fös. 19. ágú. 2011
Ágústfréttir frá Noregi
Gaman að sjá að það sé byrjað að tala um næsta ættarmót. Auðvitað reynir maður að koma. En við mægður (ég, Vala og hennar dætur!)bíðum ekki eftir móti í 2013, heldur skipuleggjum nú þegar að koma "heim" næsta sumar. Hlakka ég mikið til. Ef einhver veit um góðan bústað, sem hægt er að leigja í eina viku.... -ekki svo langt frá byggð, þá endilega látið mig vita. Vala mín fékk þriðju dótturina í sumar :))Litla Saga fæddist 15.júlí og er bara algjör dúlla. Bræðir ömmu sína jafnmikið og hinar tvær eldri. Ég veit ekki hvernig þetta endar með mig! Sumarið í Noregi er búið að vera votviðrasamt ... a.m.k. á suðausturlandinu en hitinn hefur verið góður og ekki yfir neinu að kvarta. Atburðir og eftirköst 22.júlí settu auðvitað sinn svip og áhrif á okkur öll hérna, en nú er minn fókus alla vega, mestur á skólastarfið og Völu og dæturnar. .... Svo eru 2 mánuðir eða svo, í áttræðisafmæli mömmu, og ætlar hún að halda upp á daginn sinn hérna í Skien hjá okkur Valgý. Öll við systkynin og makar náum að vera saman hérna líka,- nokkuð sem ekki gerist svo oft.... svo "det er bare å glede seg"!! :) Kveðjur, Magga Þóra
MÞJ (Óskráður, IP-tala skráð), fim. 18. ágú. 2011
Já, koma svo!!!
Er að lifna yfir fólkinu, ekki bara við gamlingjarnir sem tjáum okkur eitthvað? Endilega höldum okkur gangandi. Elsku Már og Guðrún og auðvitað foreldrarnir. Innilega til hamingju með prinsinn. Já ættarmótsnefnd. Farið nú að bretta upp ermarnar og velja tímanlega góða helgi vorið 2013 og vinnið vel og skipulega :) Hlakka til næsta ættarmóts. Stelpur, þið látið strákana vinna að undirbúningi líka, þeir hafa gott af því.Tek undir með Sæu; það á að vera lokað á frídegi verslunarmanna og ef 1.maí ber upp á helgi, þá hafa frí fyrsta virka dag á eftir. Allir skulu fá sitt og hana nú. Höldum vel ættartengslunum. Kveðja, Gunna Mæja
g (Óskráður, IP-tala skráð), mið. 3. ágú. 2011
Verslunarm.helgi, eða þannig !!
Komiði sæl ! Gott hjá þér Ransý mín að koma hér inn með smá fréttaskot, það mættu fleiri gera, svo gaman að vera aðeins í bandi.Klettarar hafa aðeins aukið við frændgarðinn þetta árið og það splunkunýjasta er afabarn hjá Mára, já Gunnar og Erla eignuðust fallegan dreng núna 27/7 og óska ég þeim öllum til hamingju með litla prinsinn.Mér finnst þetta sumar búið að vera svolítið öðruvísi... Kári hefur verið mjög iðinn að mér finnst, mér leiðist hann..Annars skiptast á skin og skúrir eins og gengur, ég missti systur mína um mánaðarmótin maí-júni,og þó aldursmunur væri þó nokkur fannst mér þetta allt of snemmt,vorum orðnar svo góðar vinkonur nú seinni ár.En ekkert vol og væl, í dag er einn af bestu dögum sumarsins stafa logn og fjörðurinn okkar eins og spegill,skiptast á sól og regn og rósirnar mínar njóta sín og ilmurinn OMG..himneskur,18-20° hiti er hægt að fara fram á meira ? Annars er mér alltaf spurn m/þessa verslm.helgi,er ekki löngu kominn tími á að gefa annað nafn á þessa helgi ?Versl.eigendur virðast sjá sig knúna til að hafa allt opið einmitt þessa helgi,já margt er skrítið í kýrhausnum,sem gömul versl.manneskja fer þetta inn á taugakerfið hjá mér hehe.Annars allt í góðu af okkur gömlu hjúunum og frökeninni á bænum.Hafið það gott sem eftir er sumars, kveðja frá okkur...Sæa.
Sæa (Óskráður, IP-tala skráð), lau. 30. júlí 2011
Já já :o) Sumarkveðja!
.2 Já já Lauga duglega!!!Annars er það alveg satt að við erum ekki nógu dugleg við að skrifa hér inn fréttir!! Af mér og mínum er allt gott að frétta,við hjónin erum búin að vera nokkuð dugleg í sumar að fara í skreppitúra hingað og þangað,bæði hjólandi og bílandi.Fyrir 2 vikum ákvð ég að tími væri til kominn að nota gjafabréf sem Juan fékk í afmælisgjöf í fyrra sem var 2 nætur á Fosshóteli og ferð uppá Vatnajökul!!Við fórum héðan úr bænum úr 17°hita og sól og keyrðum suður og inn í grenjandi rigningu,þoku og 8° hita hjá Vík,þið getið ímyndað ykkur hvað við vorum glöð,og ég fékk að heyra hvað ég væri góð í að skipuleggja ferðir og ákveða tíma!!!!En eftir því sem við nálguðumst Höfn batnaði nú veðrið og við gátum skroppið í smá gönguferð þegar við vorum komin á hótelið!!Dagin eftir var komin glampandi sól og æðislegt veður og þessi ferð uppá jökul var það skemmtilegasta sem við höfum gert!!Að þeysa um á snjósleða um endalausan snjó í geggjuðu veðri er bara frábært!!Svo þegar ferðin var búin fengum við að vita að brúin yfir Múlakvísl hefði farið um nóttina og við kæmumst ekki heim þá leiðina,nú þá var ekki um neitt annað að ræða en keyra hina leiðina heimhaha mín var ekkert ósátt við það!!Samt gott að við gátum fengið að skipta seinni nóttinni yfir á Fosshótel Laugar fyrir norðan,þannig að þetta varð skemmtilegasta ferð,hver segir svo að ég sé ekki góð í að skipuleggja????!!!! En ég er víst í nefndinni og við höfum ekkert hittst ennþá,nema hvað ég hitti Guggu á kóramótinu á Selfoss í mai og við vorum einmitt að segja að við yrðum nú að fara að spjalla eitthvað saman bráðum....já já örugglega bráðum!!Ætli það veri ekki svona 5 mín. í mót!!!En allir sem hafa einhverjar tillögur láti okkur vita...og svo verður hver fjölskylda að fara að æfa sitt skemmtiatriði!!! kv. Ransy
Ransy (Óskráður, IP-tala skráð), þri. 26. júlí 2011
Heil og sæl
Er ekki komið að smá skrifum? Ég ásamt 99 öðrum heimsótti Eyju á afmælisdaginn. Sú gamla var aldeilis hress og ánægð með afmælið, og alla sem heimsóttu hana. Við meigum vera stollt af að eiga 100 ára gamla frænku og svona líka skemmtilega og jákvæða. Ég hef oft sagt; Ef allir væru eins og hún Eyja, þá væri heimurinn góður. Hún er algjör Pollýanna, sér alltaf jákvæðu hliðarnar á öllu. Mikið erum við búin að hafa góða daga, bara alltaf sól, en eitthvað eru veðurguðirnir að koma með rigningu núna um helgina. Ekki veitir af, allt er orðið svo þurrt. Annars er bara allt gott að frétta, nema Simbi minn er ekki nógu frískur, en það kemur vonandi. Bið að heilsa ykkur í bili, höldum ættartengslunum vel. Kveðja, Gunna Mæja
gm (Óskráður, IP-tala skráð), fim. 21. júlí 2011
Eyja frænka 100 ára!!!
Kæru ættingjar og vinir. Þá er stór afmæli Eyju frænku upprunnið, og við hjá Dala-blog óskum henni innilega til hamingju með daginn. Þegar litið er yfir farinn veg þá kemur "Eyja á Horninu" eins og hún var gjarnan kölluð, oft við sögu og margir komu við í búðinn hjá henni eða heima í Dal. Enn og aftur til hamingju með daginn Eyja okkar.
Jóhannes Gylfi Jóhannsson, mán. 13. júní 2011
Heil og sæl öllsömul !!!
Já komiði sæl.! Má til að monta mig aðeins,við gömlu hjúin erum komin með nýjan fjölsk.meðlim,fröken Fía nefnist hún og er 5 ára papillon tík.Það er búinn að vera draumur lengi að minnsta kosti hjá frúnni á bænum að eignast hund,sérstaklega eftir að hætt var að vinna og maður má vera að því að sinna því. Segi ekki að Bjössi hafi verið mjög "spenntur" en sé ekki betur en hann njóti í botn þegar litla krúsin hleypur á móti honum þegar hann kemur heim hehe.En gott fólk mikið óttalega er kalt og vetrarlegt þessa dagana og spáin fyrir næstu daga hryssingsleg,verð að játa að ég er farin að þrá svolitla hlýju og LOGN... Alltaf gaman að heyra aðeins frá ykkur,,,bless í bili..Kv. Sæa
sæa (Óskráður, IP-tala skráð), fim. 19. maí 2011
Ja sko til
Það er aldeilis stuð á fólkinu þykir mér. Já innilega til hamingju öll með afmælisdaga stóra og smáa, fermingar og barnsfæðingar. Það er eki að spyrja að dugnaðinum í fjölskyldunni. Við hjónakorn fórum í Páskasælu austur til Harðar. Vorum svo ljónheppin að lenda í fermingarveislu á Seyðisfirði hjá frænku Simba á skírdag bara rétt eftir lendingu (við flugum). Svo voru bara endalausar veislur á Fáskrúðsfirði alla Páskana, svo við vorum bara fegin að koma heim í brauðið og vatnið eða þannig. ég efast ekki um að vel fer um Sollu hjá Guggu, en samgleðst henni innilega að fá íbúð við sitt hæfi. Allir frískir og glaðir hjá okkur, Simbi mætti vera aðeins betri, en hann fór í aðra axlaraðgerð um miðjan apríl, þetta kemur vonandi, en honum finnst hann ansi heftur, má ekkert gera; það er bara allt eftir allsstaðar finnst honum, almáttugur minn. Já, svona er lífið. Bráðum kemur sólin með alla sína hlýju. Njótum þess sem við höfum. Kveðjur á línuna, Gunna Mæja
GM (Óskráður, IP-tala skráð), fim. 5. maí 2011
17.april :)
Innilegar hamingjuóskir til allra fermingarbarna, foreldra og besteforeldre.... nýrra sem (notaðara ætlaði ég að segja!!!) ekki svo nýlegra! Og ekki minnst hamingjuóskir til afmælisbarna þann 17.apríl!! Gaman að eiga daginn sameiginlegan með Ásmundi sjötugum og einum litlum nýfæddum :) Bestu kveðjur frá páskasólinni, Magga Þóra (módel 1958)
Magga Þóra (Óskráður, IP-tala skráð), þri. 19. apr. 2011
ÚBBBBS
Hallooó ég gleymdi aðal fréttinni elskurnar mínar !!! Já hann Már og hann egta kvinna eru loksins búin að fá titilinn afi og amma... Hún Ásthildur dóttir þeirra eignaðist lítinn dreng núna 17. apríl. Óttalega seinþroska allt hjá þeim hahaha ekkert verið að flýta sér,annað en hjá okkur hinum.. Verið kært kvödd (eins og Óli frændi ykkar segir)...Sæa....PS: ég verð að segja ykkur fréttirnar, því ég efast um að bræðurnir myndu þekkja hvorn annan á götu ef ske kynni að þeir hittust..OMG.. hahaha.
sæa (Óskráður, IP-tala skráð), þri. 19. apr. 2011
Gleðilega Páska..!!!!!
Sæl öllsömul,, svona á þetta að vera,! svo gaman að heyra frá ykkur Gugga og Magga hér inná hjá okkur, og eins og við Gunna M. Gylfi höfum sagt það þarf ekki að vera heil ritgerð,bara smá,,svona til að vera í bandi,og fylgjast með því helsta hjá fjölsk.okkar,börnum,barnabörnum osfrv.Svo gasalega gott að frétta af Sollu okkar hér inná,vona Gugga mín að íbúðirnar klárist sem fyrst því það er jú alltaf best að vera sjálfs síns herra,knúsaðu hana frá okkur Bjössa. Og það er líka svo gaman að heyra frá þér Magga Þóra,svo langt síðan..æðislegt hjá ykkur að komið sé gott vor með góðri hlýju, ég var að bölva aumingjaskapnum í mér áðan að vera ekki búin að setja í vél og hengja út,var svo fallegt veðrið í morgunn,en þakkaði svo fyrir það eftir hádegið hvað ég er löt því ég hefði átt mínum slæmu fótum fjör að launa,auðvitað kom hífandi rok með tilheyrandi hagli,slyddu og bara nefnið það.En gott fólk nú eru að skella á PÁSKAR með sínum fermingum og veisluhöldum,í okkar legg á að ferma hjá Gísla þann yngsta (Guðbjart Mána)og barnabarn Gylfa (Sturlaug Orra)núna á Skírdag,já já tvær veislur þann daginn,vill til að okkur finnst gasalega gaman að borða hehe.JÁ og svo varð höfuð okkar leggs Ásmundur Jóhannsson sjötugur núna á sunnud.17.apr. og hélt uppá það með veglegum veisluhöldum harmónikkuspili og söng eins og ættinni er lagið,já það var gaman hehe. Ætli ég láti ekki gott hita í bili,eigið góða páskadaga,bestu kveðjur...Sæa
sæa (Óskráður, IP-tala skráð), þri. 19. apr. 2011
Norge
Takk Gylfi fyrir að benda okkur á skilaboðin hérna .... náði að google þessa síðu og komst því aftur inn, ef svo má segja. Frábært að heyra af þér Gugga .... og gott að frétta af mömmu þinni. Simanúmerið mitt er +47 9596 2054þ Það er bara að hringja!!! Ég verð heima við í sumar. Verð amma í þriðja sinni í lok júlí :))) -já Vala mín á von á þriðju stelpunni!! og hún býr í Osló, þannig að maður fer ekkert langt. Þú getur líka sent email: m.jonsdottir@vo-skien.no. Héðan er annars allt fínt að frétta. Vorið er svo sannarlega komið. Hitinn ca 17 stig, svo maður hefur enga afsökun að geyma garðvinnu til seinni tíma. Dóttir og barnabörn verða hjá mér um páskana og hlakka ég mikið til. Býst við ballettsýningu og prinsessuleik, búðarleik og vatnssulli .... og svo bókarlestri í lok dags! Alveg yndislegt :) Bestu kveðjur, Magga Þóra
Margrét Jónsdóttir (Óskráður, IP-tala skráð), sun. 17. apr. 2011
Góðar fréttir úr Hafnarfirði.
Heil og sæl Gugga. þetta voru góðar fréttir af Sollu og já og ykkur líka. Það er alltaf gott að eiga hauk í horni þegar veikindi eru annars vegar, og gott til að vita að von sé í hentugu húsnæði sem ekki er vanþörf við svona aðstæður. Ert þú ekki á Facebook Gugga? þar eru þær Valgý og Magga Þóra í Noregi, og gaman að fylgjast með vinum og ættingjum. Bestu kveðjur á þinn bæ. Jóhannes Gylfi.
Jóhannes Gylfi Jóhannsson, lau. 16. apr. 2011
fréttir úr Hafnarfirði
Sæl öll. ég gleymdi bara að þessi síða er til svei mér þá. Nýjustu fréttir af Sollu eru þær að hún er í ,,horninu á stofunni" hjá mér núna. Hún er í sjúkraþjálfun hér í Firðinum og gengur mjög vel. Komst ekki á Reykjalund það þurfa nú fleiri en hún að komast að og sennilega hafa þeir verið búinir að fá nóg af henni (segir hún amk, og ég trúi því vel). Hún er ágæt en ansi gleymin á ýmislegt, er þó ekki með Alzheimer, við erum búin að láta ath það. Þetta tengist Parkinsonsveikinni og lyfjunum sem hún tekur við henni. Þannig að ekki láta ykkur bregða þó hún segi sömu fréttirnar oft ef þið hringið. Hún er ekkert út úr en þegar ekki mikið er að gerast í lífinu þá endurtekur maður jú allt sem maður man ekki satt?! Það er verið að endurnýja íbúð á Flúðum í húsnæði fyrir aldraða og við höfum fengið loforð um hana þannig að mamma flytur á jarðhæð þar sem aðgengi á að vera flott. Við Einar bróðir þurftum nú að rella talsvert í þessum gáfumönnum sem teikna svona hús svo þetta sé í lagi fyrir hreyfihamlaða og aldraða. En hún er sem sagt nokkuð sátt við þetta ennþá amk og bíður bara. annars er allt gott að frétta, Simmi og Sirrý eiga von á barni í september og við Magnús barnabarni einnig í sept. Stefán Logi (knattspyrnumaður í Noregi) og Elsa Rut kærastan hans eiga von á barninu svo ég verð náttúrulega bara hálf amma en það er alveg nóg. Strákarnir hinir Kári (23 ára) og Steinar (bráðum 13.) búa heima hjá okkur . Ég stefni á að vinna í Noregi í sumar , væntanlega í Skedsmö svo ég þarf að fá símanúmer hjá ykkur systrum í Norge, kem örugglega í heimsókn ef þið verðið heima. Geri ráð fyrir að vera allan júlí. Læt þetta gott í bili. kveðja Gugga
Guðbjörg Sigurgeirsdóttir (Óskráður, IP-tala skráð), fös. 15. apr. 2011
Gaman gaman !!!!
Komið heil og sæl, voða finnst mér gaman að kíkja hér inn núna,fullt að lesa.Valgý ég myndi nú bara drepast í svona miklu frosti segi það satt.Já það er líka svo gaman að fá að fylgjast með vinum og vandamönnum sem eru orðnir um allan heim hvort sem það er hér eða á facebook, gott apparat þessi tölva.Annars er ég alsæl núna,er að losna út úr þessu bévaða atv.leysisbótakerfi sem alltaf hefur farið í mínar hárfínu taugar með öllum sínum námskeiðum og veseni,það er semsagt búið að dæma mig öryrkja,og að því gerði maður nú grín fyrir nokkrum árum, en það kennir manni að aldrei að segja aldrei. Annars var í gær bara eins og komið væri vor, lygnt, sól, þokkalega hlýtt og svoleiðis fuglasöngur, svolítið svalara í dag en bjart og fallegt. Bestu kveðjur...Sæa
sæa (Óskráður, IP-tala skráð), þri. 15. feb. 2011
Sko til!!
Já, fólkið smám saman að vakna!! gaman að því. Ég nenni ekki alltaf á Face-book, enda er tölvan mín svo seinvirk greyið, komin til ára sinna. Ég er að gutla þetta hér í vinnunni (svona þegar er stund.) Það er svona ca. mánuður til 2 þar til Pósturinn flytur í annað húsnæði.Förum á Brúartorgið, beint á móti Hyrnunni, þ.e. í Bogahúsið þar sem Framköllunarþjónustan er. Það verður nú meiri munurinn. Núverandi hús var byggt á árunum 1956 - 1958 og er barn síns tíma, hentar ekki þeirri starfsemi sem nú er. En vitið þið það krakkar? Ég er búin að vinna hér í þessu húsi í 35 ár, hvergi annarsstaðar unnið, svo gott verður að flytja áður en maður verður stoppaður upp !!!, en síga fer á seinni hluta starfsævinnar, vinn kannski 1 1/2 - 2 ár í viðbót. Er farin að hlakka til að þurfa ekki að mæta til vinnu, vonandi helst bara heilsan góð, svo maður njóti þess til fulls. Í dag er vel bjartur dagur, ca -4° frost, I love it!! En bjartir dagar og bjartir tímar framundan. Kveðjur, Gunna Mæja
gm (Óskráður, IP-tala skráð), þri. 15. feb. 2011
Alltaf snögg að svara.
Sæl Valgý mín, takk fyrir svörin, það er alltaf gaman að fylgjast með fólkinu sínu hvar sem er í heiminum.Frændfólk Ásu minnar er nýflutt til Norge, nánar til tekið Bekkjarvik sem er skammt frá Bergen, svo það er mikið notuð tölvan og Skype í samskiptunum. Já var aðeins -22°C hjá þér í gær, það er ansi mikið, en er ekki frekar lítill raki í loftinu? Þegar ég var í Norge á sinni tíð,fannst mér ansi kalt í Stavanger en ekki eins kalt í Trondheim sem er talsvert innar í landinu. Jæja læt þetta duga í bili. Bestu kveðjur. Jóhannes Gylfi.
Jóhannes Gylfi Jóhannsson, mán. 14. feb. 2011
að svala forvitninni...
Datt í hug að svara þér með netpósti, Gylfi, en snérist hugur og ákvað að svara hér. Kannski eru fleiri forvitnir. Halldór er að vinna við pölvuforritun. Hann vinnur hjá fyrirtæki sem heitir Tiento, það er finnskt, en vinnur í mörgum löndum. Halld´ðor hefur unnið mikið fyrir Statoil hér í Noregi, og var sendur á þeirra vegum til Brasiliu í fyrra eða hittifyrra. Núna vildi svo spánskt olíufélag, Repsol, fá sama program og Statoil, svo þá vantaði mann (2 menn) héðan til að starta því. Halldór er "prosjektleder" og verður þarna í 1 ár til að byrja með. Þeir eru strax farnir að tala um að hann verði að vera lengur. Kristin, kona hans, er byrjuð að læra spænsku, annars ætlar hún að lesa allar bækurnar sem hún hefur gleymt að afpanta frá bókaklúbbunum síðustu ár. Einnig á hún fína prjónavél sem hún vonast til að geta notað eitthvað. Krakkarnir eru á fullu í skólanum og í íþróttum og öðru eftir skólann. Ég vona að þetta hafi verið nóg, Gylfi. Skal vera duglegri að pota inn smá efni hérna á síðuna. Eins og þú sagðir: " Batnandi mönnum er best að lifa". Svona í lokin, hér var 22 stiga frost í gærmorgun, en núna er hlýrra, er samt hrædd um að næsta helgi og vika verði ísköld. Þá er ég í vetrarfríi, og ætla að nota dagana í sumaskap og myndlist (málun), þá gerir lítið til þó kuldinn fari undir 20 gráður!! B.kv. Valgý.
Valgý (Óskráður, IP-tala skráð), mán. 14. feb. 2011
Vetur og vetrarveður ekki satt.
Já heil og sæl öll fjær og nær.!! Það er alltaf gott að fá fréttir og maður talar ekki um góðar fréttir, eins og af Sollu okkar, vonandi kemst hún sem fyrst á Reykjarlund. Já Valgý mín það var orðið langt síðan þú skrifaðir hérna á síðunni, en segir ekki einhverstaðar batnandi er best ............. Annars er gaman að vera inni á FaceBook líka svo við höldum öllum leiðum opnum.Valgý við hvað er Halldór að starfa í Madrid? alltaf forvitinn. Gunna mín já orkan hjá okkur getur verið í lægð eins og veðrið svo allt lagast með hækkandi sól, þetta á ekkert skilt við aldurinn,eins og við vitum. Já alltaf jákvæð, og meiri skrif á síðuna. Bestu kveðjur. Jóhannes Gylfi.
Jóhannes Gylfi Jóhannsson, lau. 12. feb. 2011
Vetur og vetrarveður ekki satt.
Já heil og sæl öll fjær og nær.!! Það er alltaf gott að fá fréttir og maður talar ekki um góðar fréttir, eins og af Sollu okkar, vonandi kemst hún sem fyrst á Reykjarlund. Já Valgý mín það var orðið langt síðan þú skrifaðir hérna á síðunni, en segir ekki einhverstaðar batnandi er best ............. Annars er gaman að vera inni á FaceBook líka svo við höldum öllum leiðum opnum.Valgý við hvað er Halldór að starfa í Madrid? alltaf forvitinn. Gunna mín já orkan hjá okkur getur verið í lægð eins og veðrið svo allt lagast með hækkandi sól, þetta á ekkert skilt við aldurinn,eins og við vitum. Já alltaf jákvæð, og meiri skrif á síðuna. Bestu kveðjur. Jóhannes Gylfi.
Jóhannes Gylfi Jóhannsson, lau. 12. feb. 2011
Veðurbreyting
Heil og sæl. Ekki eins fallegt veður í dag eins og í gær, spáir roki og rigningu. Gaman að heyra frá þér Valgý, tek undir með þér, það er alveg óþarfi að hafa svona snjó og hálku, það á bara að vera snjós til fjalla( til að bæta vatnsbúskapinn) og í húsagörðum. Svo má allt annað vera autt. Ég hlakka líka til vorsins, það er yndislegur tími þegar allt fer að lifna aftur. Það er aldeilis flækingur á þínum drengjum Valgý mín, en bara gaman og heimsækja þá svo til annarra landa. Þegar Kiddó minn og fjölskylda bjuggu í Danmörku, þá fannst mér voða gaman að skreppa til þeirra, varð hálfpartinn fyrir vonbrigðum þegar þau komu heim!!! nei,nei alls ekki, það er yndislegt að hafa þau heima og ég tala nú ekki um í Borgarnesi, alltaf gaman þegar unga fólkið kemur til baka. Ég er að fara á morgun í eftirlit til hjartalæknisins, bara venjulegt eftirlit, er bara helv... góð, en ansi vantar mikið uppá orkuna, það verður bara að hafa það. Hvað, ég er ekkert gömul, það eru bara aldurstölurnar sem hækka. En bara að lifa í núinu og jákvæðninni, það gerði amma í Dal, blessuð sé minning hennar og allra hinna. Hugsum um hvert annað. Bestu kveðjur, Gunna Mæja
gm (Óskráður, IP-tala skráð), þri. 8. feb. 2011
...og meiri snjór og kuldi...
Kæru ættingjar, ég var að uppgötva að ég hef ekki skrifað þér á síðuna í heilt ár, þó að ég kíki inn ánæstum hverjum degi. Allltaf jafn gaman að heyra í ykkur, og núna loksins "kvitta ég fyrir". Tek undir með Gunnu Mæju og Sæu, það mættu fleiri skrifa. Þær eru ótrúlega dulegar við skriftirnar. Já, og Gylfi, sé að hann er bara nokkuð flínkur við þetta líka. Gaman að heyra að Solla er alltaf söm við sig, jákvæðin og hress, vona að allt gangi vel hjá henni og að hún komist fljótt á Reykjalund. Bestu kveðjur til hennar frá mér. Af okkur hérna í austri er allt bara ágætt að frétta, það er þó skítkalt og núna snjóar á fullu, í viðbót við allan snjóinn sem fyrir er. Mín vegna mætti allt rigna í burtu og fara að hlýna svolítið, en það er víst bara febrúar, svo ég verð sennilega að bíða eftir vorinu í mánuð eða tvo. Óli hefur verið rúmar tvær vikur í Bergen að hjálpa Nonna og fjölskyldu við að breyta og bæta í húsinu hjá þeim. Þau keyptu sér stórt 40 ára raðhús fyrir jól, og þar er nóg að gera. Held að hann hafi fengið góða "hjálp" af litlu aðstoðarsmiðunum á bænum. Ég á von á honum heim á morgun,(eins gott, mig vantar einhvern til að moka snjó!!). Halldór og fjölskylda fluttu til Madrid um áramótin, hann er að vinna þar í 1 - 2 ár. Þau fengu fínt hús og bíl, og vinnuveitandinn borgar skóla fyrir krakkana. Þau eru í skandínavískum skóla í nágrenninu. Þau eru öll mjög ánægð með þetta og eru á fullu að læra spæsnku. Við Óli ætlum í fyrstu (vonandi af mörgum) heimsókn til þeirra í páskafríinu. Þá verður alla vega komið vor, ef ekki sumar, þar. Hlakka til! Haukur og fjölsk. fara þangað um miðjan febr. Shideh er að fara með model (hun er meðeigandi i Malta Infashion)á tískuviku í Madrid og Haukur tekur Deltu með til að heimsækja Halldór og co. Þau hafa ekki hist síðan 2008. Ég sé nú að þetta er að verða ansi langt, hætti núna, skrifa frekar oftar og minna í einu. Bestu kveðjur til allra frá Valgý.
Valgy (Óskráður, IP-tala skráð), mán. 7. feb. 2011
Vetrarsól
Yndislegt í dag, glampandi sólskin og frost, bara eins og á að vera á þessum árstíma. Ég tek undir með Sæu, það mættu fleiri kvitta fyrir sig á þessari síðu, síðunni okkar. Talaði við Sollu á laugardaginn, afmælisdaginn hennar. Það var bara gott hljóðið í henni, fór til læknisins í Reykjavík fyrir viku, og honum leist bara vel á hana. Það er búið að leggja inn beiðni fyrir hana á Reykjalundi og vonast hún til að komast þangað sem fyrst. Hún er núna á Kumbaravogi, það er svona la la, en hún er bara svo jákvæð, lætur sig hafa það, alls ekki slæmt segir hún. Gylfi, hún var svo ánægð að heyra í þér, það mættu endilega fleiri hafa samband við hana, og koma svo!! Gylfi, þegar ættardiskurinn kemur út, þá áttu líka vissa kaupendur hjá okkur Sollu. Læt þessu lokið núna. Kveðja, Gunna Mæja
gm (Óskráður, IP-tala skráð), mán. 7. feb. 2011
Komiði sæl.;)
Gleðilegt ár öllsömul! Til hamingju með allt hjá þér Gunna mín,jú fallegt nafn á litlu krúsinni ykkar,hún hefur erft (eins og ég segi)hávaðan úr Dalættinni hehe, það hlýtur að hafa verið Þorbjörn Hlynur sem skírði hann hefur flotta rödd haha. Nú og Gylfi,þú brillerar í ættfræðinni það verður spennandi þegar þú gefur það út,verð fyrst til að kaupa hehe. Jú handboltinn var spennandi og strákarnir OKKAR æðislegir,hugsa sér okkar litla þjóð að eiga svona flotta leikmenn,játa alveg að ég er svolítið tryllt í boltanum og fæ harðsperrur í látunum, en samt ekki svo að Bjössi minn þurfi að hringja í 112 til að láta fjarlægja mig.En mikið meigum við hér á suðvestur horninu vera þakklát fyrir góðan vetur það sem af er,í dag 3.feb.er glampandi sól og fallegt og smá snjór eftir nóttina og fyrri nótt.Annars svona allt við það sama hér á bæ,kellan samt að glíma við ofnæmi og Guð má vita fyrir hverju.Voða væri nú gaman ef fleiri létu frá sér heyra á síðunni okkar,(þarf ekki að vera svona langt blaður hehe) Vona að Solla okkar hressist með hækkandi sól. Bestu kveðjur frá okkur á Bröttugötunni. Sæa.
sæa (Óskráður, IP-tala skráð), fim. 3. feb. 2011
Heil og sæl
Litla Gísladóttir var skírð í Borarkirkju á sunnudaginn 23.jan. Hún fékk nafnið Emelía Ýr. Fallegt nafn, finnst ykkur ekki? Hún lét smávegis í sér heyra þegar presturinn byrjaði að tala, hún hefur trúlega haldið að hún hefði hærra en það dugði ekki hann hafði vinninginn. Þegar presturinn jós vatninu á höfuð hennar, þá lygndi hún aftur augunum, hefur trúlega haldið að hún væri í baði! Þá var bara að leggja sig eins og fallegum dömum sæmir og svaf hún af sér öll veisluhöld, sem voru glæsileg. Eru ekki allir spenntir fyrir HM? Mér skilst að frúin á Bröttugötunni sleppi ekki úr leik, er það ekki Sæa? Það er gaman að fylgjast með strákunum, þeir standa sig eins og hetjur. Bestu kveðjur úr Borgarnesinu, Gunna Mæja
gm (Óskráður, IP-tala skráð), þri. 25. jan. 2011
Gleðilegt ár.
Gleðilegt ár og þökk fyrir þau liðnu. Takk fyrir upplýsingarnar Gunna mín, það er alltaf best að hafa hlutina rétta og sanna í ættartölunni. Það var ánægjulegt að aðgerðin hjá Simba gerði eitthvað gott,segðu honum að bara vera duglegur að fara í sund og heita pottinn, þekki það af eigin raun. Jæja fannst ykkur kalt í Köben, það getur verið andsk. kalt þó að sé ekki mikið frost, það er rakinn í loftinu, var manni sagt í den. Ég tek undir hlýjar og ljúfar óskir og bænir til Sollu okkar. Bestu kveðjur. Jóhannes Gylfi.
Jóhannes Gylfi Jóhannsson, fös. 7. jan. 2011
Nýtt ár
Gleðilegt ár, þakka öll gömlu góðu árin. Það er best að byrja á ættfræðinni Gylfi minn. Móðir stúlkunnar heitir Sigríður Dóra Sigurgeirsdóttir. Móðir hennar, Annabella Albertsdóttir (bakarameistara Þorkelssonar) og Sigríðar Guðmundsdóttur. Faðir Sigurgeir Erlendsson bakarameistari (á Geirabakarí í Borgarnesi,(með þeim bestu á landinu) hann er ættaður frá Siglufirði. Allt gengur vel með litlu ungana mína, gaman að fylgjast með litlu dúllunni, hún er alveg rétt ættuð, farin að láta heyra vel í sér, hún hrekkur stundum við út af hljóðunum sem frá henni koma þegar hún er að hjala við okkur. Mér finnst erfitt að geta ekki fylgst eins með litla Herði fyrir austan. Þú varst ekki búin að fá móðurnafnið hans. Hún heitir María Björk Stefánsdóttir. Ég þekki ekki hennar fólk. Mamma hennar heitir Sjólaug og er hjúkrunarfræðingur og býr á Dalvík, faðir Stefán og er rafvirki og býr í Reykjavík (svona klofin fjölskylda). Ferðin til Köben var alveg frábær en svakalega var kalt. Það voru bara ísnálar í andlitinu á manni alla daga, en þá var bara að stinga sér inn í næsta magasín :) eða kaffihús, þau voru notuð óspart. Það er alltaf gaman að ferðast með skemmtilegu fólki. Við vorum 9 sem vorum saman í ferðinni fyrir ári, gaman að hittast aftur. Simbi er að lagast í öxlinni sem gerð var aðgerð á í október, en hann þarf ekki að búast við 100% bata, bara svona 60 - 70%, en verkina er hann laus við sem betur fer. Elsku Solla okkar er eina ferðina enn komin á spítala. Ætla ég ekki að rekja hennar raunasögu hér. Það er alveg skelfilegt ástand hjá henni og bið ég ykkur um að senda henni ljúfar og góðar hugsanir og bænir. Þá er komið nóg í bili. Njótið tilverunnar og lítið björtum augum framávið. Kveðja, Gunna Mæja
gm (Óskráður, IP-tala skráð), fös. 7. jan. 2011
jólakveðja
Jæja þá eru enn ein jólin að skella á okkur, húsið ilmar af hangikjöti og smá ajax, hreint á rúmum,búið að þurka af mesta rykið,geta þá ekki bara komið jól ?? Hjá okkur eru engar stórar fréttir,enda ekkert slæmt á meðan, við gömlu hjónin erum ein útaf fyrir okkur á aðfangad.kvöld, þykir verst að fá ekki rjúpur,en það hefur verið lítið um þær síðan "gamli maðurinn" hér á bæ hætti að fara til fjalla, en hvað um það,verðum í staðin með svín "a la Ragga " uppá gamla mátann, Svo koma allir krakkarnir okkar ásamt sínum viðhengjum í hangiketið á jóladag og þá er fjör. En kæru vinir og venslamenn við´á Bröttugötunni óskum ykkur öllum GLEÐILEGRA JÓLA og farsældar á nýju ári. Hafið það sem allra,allra best. Jólakveðja í hvert hús... Sæa.
sæa (Óskráður, IP-tala skráð), fim. 23. des. 2010
Sælt veri fólkið:
Best er að byrja á hamingju óskum til Gunnu Mæju &Co með nýju dömuna sem fæddist þann 16. nóv.sl. Svo vantar bara upplýsingar um móður barnsins, svo hægt sé að gera ættarskrána fullkomna. Gunna sendir mér þetta eftir Köben ferðina. Já ég tek undir með Sæu minni það mættu fleiri pára hérna á Dala-Bloginu(KOMA-SVO) Það er alltaf notalegt að fá smá punkta og halda sambandi við sína nánustu, það þarf ekki mörg orð í einu, bara vera með. Ég sendi bestu kveður og vona að allir séu að komast í Jólaskapið. Jóhannes Gylfi.
Jóhannes Gylfi Jóhannsson, mán. 29. nóv. 2010
Lífið er yndislegt.;)
já já til lukku Gunna mín,bara búin að skjóta okkur ref fyrir rass, gaman að þessu,en almáttugur svo stutt síðan Sigga var bara krakki hahaha dúddamína hvað tíminn flýgur út úr höndunum á manni. Ekkert fréttnæmt hér á bæ svosem,barnabörnunum gengur vel í öllu sínu,Natalý er að gera það gott í handboltanum og farin að búa (omg)og Diego í sinni bardagaíþrótt og námi (japönsku já já)Viktoría mín komin á fast, osfrv.Maður bara nær þessu ekki, en jú þetta er ljúft,við höfum SVO mikið að þakka fyrir !!!Gunna mín þú getur átt þitt ryk sjálf,skollakornið nóg fyrir mig hér á bæ. Eigið góða og skemmtilega ferð í kóngsins Köbenh. Kveðja á alla.(KOMA SVO)...Sæa.
sæa (Óskráður, IP-tala skráð), lau. 20. nóv. 2010
Dama
Þá er annað langömmubarnið fætt. Lítil dama fæddist 16.nóv. 15 merkur,52cm. algjör dúlla, slétt og falleg (eins og amma-long!!)Gísli Már er pabbinn, svo Sigga er orðin amma (litla stelpan mín). Fæðingin gekk vel, þau voru á Akranesi svo það var stutt að skreppa til að sjá lilluna. Hörður Marinó dafnar vel orðinn heljar kall, alsæll og brosandi. Er þetta ekki bara ljúft? 28.nóv. ætlum við hjónakornin að bregða okkur til Köben í 3 daga fórum álíka ferð fyrir ári með 60+ Bara alveg frábært. Sæa, þegar þú ert búin að vaða með tuskuna og þvegilinn um allt, þá kemurðu bara í Arnarklettinn þar er alveg nóg af ryki og öðru óþörfu :) en það er nú bara þannig að þetta étur ekki mat og skilur eftir sig keppi, þeir hanga bara utaná mér. En nóg í bili Kveðja, Gunna Mæja
gm (Óskráður, IP-tala skráð), fös. 19. nóv. 2010
skrabl
Hel og sæl verið þið öllsömul !! Er ekki tími á að setja inn nokkrar línur HA.Nú er veturkarl skollinn á okkur rétt eina ferðina eftir hlýtt og yndislegt sumar,vona svo sannarlega að hann verði eins bljúgur við okkur og sá síðasti.Það er svosem ekkert markvert að frétta hjá svona gamlingjum,og þó það er alltaf eitthvað að ske.Við hjúin tókum okkur smá sumarauka 7-21.okt.og skelltum okkur til Benedorm, það er ekki nokkur leið að láta minn karl taka sér smá frí nema fara með hann af landi brott,þar leigðum við okkur íbúð hjá aðila sem leigir út,finnst það miklu betra en nota ferðaskr.þoli ekki þessar hreing.kerlingar sem koma í tíma og ótíma og draga háragums af öðrum inn um allt hahaha,vil miklu frekar gera þetta sjálf,en hvað um það þarna áttum við góðan tíma,tók minn mann í nudd kvölds og morgna hann er búinn að vera svo slæmur í öxlunum.Við skelltum okkur líka í nærliggjandi þorp Altea og Albir og hittum þar gamla Borgnesinga Ásu Ólafs og Kristján Ólafss.bara gaman að því.Annars lítið hjá okkur utan þetta venjulega,er að horfa í kringum mig hér inni á þessum fallega og bjarta degi,sólin skín skært inn um gluggana "hvaðan í ósköpunum kemur allt þetta RYK" Verð að gera eitthvað í þessu, og eins og Óli Ragg segir Verið kært kvödd. bestu kv. frá okkur... Sæa.
sæa (Óskráður, IP-tala skráð), fös. 5. nóv. 2010
Heil og sæl
Þá er nú búið að gifta elsta elsta barnabarnið og skíra litla manninn. Hann fékk nafnið Hörður Marinó. Svo skemmtilega vill til að besti vinur pabba hét Marinó (Þórðarson), en nafnið er frá langafa mömmunnar, en gaman samt að tengja þetta svona. 10.10 var alveg frábært veður á Fáskrúðsfirði, það gáraði ekki á fjörðinn allan daginn, ótrúlegt í október og litadýrðin í umhverfinu. Ef þið eruð á Facebook, þá getið þið fundið Sigmar Örn Harðarson þar, og skoðað myndir (vonandi komnar inn). Við keyrðum austur á laugardeginum 9. með Siggu og Arnari. Svo fór Simbi með þeim til baka á sunnudagskvöldinu 10. ásamt Þórdísi og Gísla, sem flugu austur um morguninn (mikið á sig lagt til að samgleðjast frænda). Ég hefði drepist ef ég hefði farið strax með þeim,svo ég stoppaði fram á miðvikudag (maður verður nú líka að hafa eftirlit þar eins og hjá börnum í Bg.:). Haha,þetta er sá virðulegasti hópur, sem ég er kominn í (lang............)þakka fyrir það. Ég öfunda orðið alla þá sem eru komnir á aldur og geta verið heima og gert hvað sem þá langar til, ég hlakka mikið til þess tíma. Það er svo margt sem mann langar til að gera en nennir ekki eftir vinnudaginn. En minn tími kemur (eins og konan sagði). En hafið það öll gott, njótið lífsins, kveðja, amma-long GM
gm (Óskráður, IP-tala skráð), þri. 19. okt. 2010
Til Guggu
Heisan. Gleymdi alltaf að svara þér. Við Valgý búum í Skien í Telemark, ca 140 km í suðurátt frá Osló. Vestanmegin við Oslófjörðinn. Lilleström og Rælingen eru austan megin við Osló en ekki svo langt frá. Ætlar þú að koma til Noregs bráðum? Láttu vita og svo sjáumst við!! :)
Margrét Þóra Jónsdóttir (Óskráður, IP-tala skráð), mið. 13. okt. 2010
Nýjar kynslóðir
Innilega til hamingju Gunna Mæja með langömmubarn/börn og allt annað sem er gerast þín megin :) Mér finnst eiginlega alveg stórmerkilegt að við systkynabörnin séum orðin ömmur og afar og langömmur og langafar...og ég veit ekki hvað!! :) En gaman er þetta samt. Ég veit ekkert yndislegra en að vera með litlu ömmu-dúllunum mínum í Osló. Sú yngri nýorðin 3.ja og sú eldri verður 4.ja á morgun :)Syngja og tala allan daginn (veit ekki hvaðan þær hafa það;))og kunna þær orðið ansi marga söngva á íslensku, sem mér þykir mikið vænt um. Vonandi verður nýtt ættarmót á næsta ári og að það verði í júli (ein eigingjörn!) því þá er ég að plana að koma með "allar" stelpurnar mínar til Íslands aftur. Annars er allt gott að frétta frá Norge. Haustið er komið með allan sinn litaskrúð og það fer að koma að dekkjaskiptum fyrir veturinn. Hafið það sem best! kv. Magga Þóra
Margrét Þóra Jónsdóttir (Óskráður, IP-tala skráð), mið. 13. okt. 2010
Nokkur orð.
Það er alltaf gaman að fá fréttir á þessari síðu, hvort sem það er af henni Sollu okkar eða þeirri nýbökuðu "LANG-ÖMMU" til hamingju Gunna mín. Velkomin í lang-ömmu/afa hópinn. Svona rétt til gamans að segja frá því að við Asa mín erum að passa sonardóttir okkar sem er eins árs frá því 3ja september, sú litla hleipur um allt og lætur gamla settið hreyfa sig svo um munar. Já lífið er yndislegt og bara að njóta þess. Bestu kveðjur. JGJ.
Jóhannes Gylfi Jóhannsson, sun. 10. okt. 2010
Solla
Heil og sæl. Fréttir af Sollu; Hún er komin á Reykjalund, búin að vera þar í viku. Verður örugglega þar fram í nóvember. Hún er ekkert farin að stíga í júlí-fótinn (sá sem brotnaði í júlí sl.) svo það er bara hjólastóllinn sem blífur. Endilega hringið til hennar 8612273 henni þykir vænt um að heyra í einhverjum. Nú er ég orðin langamma :) Sigmar Harðarson varð pabbi 27.sept. fæddist drengur. Nú á að skella sér austur um helgina 8. - 10.okt. því Sigmar og María ætla að gifta sig (verða bæði 25 ára 10.okt.)og láta skíra litla manninn. oh hvað ég hlakka til að knúsa hann. Það kemur annað langömmubarn í nóvember, þá hjá Gísla Má (Siggusyni) maður er aldeilis ríkur. Ég man hvað mér fannst langömmur mínar vera gamlar!!! ég vona að mínum langömmubörnum finnist það ekki um mig hahahaha!!!! En lífið er yndislegt. Eigið góða daga. Kveðja, Gunna Mæja
GM (Óskráður, IP-tala skráð), mið. 6. okt. 2010
23 ágúst 2010
Elsku Ragga amma mín hefði orðið 90ára í dag, ósköp hefði verið gott að getað knúsað hana í tilefni dagsins. En yndislegar minningar um bestu ömmu í öllum heiminum eiga eftir að gleðja mann um ókomin ár. Litli kúturinn minn sagði í dag þegar ég sagði honum að Langa ætti 90ára afmæli: Vá það verður sko fjör hjá Löngu, hún bíður örugglega öllum englunum í afmælið sitt :) svona barna spögleringar ylja manni og eru yndislegar. knús til ykkar allra frá okkur hér á Selfossi kv Inga Rún
Inga Rún Björnsdóttir (Óskráður, IP-tala skráð), mán. 23. ágú. 2010
23 ágúst 2010
Í dag hefði hún Mamma, Ragga í Klett eins og hún var oft kölluð, orðið 90 ára gömul(ung) og við munum minnast hennar og gleðjast að hætti ættarinnar helst með söng og leik. Þegar litið er til baka ,þá kemur alltaf upp í hugann hláturinn sem tók á móti manni, ef einhver Dal systranna var í heimsókn, hláturinn var svo smitandi að ósjálfrátt var farið að hlæja án þess að vita tilefnið. Einhvern tímann var ungur drengur í Dal spurður af hverju ertu að hlæja, þá var svarið „ég hlæjaði bara að því sem hlæjað var“ þá þekkjum við það. Svona smá minningar eru yndislegar og vert að hafa í pokahorninu. Ég sendi mínar bestu kveðjur til allra sem tilheyra okkar Dal ætt og sendi sérstakar bata óskir til Sollu okkar, sem vonandi kemst sem fyrst á ról aftur. Jóhannes Gylfi.
Jóhannes Gylfi Jóhannsson, mán. 23. ágú. 2010
Hei og sæl
Ja hérna, það er aldeilis nóg að gera hjá Bröttugötu hjúunum, gaman að því. Og þið öll, sem áttuð afmæli og ég tala nú ekki um brúðkaupin, innilegar hamingjuóskir. Já, veðrið er yndislegt, úna er smá rigning, það er bara gott. Elstu menn muna vart svona tíð eins og búin er að vera í sumar, en rigninguna vantar stórlega, ég tala nú ekki um fyrir vatnsbúskapinn. Hún Solla okkar er alveg makalaus, haldið að hún hafi ekki fótbrotnað núna, mjög illa (á betri fætinum) rétt fyrir ofan hné og þurfti að fara í aðgerð, fullt af nöglum og plötum sett í hana. Þetta skeði fyrir ca 3 vikum svo hún á eftir að liggja í 5 vikur í viðbót. Hún má ekkert stíga í fótinn, er bara keyrð í hjólastól. Hún er alltaf jafn kát og hress, sagðist hafa verið að reyna að fá fæturna jafn langa með þessu :) ótrúleg. En þetta skeði þannig að hún var að standa upp og flýta sér að svara í símann, en þá var fótunum kippt undan henni, svo hún steinlá á gólfinu inni hjá sér. Ég bið ykkur öll að senda henni hlýjar hugsanir og eða hringja til hennar 861 2273 en hún er á sjúkrahúsinu á Selfossi. Tek undir með Sæu varðandi Landsmótið, frábært í alla staði + það sást hvergi rusl eftir þá helgi. Elskurnar mínar, eigið góða daga, flýtið ykkur hægt. Kveðja, Gunna Mæja
gm (Óskráður, IP-tala skráð), fim. 12. ágú. 2010
Gunna Maja.
ég man ekki eftir neinu nema kanski hjörtum, svona til gamans. Bara hunsa svonalagað það eru allskonar óværur á netinu sem best er að sleppa við. Bestu kvðjur frá okkur ´Asu. JGJ.
Jóhannes Gylfi Jóhannsson, lau. 7. ágú. 2010
Nú er sumar gleðjist gumar, gaman er í dag !!!!
Sæl og blessuð öll sömul, þá er kominn ágúst og byrjað að rökkva á kvöldin,mikið óskaplega líður tíminn hratt fyrr en varir verða komin jól. En mikið er sumarið búið að vera gott hlýtt og yndislegt,og já já rabbinn hefur sprottið vel, enda ættaður úr DALNUM,er hætt að nenna sultugerð en Lauga mín hefur notið góðs af og er það vel.Júlí mánuður er búinn að vera tími veisluhalda,og kostaði það að frúin á bænum varð að fjárfesta í KJÓL,, já trúið því bara,, þannig flík hefur ekki verið til í fataskáp frúarinnar síðan hún var innan við þrítugt.. En semsagt hann Diego Björn (ömmustrákurinn okkar) og Lilja Rut létu pússa sig saman þann 17.júlí með pompi og prakt. og helgina þar á eftir 24 júlí létu pússa sig saman Ásthildur hans Mára og hennar (frakki) Cristophe líka með pompi og prakt,semsagt mikil veisluhöld og mikið gaman, síðan máttum við 25.júlí geysast austur á Selfoss í 11.ára afmæli Alexöndru okkar, og get sagt ykkur að það var eins og fermingarveisla,en hvað með það þó frúin á Bröttugötunni hafi í allt sumar verið að basla við að ná af sér nokkrum kílóum,koma tímar koma ráð !! Afmæli voru fleiri í þessum fagra júlímánuði þó maður segi bara smá,en frúin hans Gylfa átti stórt núna 31.júlí og til hamingju með það Ása mín. Um verslunarmannahelgina var haldið hér í bæ unglingalandsmót sem var geysi fjölmennt,giskað á í kringum 12000 manns,virkilega gaman hvað það tókst vel til,og eftirtektar vert að engan sá ég með bjórdós í hönd í öllum þessum fjölda.Ætli ég láti ekki þessu skrabli lokið í bili,framundan er veiðiferð með krökkunum okkar og tengdaforeldrum Ingu Rúnar í Hlíðarvatn,svo það er alltaf nóg um að vera. Lifið heil,,og látið í ykkur heyra. Kveðja Sæa.
Sæa (Óskráður, IP-tala skráð), þri. 3. ágú. 2010
Gylfi
Hvað er ég alltaf að fá frá þér á Facebook eitthvað Prax..... einhver síða eða hvað? GM
gm (Óskráður, IP-tala skráð), þri. 27. júlí 2010
Sulta
Gylfi minn, sultan er með "Dal-bragðinu" hahaha. Það fer að koma hátíðarbragur á bæinn, fólk farið að skreyta hjá sér og hvaðeina, enda hefur Bg. uppá svo margt að bjóða; Landnámssetur, Brúðuheima, Bjössaróló, Gallerí Gló (Eygló Harðar löggu) er með það, gamli góði Skalló og margt, margt fleira, svo engum þarf að leiðast hér. En elskurnar mínar njótið lífsins. kveðjur GM.
gm (Óskráður, IP-tala skráð), þri. 27. júlí 2010
Já sól og aftur sól. Gunna mín.
Það er búið að vera yndislegt veður undanfarið og allir ánægðir. Það var gaman að heyra með nýjan stað fyrir Póstinn, þó okkur finnist núverandi staður sá eini rétti. Rabbabarinn á vonandi eftir að bragðast vel sem sulta,eitthvað í líkingu við sultuna hjá Ömmu í Dal, já þá verður hún fyrsta flokkst. Verslunarmannahelgin verður vonandi skemmtileg í Nesinu og góð sala hjá skátunum, enda "ávallt viðbúnir" eins og Svannasveitin. Bestu kveðjur héðan úr Reykjavíkinni. JGJ.
Jóhannes Gylfi Jóhannsson, fös. 23. júlí 2010
Sól, sól skín á mig
Já, veðrið er yndislegt dag eftir dag, ekki hægt að kvarta undan því. Tók upp rabbarbarann minn í gær,2,5kg. það er ágætt, nokkrar sultukrukkur. Ég fékk góðar fréttir í gær, komið grænt ljós á nýrra húsnæði fyrir Póstinn, svo ég þarf ekki að verða mosavaxinn hér eða stoppuð upp!!! er búin að vinna á sama staðnum í sama húsinu í tæpl. 35 ár, svo það verður ljúft að enda starfsæfina í öðru húsi. Nú flengjast íslendingar um allt í sumarfríum sínum, svo er Verslunarmannahelgin á næsta leiti og þá verður Unglingalandsmótið hér í Bg. eitthvað um að vera þá. Svannasveitin (eldri kvenskátar) ætlar að baka 500 stk. af hvoru snúða,kleinur, muffinsa fyrir skátana svo þau geti selt þetta á mótinu. Þau ætla líka að vera með kaffi-og vöfflusölu í skátahúsinu þessa daga. Vonandi að veðrið haldist gott áfram. En þið öll, njótið ykkar í núinu. Kveðja, GM
gm (Óskráður, IP-tala skráð), mið. 21. júlí 2010
Gestir
Fékk góða heimsókn á dögunum. Á ferðinni voru Ásmundur Jónsson, Tove og Ragnhildur. Þau ætluðu sér að vera á Landsmóti hestamanna, keyptu miðana í febrúar og allt tilheyrandi ferðinni, en þá kom hrossapestin og ekkert varð úr landsmóti, en þau breyttu ekkert sínum áætlunum. Það er gaman að heyra hvað Ragnhildur talar góða íslensku og er myndarleg og falleg stúlka, eins og hún á kyn til:). Ásmundur var svona að forvitnast um ættarmót, hvort það yrði á næsta ári, en þau ætla sér að koma á væntanlegt landsmót hestamanna þá og fannst þá alveg tilvalið hjá ættarmótsnefnd að taka tillit til þess og hafa ættarmót öðru hvoru megin við þá helgi, svo þau gætu verið með. Kem því hér á framfæri. Það gustar smá um okkur þessa dagana, en það lagast bara. Nú er fólk í sumarfríum og á ferðalögum, en ósköp er líka notalegt að vera bara í fríi heima. Klara mín fór að heimsækja Hörð frænda sinn á Fáskrúðsfirði, henni þótti nú alveg óþarfi að þurfa að koma heim aftur. Hörður (og hans kona) dekra nú við sitt fólk. Klara og hann eru mikið ísfólk og var etinn ís 2ja l. dallur á hverju kvöldi. þau semsagt hafa slegið á sig 20 l. af ís, því Klara var þar í 10 daga. Geri aðrir betur!!! Elskurnar mínar, farið vel með ykkur. Kveðjur héðan. GM.
GM (Óskráður, IP-tala skráð), fim. 8. júlí 2010
hugsa sér 99 ár !!!!
Já er ekki lífið stundum yndislegt,hugsa sér að ná 99 árum með kollinn í lagi,þið megið vera hreykin afkomendur ættarinnar,og Teddi og María Erla eiga heiður skilinn hvað þau hafa verið natin við sína foreldra og frænku. (ekki satt) Ekki kíktum við frekar en vant er,kannski má segja löglega afsökuð...Við brugðum okkur gömlu hjónin til Benedorm með tvö yngstu barnabörnin Alexöndru Diljá 10 ára og Björn Jóel 6 ára og það var mikið fjör og mikið gaman,sú gamla naut sín vel að vaða í sjónum og grunnu laugunum (alltaf verið vatnshrædd hehe)held ég hafi ekki hlegið og haft jafn gaman og þessa viku 12-19 júní.Annars finnst mér það sem af er þessu sumri hafa verið bara hlýtt og yndislegt og verður það vonandi áfram.Lifið heil öllsömul og eigið góða sumardaga. Kveðja frá okkur.
Sæa (Óskráður, IP-tala skráð), þri. 22. júní 2010
99+
Það er dásamlegt hvað Eyja okkar er hress enda "bara" 99 ára, er ekki tilvalið fyrir okkur að fara að æfa afmælissönginn til hennar á ættarmótinu á komandi ári. Já Gunna mín ég veit ekki hvernig þessi síða væri ef þú héldir þessu í horfinu,og segðir okkur þessum lötu frá skemmtilegheitunum eins og Dal-ættinni er lagið.Það er gaman að heyra hversu margir komu í heimsókn til Eyju á þessum degi hennar, ég vildi að ég hefði komist, en það tókst ekki. Bestu kveðjur frá okkur héðan úr Fannafoldinni. JGJ.
Jóhannes G.Jóhannsson (Óskráður, IP-tala skráð), þri. 15. júní 2010
99 ára
Þá er Eyja okkar orðin 99 ára, notar ekki gleraugu við handavinnu eða lestur og með tæran koll. ég var í afmæli hjá henni í gær ásamt Sollu, Guðbjörgu, Hjördísi Karls. og Ingibjörgu Hargrave (vinkona) og að sjálfsögðu Sólveig (96 ára í des. n.k.) og fjölskylda hennar. Það var náttúrulega hlaðið borð af kræsingum (í anda Maríu Erlu og Tedda), mikið talað og hlegið eins og Dal-ættinni er lagið. Yndislegur dagur á Dvaló. Í dag er Ásm. Ólafsson 60 ára og bjóðum við hann velkominn á góðan aldur:). Annars bara allt gott, verðum í bandi eins og krakkarnir segja. Guðbjörg talaði um að blása til ættarmóts á næsta ári jafnvel. Fylgist með endilega. Kveðja, Gunna Mæja
gm (Óskráður, IP-tala skráð), mán. 14. júní 2010
Vor
Þá er blessað vorið komið með sínum fallega fuglasöng og allt er að lifna við og sumarfríin á næsta leiti. Ég byrja núna 17. maí og verð í 3 vikur, svo einhvern tímann seinna. Á sunnudaginn fór ég í Laugardalshöll að horfa á Íslandsmeistaramót í dansi. Þar var mitt fólk, Klara Ósk Kristinsdóttir og foreldar, Kiddó og Kristín. Þau hjónakorn stóðu sig með hreynum ágætum, lentu á verðlaunapalli, á laugardaginn í öðru sæti í sínum flokki og á sunnudaginn í fjórða sæti. Geri aðrir betur, þau eru bara búin að dansa í 3 mánuði. Klara mín komst ekki á pall (frekar súrt að hennar dómi) amma sagði bara að bestu verðlaunin væru að fá að vera með og taka þátt, en mín kona er með mikið keppnisskap. En dönsum öll inní vorið og sumarið með jákvæðnina í fararbroddi. Kveðjur, Gunna Mæja
gm (Óskráður, IP-tala skráð), þri. 4. maí 2010
Heil og sæl
Héðan er bara allt gott, en ansi er kalt í dag, enda Sumardagurinn fyrsti á fimmtudaginn. Ég er búin að vera í langþráðu fríi frá Páskum þangað til í gær, þá mætti ég til vinnu, full af kvefi og ræmu, hósta og alles. Ég hlýt að hafa fengið einhverskonar fráhvarfseinkenni á að vera í fríi, hvað haldið þið? Við hjónakornin fórum í leikhús um daginn að sjá "Gauragang" alveg stórskemmtileg sýning, og af því að við vorum í bænum þetta kvöld 9. apríl, þá brugðum við okkur á Borgfirðingaball á Borginni. Við náttúrlega mættum rúmlega 23, húsið opnað þá, en þá voru bara örfáar hræður. Fólk mætir víst ekki á svona samkomur fyrr en ég vil fara að sofa, eða seinna. En hvað um það, þarna vorum við til rúml. 02 eftir miðnætti, og þá var heldur farið að fjölga. En mig vantaði fleiri eldri Borgnesinga/firðinga. Get talið á annarri hendinni þá sem voru; viðhjónakornin, Silli Ara, Guðmundur Bachmann, Berghildur Reynis. (brottflutt). Það var virkilega gaman að hitta fólkið (það sem gaf sig að okkur sem var yngra). Við sátum eiginlega frammi við innganginn, svo við misstum nú ekki af neinum. Silla fannst þetta vera hálfgert barnaball, vantaði bara jólatréð. En þrátt fyrir allt þá var þetta mjög skemmtilegt. Vorum komin heim að ganga 4 um nóttina geri aðrir betur. Næst á dagskránni hjá mér verður árgangsmót 5.júni, en þá eigum við 5(0) ára fermingarafmæli. Svo skemmtilega vill til að við hittum á réttan dag, því 5.júní er laugardagur í ár. Vonandi verður góð mæting hjá okkur, því margt skemmtilegt verður í boði. En fyrst ætla ég í vorferð með Svannasveitinni 4. maí og svo með vinnufélögunum 8.maí. Svo fara bara að skella á sumarfríin, já tíminn líður hratt og senn líður að starfslokum, eftir ca. 2 ár. En það er nú svo langt í það (eða þannig). Það er ótrúlegt hvað tíminn fer hratt framhjá manni. En maður verður bara að njóta augnabliksins. Hafið það sem allra best. Kveðja, Gunna Mæja
gm (Óskráður, IP-tala skráð), þri. 20. apr. 2010
Komið þið sæl !!!!
Minn karl kom heim áðan með yndislega sögu, hafði hitt Tedda frænda sinn og auðvitað spurt hann frétta af sínum nánustu,jú mamma hans hefði það gott og allt hefði farið eins og hún hafði óskað sér,að Doddi færi á undan annars hefði honum leiðst meira en henni.Nú Eyja okkar lenti út á spítala vegna þess að haldið var að hún hefði farið úr mjaðmarlið sem ekki reyndist vera sem betur fer en sú gamla taldi betri mjöðmina vera orðna þá verri,en komin er hún heim, og bara hress. Var spurð af sínum hvort eitthvað sérstakt væri sem hún vildi að gert væri fyrir hana á DAB, NEI,,en jú kannski VÆRI GOTT AÐ FÁ EINA RISTAÐA BRAUÐSNEIÐ...(í morgunverð) Framkvæmdarstjóra voru færðar þessar óskir;)Það eru ekki kröfunum fyrir að fara á þeim bænum. Annars ekki stórt að frétta á þessum bænum, framundan eru fermingar og á að ferma eldri drenginn hjá Gísla Jóh.svo þar fær maður eina veislu.Annars brá svo við að í fyrsta sinn þekktum við hjónakornin engan nema Gíslason á fermingarskeytalistanum (skátarnir senda alltaf út lista með öllum ferm.börnum hér í bæ )Kannski það sé merki um að maður sé eitthvað að eldast.Læt gott heita í bili,senn fer að vora eftir góðan vetur,hafið það gott, Kveðja Sæa.
sæa (Óskráður, IP-tala skráð), mið. 24. mars 2010
Andlát
Þá er Dóra Jóns (Halldóra J.Jónsdóttir gift Ragnari Ásmundssyni) farin heim (eins og við skátar segjum). " Sofnar drótt, nálgast nótt, sveipast kvöldroða himinn og sær, allt er hljótt, kvíldu rótt. Guð er nær." Þetta er kvölsöngur kvennskáta og passar vel við, við þessi tímamót. Hún verður svo jarðsungin á föstudaginn frá Borgarneskirkju kl.14:00. Ég sendi samúðarkveðjur til fjölskyldu hennar. Já svona er lífið. Annars er bara allt þokkalegt að frétta. Læt vita af mér síðar. Kveðja, Gunna Mæja
gm (Óskráður, IP-tala skráð), mið. 17. mars 2010
Heil og sæl
Ekki eru nú margir að tjá sig hér, en nokkrir virðast líta inn, eða svo er að sjá á heimsóknalistanum. Já, er ekki vorið að koma?:) það vona ég. Ég heyrði í Sollu um daginn hún er óðum að hressast. Hún er enn heima hjá Einari syni sínum, hún segist ekki meiga fara heim til sín strax. Það er bara gott, henni veitir ekkert af smá dekri. Sunnudaginn 7. mars hélt Valdi Ásm. uppá afmælið sitt, en hann varð 75 ára 8. mars. En það var ekki bara hans afmæli, heldur verður Edda 70 ára í sept. og svo eiga þau 40 ára brúðkaupsafmæli í ágúst, svo þetta var þríheilagt. Þetta var mjög flott veisla, með miklum söng með aðstoð Más á píanóinu. Svo söng Óskar Pétursson Álftagerðisbróðir og ungur upprennandi bariton söngvari með honum, man ekki hvað hann heitir, tvö ung frændsystkin Eddu spiluðu á fiðlu og flautu. Þetta var mjög skemmtilegt. Þau líta svo vel út hjónakornin, hafa fjárakornið ekkert breyst!! Vonandi verðum við líka svona :) Jæja, best að hafa þetta ekki lengra núna. Hafið það sem allra best öll. Kveðja, Gunna Mæja
gm (Óskráður, IP-tala skráð), mið. 10. mars 2010
Lærbrot
Ekki á af henni Sollu okkar að ganga. Haldiði ekki að hún hafi lærbrotnað fyrir viku síðan. Ofan á allt annað. Hun var að ganga frá jólatrénu sínu, setja það í plastpoka, steig á helv.... pokkann, rann á honum og datt í gólfið Ég heyrði í henni fyrir helgina, þá var bara gott í henni hljóðið, komin á sjúkrahúsið á Selfossi. Hún var búin að vera mjög góð undanfarið, því hún fékk ný gigtarlyf á Reykjalundi, sem gerðu henni mjög gott. Svona er þetta, slysin gera ekki boð á undan sér. Hún er svo jákvæð hún Solla að hún hristir þetta vonandi af sér. Það var fjölmenn jarðarförin hans Dodda okkar í Dal á laugardaginn, má segja að það hafi verið hálfgert ættarmót. Mikið voru þær duglegar Eyja mín og Veiga, báðar í hjólastólunum sínum, algjörar hetjur, enda fólkið þeirra einstakt við þær. Svo komu heim til mín á eftir; Maddý, Þórhalla og Guðbjartur, Edda og Valdi, Lalla og Þorbjörn. Það var mjög gaman að lengja svolítið samveruna, enda Lalla og Þorbjörn aldrei komið til okkar á nýja staðnum (í Arnarklettinn). Gott í bili, kveðjur á línuna. Gunna Mæja
gm (Óskráður, IP-tala skráð), mán. 1. feb. 2010
3 ár
Jú Gugga 3 ár þótti ágætur tími, þú manst hverjir eru í nefndinni !!! Kveðja GM
gm (Óskráður, IP-tala skráð), mán. 25. jan. 2010
Fréttir úr Hafnarfirði
Sæl öll. Hér af okkur er allt ágætt að frétta. Við áttum góða jólahátíð með áti, lestri og letilífi. Magnús varð fimmtugur 20.des og var haldin 90manna veisla kvöldið áður. Mjög gaman. Nú eru Stefán Logi sonur hans og Elsa Rut kærasta hans flutt til Noregs, þar sem hann spilar með Lilleström. Þau búa í Rælingen, Valgý eða Magga hvar á kortinu eru þið? Kári sonur minn flutti heim úr Suðursveitinni í haust og hefur því miður að mestu verið atvinnulaus. Steinar hamast í boltanum bæði hand-og fótbolta með Haukum. (monnta mig af drengjunum ens og GM af sýnum!!). Mamma var á Reykjalundi alla aðventuna og í lok tímans fékk hún nýtt gigtarlyf og getur nú gengið án verkja upp stiga og er allt önnur. Bara hress í sveitinni konan sú, gekk veginn uppá Langholtsfjall milli jóla-og nýárs. Ég veit ekki annað að allt gott sé að frétta af bræðrum mínum og þeirra fjölskyldum. Mig langar að fá e-mail adressu hjá ykkur Magga Þóra eða Valgý, ég er að hugsa um að ath með sumarvinnu (amk) í Noregi í sumarfríinu og langar að vita hvar þið eruð og getið sagt mér um ýmis svæði í Noregi. Þið hin sem lesið þetta og vitið adressurnar megið gjarnan láta mig vita á gus12@hi.is Bestu kveðjur til allara, ætluðum við ekki að hafa bara 3 ár á milli móta?? Annars eldumst við allt of hratt.. Gugga Sigurgeirsd
Guðbjörg Sigurgeirsdóttir (Óskráður, IP-tala skráð), sun. 24. jan. 2010
Fréttir úr Hafnarfirði
Sæl öll. Hér af okkur er allt ágætt að frétta. Við áttum góða jólahátíð með áti, lestri og letilífi. Magnús varð fimmtugur 20.des og var haldin 90manna veisla kvöldið áður. Mjög gaman. Nú eru Stefán Logi sonur hans og Elsa Rut kærasta hans flutt til Noregs, þar sem hann spilar með Lilleström. Þau búa í Rælingen, Valgý eða Magga hvar á kortinu eru þið? Kári sonur minn flutti heim úr Suðursveitinni í haust og hefur því miður að mestu verið atvinnulaus. Steinar hamast í boltanum bæði hand-og fótbolta með Haukum. (monnta mig af drengjunum ens og GM af sýnum!!). Mamma var á Reykjalundi alla aðventuna og í lok tímans fékk hún nýtt gigtarlyf og getur nú gengið án verkja upp stiga og er allt önnur. Bara hress í sveitinni konan sú, gekk veginn uppá Langholtsfjall milli jóla-og nýárs. Ég veit ekki annað að allt gott sé að frétta af bræðrum mínum og þeirra fjölskyldum. Mig langar að fá e-mail adressu hjá ykkur Magga Þóra eða Valgý, ég er að hugsa um að ath með sumarvinnu (amk) í Noregi í sumarfríinu og langar að vita hvar þið eruð og getið sagt mér um ýmis svæði í Noregi. Þið hin sem lesið þetta og vitið adressurnar megið gjarnan láta mig vita á gus12@hi.is Bestu kveðjur til allara, ætluðum við ekki að hafa bara 3 ár á milli móta?? Annars eldumst við allt of hratt.. Gugga Sigurgeirsd
Guðbjörg Sigurgeirsdóttir (Óskráður, IP-tala skráð), sun. 24. jan. 2010
Hér er ég :) gleðilegt ár allir
Já Sæa mín, maður er bara á sínum stað í blíðunni, en ansi var hvasst í gær. Í fyrradag fór ég í viðtal + skoðun hjá hjartalækninum, allt gott sem betur fer. Ég var eitthvað orðin smeik, því ég var alltaf með einhverja verki hér og þar, þá er það milli-rifja-gigt í + við vefja-og slitgigt. Ekki meira um það. Allir við hestaheilsu á mínu svæði. Nú er Doddi okkar blessaður farinn. Hann var orðinn ósköp slappur og fullorðinn. Blessuð Eyja mín hlýtur að vera hnípinn yfir bróðurmissinum, en þau voru mjög náin Sólveig konan hans er líka mjög lasburða, en báðar eru þær með kollana í lagi. Það týnir tölunni frændfólkið okkar, enda kominn hár aldur. ég gæti nú bara gubbað útaf öllu þessu Icesave máli oj. Nú er farið að muna miklu á birtunni og þá léttist nú brúnin á fólki. Í kvöld erum við að ffara á þorrablót með eldri borgurum, það er alltaf gaman, enda ÉG í forsvari já,já búin að koma sér í það líka. Bara gaman. Ég er eins og Sæa, leyfi jólaljósunum úti að loga smá fram í janúar, sérstaklega hvítu ljósin. Gísli sonur Siggu var að útskrifast úr grunndeild Tækniskólans með glæsibrag. Hann er lærður rafvirki, og ætlar svo að halda áfram í Tækniskólanum í haust, var svo heppinn að fá vinnu núna fram á haustið, hentugra að byrja í framhaldinu að hausti. Þórdís Sif systir hans er í Menntaskólanum hér og á einn vetur eftir þar. Henni gengur líka mjög vel. Einn sonur Harðar er í Vélskólanum og gengur mjög vel líka. Restin, eða 4 eru svo í Grunnskóla og allir ánægðir þar. Maður verður að státa sig af barnabörnunum !! Jæja elskurnar mínar. Ég ætla ekki að þreyta ykkur meira núna. Valgý, alltaf hressandi að heyra frá þér. Það mættu fleiri láta vita um sig hér á síðunni, það eru bara ekki allir á "fésinu" allavega nenni ég því ekki, nema stöku sinnum. Jæja GM hættu nú!! hahaha Knús á alla GM
gm (Óskráður, IP-tala skráð), fös. 22. jan. 2010
HALLÓ OG GLEÐILEGT ÁR ÖLL SÖMUL !!!!!!!!!
Sæl þið öll á nýju ári,hugsið ykkur komið 2010, man svo vel þegar ég endurnýjaði ökusk.mitt um árið og það átti að gilda til ársins 2015 OMG hvað manni fanst það einhversstaðar langt langt í fjarska.En alltaf svo gaman að heyra frá ykkur þarna í útlandinu,takk fyrir það Valgý,drottinn minn hvað það hefur verið kalt fyrir ykkur að koma heim eftir yndislegheitin á Möltu,22-24° í mínus get ekki hugsað það til enda fæ bara hroll hehe. En hér hjá okkur er búin að vera einstök veðurblíða,ekki snjókorn fyrr en á milli kl.6 og 7 á aðfangadag og síðan ekki söguna meir,bara hlýindi og í alla staði yndislegt,meira að segja verið hægt að hengja út þvott (sem ég elska) án þess að fá naglakul.Þetta styttir veturinn mikið sem er bara gott mál.Hlakka líka mikið til sumarsins þó ég sé ekki mikið eða alls ekki fyrir bátsferðir,en frændi þinn og Teddi hans Dodda eru saman um bát ásamt tveimur öðrum,og þeir mundu ekki slá hendinni á móti því að skreppa á sjóinn.Við erum loksins núna að hafa það af að taka niður jólin ein og maður segir,mér finnst svo notalegt að hafa ljósin soldið fram eftir janúar,er það ekki bara allt í góðu ?, Við hér á Fróni reynum líka að gera það besta úr málunum og erum orðin alveg komin með upp í kok af Icesave,ætla ekki að hætta mér út í þá sálma að sinni. Hafið það öll sem allra best,,,kveðja frá okkur Bjössa..... PS; Gunna hvar ertu????
sæa (Óskráður, IP-tala skráð), lau. 16. jan. 2010
Kveðjur úr kuldanum.
Kæru ættingjar! Sendi síðbúnar óskir um gleðilegt nýtt ár. Við Óli fórum til Hauks og fjölskyldu á Möltu um jól og áramót. Vona að blúndur og önnur gómsæti hafi farið vel í fólk um jólin, það var lítið um jólabakstur hjá mér. Bakaði súkkulaðiteru, gerði ís og triffli með hjálp frá Deltu, 4 ára dóttir Hauks. Allt rann ljúflega niður!! Það var yndislegt á Möltu, sól og sérstaklega heitt þar um jólin. Þess vegna var það sjokk að koma heim í 24 stiga frost og kulda. Húsið var ískalt, og það tók sólarhring að fá hita í kroppinn!! Kuldinn er búinn að bíta sig fastan, hér er næstum 22 stiga frost núna og spáð köldu áfram. Úff, það er bara að finna gamla föðurlandið og nota dúnsokkana (skóna) sem ég fékk frá mömmu í jólagjöf. Er alla vega heitt á fótunum. Hér eru loksins fréttir frá Íslandi í fjölmiðlunum. Auðvitað allt um Icesave málið, og mikið af vitleysu í fréttaflutningnum. Er hundleið á að léiðrétta, og útskýra fyrir fólki hvað er í gangi. Mér finnst frábært að dagana sé aftur að lengja, hlakka til sumarsins, hitans og sólarinnar. Dreymi um bátsferðir og góðar stundir á veröndinni. Þangað til er bara að gera það besta úr málunum og horfa björtum augum á framtíðina. Hafið það gott kæru ættingjar!! Bestu kveðjur frá Valgý (úr kuldanum).
Valgý (Óskráður, IP-tala skráð), fös. 8. jan. 2010
Jóla og áramótakveðja.
Kæru ættingjar og vinir, við sendum ykkur hugheilar jóla og nýársóskir, með þakklæti fyrir allt gamalt og gott. Lifið heil sjáumst hress og kát sem fyrst. Bestu kveðjur. Jóhannes Gylfi og Ása.
Jóhannes Gylfi Jóhannsson, þri. 29. des. 2009
Jólakveðja
Kæru ættingjar og vinir okkar bestu óskir GLEÐILEG JÓL og farsæld á nýju ári,þökkum góðar stundir á liðnum árum, hafið það öll sem allra,allra best, þess óska ykkur Bjössi og Sæa.
sæa (Óskráður, IP-tala skráð), fim. 24. des. 2009
Gleðileg Jól
Jæja, þá eru jólin við túnfótinn, eða þannig. Við sendum ykkur, öllu frændfólki okkar og öðrum sem þessa síðu skoða bestu óskir um gleðileg jól og farsælt komandi ár með þökkum fyrir allar skemmtilegar samverustundir á liðnum árum. Þess óska, Gunna Mæja og Simbi
jólakerling (Óskráður, IP-tala skráð), mið. 23. des. 2009
Flensusprauta
Fór í svínaflensusprautu í gær og þvílíkur fídonskraftur sem hljóp í mig, það var sko ekkert smá. Þegar ég kom heim úr vinnunni kl.að verða 6, þá fórum við hjónakorn út að ganga, síðan bjó ég til ís, en það hef ég ekki gert í mörg ár, bakaði rúgbrauð, ekki heldur gert það til margra ára og pakkaði inn nánast öllum jólagjöfunum!! Ég er að hugsa um að fara aftur í sprautu fyrst þetta virkar svona vel. Skora á fleiri að fá sér sprautu ef ykkur vantar kraft. Kveðja, nýsprautuð GM
gm (Óskráður, IP-tala skráð), fim. 17. des. 2009
Sammála
Já, ég er innilega sammála Sæu um öll þrif í niðamyrkri!!! hver sér hvort einhversstaðar sé rykkorn eða litlir fingur, það klagar ekkert uppá mig. Já Sæa, ég vil rauð jól líka en ekki mikla rigningu. Það lá við að maður færi út á sandölunum í gærkvöld, þá var 12° hiti 14.des.´09 þetta hlýtur að boða eitthvað, gos? eða... Dreif í að skrifa á jólakort í gærkvöldi, á eftir að skrifa nokkur. Það er ekki nokkurt stress í Arnarklettinum, það verður gert það sem hægt verður að gera hitt bíður bara, hvað á maður að vera að æsa sig. Kveðja,GM
GM (Óskráður, IP-tala skráð), þri. 15. des. 2009
hahaha
hahaha já elsku passið ykkur á BLÚNDU uppskriftum frá GM.En eins og áður sagt ætla ég ekki að vera með mikið stress,bara strjúka svona létt í kring,verða börn og tveir hundar á jóladag og nenni ómögulega að vera að setja nein höft,menn og dýr verða bara að fá að ráfa um eins og þeim sýnist hvort sem blautt eða þurrt er utandyra.Vonandi fær maður gott hangiket og þá er allt í góðu.Anars er þetta soldið skrítin veðrátta núna 11.des. 13°hiti hífandi rok og kolamyrkur, ekki það að ég kann þessu ósköp vel,svo framarlega að fólk sé ekki að þvælast undir fjallinu og á Kjalarnesinu þegar svona hvasst er,alveg elska að hafa svona snjólaust,væri svo í góðu lagi þó aldrei sæist snjór..Semsagt óska eftir rauðum jólum. Kveðja Sæa.
Sæa (Óskráður, IP-tala skráð), fös. 11. des. 2009
Blúndur
Þá er búið að baka "blúndurnar" fyrir barnabörnin, allt í góðu með það. En eitt kvöldið hringdi Sigga mín til að fá uppskriftina af blúndunum, jú, jú það var auðvelt að gefa henni hana, með blaðið á borðinu. Ég les fyrir hana uppskriftina og fer svo út. Eftir smá tíma hringir hún aftur og spyr; á ekki að vera egg í kökunum? Jú örugglega svara ég og segi settu bara 1 í það er allt í lagi. Þegar ég kem heim, þá uppgötva ég að ég hafði ekki lesið nema helminginn af uppskriftinni og hringi til baka. Þórdís mín svarar í símann og ég fór að segja henni þetta,hún brjálast úr hlátri og ég líka. Svo eftir hláturrokurnar, þá segir hún; ekki skrítið að kökurnar hjá mömmu eru eitthvað skrítnar, runnu ekkert út, eru bara eins og hraukar og þá kom önnur hláturhryna. Sem sagt, ég gleymdi eggjunum,hveitinu og lyftiduftinu. Þið skuluð bara passa ykkur að fá upplesnar uppskriftir. Kveðja, Gunna Mæja
gm (Óskráður, IP-tala skráð), fös. 4. des. 2009
Halló, halló
Þá erum við komin frá Köben. Þetta var alveg frábær ferð, mjög heppin með ferðafélaga, sérstaklega skemmtilegur hópur, einn af bestu hópum, sem fararstjórinn hefur verið með. (nema hvað). En ansi var allt dýrt þarna 2 kaffibollar + 2 litlar kökur rúmar 2500 kr.2 hamborgarar m/gosi tæpar 7000kr. jebb. En ferðin var ekki farin til að versla, bara skoða og borða góðan mat. Fórum í Tívolíið, sem var komið í jólabúning, virkilega fallegt. Á miðvikudaginn var verið að setja upp jólatréð á Ráðhústorginu, en rauðu hjörtun voru ekki komin yfir Strikið. Þá fórum við í Jónshús, það var merkilegt að koma þangað og sjá hvernig karlinn bjó. Ég var svo óheppinn að fá í mig einhverja hæsi og var alveg þegjandi hás við heimkomu. En það er allt að lagast. Tvö barnabörn, Þórdís og Agnar voru í kaffi hjá okkur áðan og fengu smá smakk af jólakökunum, og þá kom; amma ætlarðu ekki að baka blúndurnar? Ég ætlaði nú ekki að gera það, en nú verð ég, því ég var beðin svo vel... Ekki meira í þetta sinn. Kveðja GM
gm (Óskráður, IP-tala skráð), fös. 27. nóv. 2009
jóla,jóla hvað !!!!!!
Já jóla hvað ? verð að játa að ég hef aldrei verið mikið jólabarn, leiðist svona heldur allt þetta vesen, stress og læti,en hef gaman af því að sjá jólaljós í gluggum hjá fólki og á trjám úti við.Kökubakstur hefur heldur aldrei höfðað til mín,og fannst mér mikið gott að vera laus við það þegar dæturnar fóru að heiman. Ein saga er þó til um hvað mér fannst ég hrikalega léleg amma að eiga ekki smákökur handa barnabörnunum mínum.Mínum stelpum fannst alltaf að það þyrftu að vera loftkökur og súkkul.stangir annars væru ekki jól,NÚ NÚ,Sæa gerði samning við kellur hér í bæ um kaup á þessum dýrindis kökum. En það er skemmst frá því að segja að ömmubörnin vildu ekki sjá þessi herlegheit,þetta fór allt í ruslið.Semsagt svona er nú kökudæmið á þessum bænum.En aftur á móti er matur það sem vera skal,enda flest í ágætum holdum hehe !!! En það verður gaman að fá að fylgjast með jólastússinu hjá ykkur,látið endilega í ykkur heyra. Kveðja frá okkur Sæa.
sæa (Óskráður, IP-tala skráð), fim. 19. nóv. 2009
Hæ
Það er nánast alltaf einhver heima í Arnarkletti 23, svo óhætt er að líta við, já og fá kökur, allavega núna, lofa þeim nú ekki alltaf. Kveðja, GM kökukella
gm (Óskráður, IP-tala skráð), fim. 19. nóv. 2009
bráðum koma blessuð jólin!!
Já já nú fer að stittast í jólin,ég ætla nú ekkert að leggjast mjög djúpt í bakstur,eða svoleiðis,ekkert svo dugleg í þeim geianum,maður ætti nú bara að drífa sig í kaffi til Gunnu Mæju,hún bakar svo mikið;o)Hjá okkur er allt gott að frétta,við gamla settið erum liggur við orðin ein í kotinu,Nataly kemur bara heim til að skipta um föt,er annars alltaf hjá kærastanum,hún klárar Kvennó í vor og verður vonandi stútent,svo er hún alltaf í boltanum(hand)spilar með meistaraflokk Fylkis,þeim hefur verið að ganga svon ágætlega.Diego,Lilja og Emil ömmustrákur,búa svo í Fellsmúlanum,þau eru öll í skóla,Diego í Háskólanum að læra Japönsku og japansa menningu,Lilja er í tækniskólanum að læra tölvu eitthvað,og Emil er á Múlaborg(leikskóli) og skemmtir sér vel,orðinn 2 og háfs,skír og skemmtilegur og mjög ákveðinn stór strákur(þráinn og frekjan er náttúrulega allt úr spænsku genunum)Ég er síðan alltaf að skúra skrúbba og bóna,endanlega orðin föst í því held ég,enda svo gott að vera búin á hádegi að vinna!!Juan aftur á móti missti vinnuna í júní og hefur ekki fundið neitt enn,og er nú orðinn ansi þreittur á að hanga heima,en það er ekki auðvelt að finna vinnu núna,vonum bara að það fari að rætast úr þessu:o(jæja ætla að láta þetta nægja í bili,hafið það sem best um aðventuna.....kv Ransy
Ransy (Óskráður, IP-tala skráð), fim. 19. nóv. 2009
Heil og sæl
Bara ekkert að gerast á Dala-blogginu? Hverslags er þetta, enginn hugur í fólki? Jæja, það er kominn jólahugur í mína konu, búin að baka randalínurnar, bæði brúna og hvíta og smákökurnar 7 teg. á eftir að baka Zörurnar, geri það þegar desember er kominn. Svo er eftir að baka Löllu-Jólakökuna, en það er sú allra besta formkaka sem til er, enda bara bökuð fyrir Jólin. Ég dreif í þessu um helgina, því næsta sunnudagsmorgun kl.7 fara hjónakornin í víking til Köben í 4 daga svo þegar við komum heim er bara alveg að koma Aðventa og þá er betra að vera búin með það mesta, því ég vil njóta aðventunnar án þess að vera að russast eitthvað, klára að kaupa jólagjafirnar (ætla ekki að kaupa neitt í Köben), pakka inn, skrifa á jólakortin og bara taka lífinu með ró. Reyndar á ég eftir að prjóna eina vetlinga á herramann, er að leita að mynstri með hesthaus. Er einhver þarna úti sem á slíkt? Ef svo er má senda mér það, endilega!! Simbi minn setti seríurnar utaná húsið á sunnudaginn, svo þær séu nú tilbúnar, við erum svo mikil jólabörn, sérstaklega Simbi, honum finnst þessi tími svo skemmtilegur, hengja upp ljósin bæði úti og inni, en ef ég minnist á moppuna og fötuna, tala nú ekki um ryksuguna, þá þarf hann alltaf að gera eitthvað annað. Kannast ekki fleiri við þetta? Jæja elskurnar mínar, þetta er nú nóg að leggja á ykkur í bili!! Heyrumst fljótt aftur. Kveðjur Gunna Mæja
gm (Óskráður, IP-tala skráð), þri. 17. nóv. 2009
komiði sæl !!!!
Komið heil og sæl öll sömul !! Þá er afmælisreisu húsbóndans hér á bæ lokið,sá gamli varð 65 ára 13.okt.og brugðum við okkur til Tenerife,alltaf notalegt að fá dulitla hlýju í kroppinn,reyndar fannst mér full heitt svona 28-33°í skugga svo maður hélt sig aðallega þar,en þetta er falleg eyja og ekki vantar að margt er að skoða og sjá.En drottinn minn sá flugkostur sem okkur Ísl.er boðið uppá,skyldi þetta þekkjast víðar ??? Það má segja að það sé hreint EKKI pláss fyrir litla sæta bossann minn og eins gott að sitja bara kyrr þegar maður er búinn að troða sér í sitt sæti hehe.En þetta er ekki boðlegt að troða svona í vélarnar.En þetta er bara fyrsta vers,SVO koma seinkanirnar sem virðast vera í hátísku,áttum að fara í loftið um 9 leytið um kvöldið á heimleið en kl.var farin að ganga fjögur þegar loksins var lagt í hann,óþolandi bið í óloftkældum sal á grjóthörðum stólum,en allt tekur þetta nú enda.Nú nú við vorum varla komin heim þegar kallað var til humarveislu á Selfossi og auðvitað drifum við okkur þangað á laugard.í blíðskapar veðri,yndislegt með hluta af barnabörnum,dætrum og tengdasonum.Verð að játa að ég er voða löt í dag,hangi bara í þessu blessaða apparati,en er þó búin að taka ýsuna úr frosti.Er þetta ekki gott í bili? Kveðja frá okkur. Sæa.
sæa (Óskráður, IP-tala skráð), mán. 26. okt. 2009
Heil og sæl
Alltaf er nú gaman að hitta fólkið sitt. "Ættarmótið" hjá mínu fólki var haldið á laugardaginn og tókst afskaplega vel. Komum saman 30 manns í Félagsheimili hestamanna, borðuðum hangikjöt og tilheyrandi + flatkökur (ömmu-Dísu Sigga bakaði) í hádeginu. Semsagt, súpan sem við vorum búin að boða varð að hangikjöti og var það alls ekki síðra. Síðan var farin rútuferð með leiðsögn GM um Borgarnes og gat hún bullað heilmikið, allavega voru allir ánægðir, auðvitað vissi blessað fólkið (allavega sumir) ekki betur um frásagnirnar. Síðan var farið aftur í húsið og allir/flestir komu með bakkelsi sem sett var á hlaðborð og drukkið miðdagskaffi. Margir höfðu á orði, allavega systkinabörnin, að þau hefðu örugglega mætt hvoru öðru oft og mörgum sinnum, en ekki þekkst, svona er nú bara lífið á mörgum stöðum. En þessi dagur líður seint úr minni. Bróðir minn hafði á orði að hans bestu vinir í Borgarnesi hafi verið bræðurnir í Kletti og Sölku og bað um góðar kveðjur til þeirra. Hafið það gott elskurnar mínar :) Kveðja, Gunna Mæja
gm (Óskráður, IP-tala skráð), fim. 22. okt. 2009
Smá hopp til Parísar.
Sælt veri fólkið. ;o)Við hjónin fórum í viku ferð til parísar, frá 4.okt til 11.okt. Aðalmálið var að heimsækja fólkið okkar því báðar dömurnar okkar verða ekki heima um jólin, einnig var kíkt í búðir vegna fyrirhugaðs brúðkaups Ásthildar og Kristopher. Ferðin var fín 17-21°c hiti en rigning öðru hvoru, við fórum í dags ferð til Normandi og heimsóttum móðir Kristo. og nutum góðra veitinga,einnig skoðuðum hafnarbæi þar í kring. Það fyndna var við heimkomuna að við hjónin héldum að við værum komin með flensuna, hita, beinv. o.s.f.v. en núna eftir hádegi á mánudar erum við allt önnur, bara frákvarfseinkenni. ;o) Bestu kveðjur frá Brúarásnum J.M.J.
Jóhann Már Jóhannsson (Óskráður, IP-tala skráð), mán. 12. okt. 2009
Rok,rok,rok
Heil og sæl. Þá eru haustlægðirnar farnar að minna á sig. Sennilega verður ekki eins hvasst hér og maður reiknaði með, þá það sé ansi MIKIÐ rok. En hvað um það, það verður orðið gott á sunnudaginn, þá erum við að fara með barnafólkið að sjá Kardimommubæinn í Þjóðleikhúsinu. Það er orðin mikil spenna hjá þeim yngri og spurt; amma er sunnudagurinn núna, hvenær er sunnudagurinn? Svo teljum við bara á puttunum, voða gaman. Annars bara allt gott. Í næstu viku þarf ég að vera 2 daga á fundum í Reykjavík, í sambandi við vinnuna og svo er "litla ættarmótið" mitt á laugardeginum. Það er spennandi að vita hvort allir mæti, kemur bara í ljós. Þá þarf að sletta í 1 - 2 kökuklessur, er svo andlaus, veit ekki hvað ég á að baka. Vitið þið það? það væri nú gott, eitthvað svakalega fljótlegt:). Jæja elskurnar, læt þetta duga núna, kveðja héðan. Gunna Mæja
gm (Óskráður, IP-tala skráð), fös. 9. okt. 2009
Vá hvað er mikið af fréttum,bara yndislegt !!!!!!
Já góð vísa er aldrei of oft kveðin,óskum enn og aftur Jóa og Unni,Gylfa og Ásu hjartanlega til hamingju með litlu prinsessuna og auðvitað velkomna í ættina.SVO gaman að heyra frá þér Valgý og hvað þið eruð að bedrífa þarna í útlandinu,ohó hvað það hlýtur að vera rómó að geta siglt á báti úti á kyrru vatni,held að minn mundi þurfa að hafa veiðistöngina með hehe og þá meiri áhugi fyrir hvort biti á en fyrir frúnni.Ég sé líka að við Gunna M.erum miklu sniðugri en þið hin í sambandi við berjatýnsluna,svo miklu þægilegra að láta aðra hafa fyrir þessu,fá krukku af hinu og þessu í ísskápinn.Það sama er upp á teningnum með kartöflur og sláturgerð æææ,samt allt óskaplega gott,tökum þó alltaf slatta af innmat til að eiga í frysti.Nú nú frúin hér á bæ fór í fyrsta skipti á sinni ævi í RÉTTIR,og ekki seinna vænna,og það er sko saga til næsta bæjar,mikið óskaplega var gaman,en hef aldrei á minni ævi verið eins skítug,stígvél átti frúin ekki og fór bara á sínum götuskóm,hefur trúlega haldið að allt væri malbikað í Hrunarétt,en auðvitað var rigning og allt eitt drullusvað.Síðan var sveitungum og gestum boðið upp á heimsins bestu kjötsúpu og flatkökur í Birtingaholti hjá foreldrum tengdasonar okkar,svo gítarinn tekinn og sungið fram eftir kvöldi,bara gaman.En ég sé að hún Inga Rún dóttir mín hefur sleppt því að segja ykkur að hú þurfti endilega að detta af baki á truntunni sem hún var á og steig truntan á fótinn á henni þannig að blæddi milli liða og marðist illa,var á hækjum í rúma viku.Já Mári minn það þíðir ekkert að koma með hálfkveðnar vísur,vona samt að löppin sé að lagast.Valgý ! mikið öfunda ég þig að ætla að vera á Möltu um jólin,væri svo mikið til í eitthvað svoleiðis.Ætli maður láti ekki gott heita í bili,látið frá ykkur heyra,kveðja á línuna Sæa.
Sæa (Óskráður, IP-tala skráð), fös. 25. sept. 2009
Löppin hvað?? ;o)
Já Gunna mín ég fór að láta krukka í hægra hnénu 19. júní, rifnir liðþófar og slit, en þó ég sé rólegur fannst mér löppin lagast heldur hægt en sem sagt hún er að lagast held ég. Flott með ættarmótið, ég hel að eg hafi ekki séð Hilmar síðan í Rotterdam fyrir aldamót, og þar í kjallara í stórmarkaði, skilaðu bestu kveðjum og góða skemmtun. Já Inga sultukona, ;o) skilaðu kveðju til þinna, kveðja Már.
J.M.J. (Óskráður, IP-tala skráð), lau. 19. sept. 2009
fréttir af mér og mínum :)
sæl verið þið ! það er alltaf gaman að kíkja hér inn og lesa sér til skemmtunnar þó maður skrifi ekki mikið sjálfur haha Allavega er allt gott að frétta af okkur fjölskyldunni ég sjálf alltaf að vinna í súkkulaðinu hjá þeim félögum Nóa og Siríusi að selja í stórmarkaðina á suðurlandinu , Björgvin er allur í Kókinu og Bjórnum og fer töluvert víðar og selur alla leið að Höfn fyrir Vífilfell , Viktorían okkar er á öðru ári í fjölbraut á selfossi og gengur glimrandi vel :) Hún Alexandra mín er komin í 5 bekk og þurfti að skipta upp í gagnfræði skólann og fannst það ekki leiðinlegt að fá að vera með stórukrökkunum í skóla enda orðin 10 ára skvísan :) Björn jóel er sko strákurinn í fjölskyldunni og er sko algjör strákur alltaf að bralla eitthvað , rífa í sundur setja saman , skylmast og slást og mikill úti maður , hann er orðinn 5ára og nennir sko ekkert að hanga í þessum leiðindar leikskóla haha vill bara drífa sig í stóra skólann svo hann geti farið í leikfimi og svona ( eins og hann segir sjálfur ) ekki má gleyma svo hundunum okkar þeim Bassa border/ísl. og Tenori cavalier þeir eru algjörlega ómissandi fjölskyldumeðlimir skemmtilegir og góðir. Nú úr því að allir hér eru búinir að fara í berjamó þá verð ég líka að mynnast á það, við fjölskyldan fórum nú ekki langt til að tína ber heldu bara í bakgarðinn og tíndum þar sólber, rifs og stikkisber og sultuðum, allt ljómandi góðar sultur nema þá kannski stikkilsberja sultan jakk... við erum búin að fara í réttir og drifum mömmu og pabba með okkur og skemmtum okkur svaka vel við mikinn söng, rigningu og drullu :) við höfum það annars bara gott hér á Selfossi og ég hlakka til að hitta ykkur öll á næsta ættarmóti !! kv Inga Rún Björnsdóttir
Inga Rún Björnsdóttir (Óskráður, IP-tala skráð), mið. 16. sept. 2009
Löppin hvað??
Hvað er þetta með löppina Már minn? Það þýðir ekkert að segja svona og svo ekki meir. Maður er nú forvitnari en það. Já, það eru ekki allir jafn heppnir að hafa börn og barnabörn nærri sér. Ég er þeirrar gæfu aðnjótandi að hafa 3 börnin mín og barnabörn hér í Borgarnesi, en svo er ansi langt til Harðar míns austur á Fáskrúðsfjörð. Þau eru þó öll á sama landinu. Núna 17.okt. þá ætla ég að starta smá ættarmóti í pabba ætt, það er ca.30 - 40 manns jebb. Börnin okkar Hilmars hittast nánast aldrei og þekkjast enn minna og líka börnin hans Helga föðurbróðir míns þvísíður, svo mér datt bara í hug að blása til leiks. Er búin að fá félagsheimili hestamanna hér, svo ætlar Sigga mín að hjálpa mér að elda súpu og baka brauð og síðan á fólk að koma með bakkelsi á hlaðborð. Þetta verður vonandi bara gaman. Bið að heilsa ykkur núna. Gunna Mæja
gm (Óskráður, IP-tala skráð), mán. 14. sept. 2009
Já duggnaðarforkar í berjamó
Gaman að fá fréttir og sjá að margir nytja móðir náttúru. Því miður ekki ég, en ég og Guðrún konan mín fórum til Berlínar í viku í ágúst og vorum þar hjá Gunnari Má okkar og Erlu konunni hans. Topp vika, margt að sjá og njóta. Erla er að fá nýja íbúð í Tilburg í Hollandi við háskólann þar því hún er í doktorsnámi þar og flytur Gunnar með henni frá Berlín núna um miðjan mánuðinn. Allt gott að frétta frá París og líkur á að þaðan komi tveir tengdasynir og eins gott að fara að læra eitthvað í frönski ????? ;o) Reyndar förum við hjónin til Parísar (í viku)í október, aðeins að kíkja á fólkið. Já annars allt gott að frétta frá Brúarásnum og löppin að lagast hjá mér og bestu hveðjur frá okkur hjónum, Már
Jóhann Már (Óskráður, IP-tala skráð), sun. 13. sept. 2009
Berjatínsla og aðrar haustannir!
Ég tek undir kveðjur Gunnu Mæju. Alltaf gaman með nýja ættingja. Svo var það þetta með berin. Mér tókst nú ekki að "kjafta mig inná neina með ber" eins og hún frænka mín. Ég varð að fara sjálf og tína ber. S. l. sunnudag fórum við Óli í skógarferð, þó það sé ekki í uppáhaldi hjá mér, ég vil gjarnan sjá landið, ekki bar tré. Við fórum frekar hátt upp í fjall, þar er hægt að sjá annað en skóginn!!! Við höfðum ekki mikla von um að finna ber, var búin að heyra að bláberin væru léleg (það var víst einhver padda á lynginu í vor), svo það var óvænt, en auðvitað gaman, að við fengum 7 lítra af stórum og fínum bláberjum á stuttum tíma, nokkkra góða matsveppi og pínulítið af "tyttebær" (það var fullt af þeim, en við erum ekki svo hrifin að þeim). Veðrið var yndislegt, yfir 20 stiga hiti og sól. Það er búið að vera svona alla vikuna , og er spáð fram á finntudag. Þó að heitt væri, og hægt að vera léttklæddur, lét ég mér nægja að vera í stuttermabol og ekki í stuttbuxum og sandölum. Hér eru snákar, og ég er loksins farin að muna eftir því að það borgar sig að vera í síðbuxum , sokkum og skóm, eða stígvélum, í skóginum. Það var nú líka þannig að ég sá snák (orm, eins og það heitir á norsku) þegar ég var að tína ber. Þó manni bregði við, held samt að þeir séu hræddari við okkur mannverurnar, en við erum við þá. Við fórum til Svíþjóðar einn laugardag fyrir stuttu, þar versla norðmenn (og Íslendingar)ódýrt lambakjöt, kjúklinga, ost og annað, sem hugurinn girnist. Svo núna er að verða matarlegt í frystinum, fullt af kjöti, 7 lítrar af berjum og góðir ostar. Í viðbót er ég svo búin að taka allar plómurnar af trénu okkar, hreinsa og sjóða niður!!! Veit ekki alveg hvers vegna ég geri þetta, held ég eigi niðursoðnar plómur, epli og perur frá því fyrir aldamót!!! Annars er allt gott að frétta af okkur hérna í Norge, nóg að gera í vinnunni, og Óli hefur verkefni fram á vor að minnsta kosti. Ég ætla að koma "heim" í nokkra daga í byrjun okt., átti svo marga punkta hjá Icelandair að ég fékk frímiða. Daginn sem ég kem til baka förum við beint til Þrándheims að heimsækja Halldór og fjölskyldu, svo förum við til Bergen að heimsækja Nonna og fjölskyldu "langhelgi" seinna í haust. Hjá Hauki og Shideh á Möltu gengur allt fínt, við förum þangað um jólin. Því miður búa allir svo lang frá okkur, að við þurfum að ferðast um til að sjá börn og barnabörn. Ég læt þetta duga að sinni, enda orðið meira en nóg, vildi óska að fleiri skrifuðu á bloggið okkar, þannig að maður fái fréttir að fleirum (forvitnin að drepa mann!!!) Bestu kveðjur úr góða veðrinu í Noregi, Valgý.
Valgý (Óskráður, IP-tala skráð), lau. 12. sept. 2009
Velkomin í Dalættina!
Til hamingju bæði með litlu dúlluna, sendi líka kveðjur til Jóa og Unnar. Hún á örugglega eftir að ylja ykkur/okkur með söng sínum, hlakka til að sjá hana á næsta ættarmóti eða kannski bara fyrr, hver veit! Haustið er yndislegt með öllum sínum haustlitum og fuglarnir í reyniberjunum, það er gósentíð hjá þeim núna, alveg á skallanum, þeir éta svo mikið af berjum. Læt þetta duga í bili, kveðja. Gunna Mæja
gm (Óskráður, IP-tala skráð), þri. 8. sept. 2009
Komin lítil dama hjá Jóa mínum.
Heil og sæl öll!!! Það var að bætast við Dalættina þann 3/9 "09 þá fæddist lítil dama hjá Jóa og Unni, þeim heilsast vel. Sú litla var 15 merkur og 50 cm. á lengd. Nóg um þetta í bili. Já Gunna mín það er hægt að hafa ýmsar aðferðir við að verða sér úti um ber, og þín aðferð er bísna góð. (ha ha) Það er ánægjulegt hvað hægt er að viðhalda smá sambandi með síðunni hjá okkur, og vonandi verður gott framhald á því. Bestu kveðjur. JGJ.
Jóhannes Gylfi Jóhannsson, lau. 5. sept. 2009
Berjamó
Heil og sæl. Ekki að spyrja að dugnaðinum hjá Valgý, gaman að geta siglt svona. Já þetta með berjamóinn. Ég kjaftaði mig bara inná eina með ber. Ein konan hér í vinnunni fór til berja á föstudaginn. Ég sagði ef þú tínir 30kg af berjum, þá selurðu mérca 1 kg. (allt í djóki). Hvað haldiði, hún kemur til mín á laugardaginn með 4 boxtæp.2kg. alls) allt hreinsað og fínt. Það varð víst undarlegur svipurinn á frúnni (GM) ég vildi auðvitað borga, en hún sagðist ekki selja "móður náttúru". Svona er nú auðvelt að fara í berjamó!!! En ég skammaðist mín dálítið fyrir kjaftaganginn. En svona er þetta bara. Alltaf sama ágætis veðrið þó farið sé að kólna. Ég fór á landbúnaðarsýninguna hér á laugardaginn, fór með 2 barnabörn, sem vildu bara helst vera í dýrastíunum, hjá hænum, geitum og kindum, voða gaman. Svo fór ég aftur í gær með Siggu og svo fórum við á eftir í kaffi á Hamri. Þar var kaffihlaðborð, ekkert smá flott, þar röðuðum við í okkur eins og vera ber, vel fyrir aurinn, það á maður alltaf að gera, er það ekki :). Nóg af skrifum í dag, kveðja, Gunna Mæja
gm (Óskráður, IP-tala skráð), mán. 31. ágú. 2009
Veður og ferðalög
Hæ, hæ! Hér er sama blíðan, samt nálgast haustið óðum. Um síðustu helgi fórum við Óli í smá bátsferð. Það var nú ekki stóra ferðalagið, en við fórum á bátnum okkar út í skerjagarðinn hérna. Óli hefur verið að gera við og stækka bryggju við sumarbústað, og við sigldum þangað,rúman tíma. Frábært veður, sól og smá gjóla. Þegar við komum að landi var blanka logn þar og yndislegt kvöld með grillingu o fl. Því miður var ekki hægt að taka upp bláskel og borða vegna einhverra spora (?! alge) í þeim. Við fórum svo heim á laugardeginum, því við áttum bæði von á regni, og ætluðum svo að borða saman með Möggu og Steinþóri um kvöldið. Í gær fórum við svo í annað "ferðalag". Þá fórum við til Svíþjóðar með skipi frá Sandefjord, versluðum í Strömstad, og keyrðum svo heim. Það er mun ódýrara (og alltaf hægt að fá lambakjöt!!) fyrir okkur að versla í Svíþjóð, og alltaf gaman að skreppa í smáferð þangað. Við fáum frímiða í skipið, svo þetta er bara bensínkostnaður. Stundum tökum við skipið báðar leiðir. Ég veit ekki hvort það verði svo margar bátsferðirnar í viðbót í haust, ekki nema þá dagsferðir. Við verðum að reyna að fá bláskel alla vega einu sinni, í fyrra fórum við mun oftar á sjóinn og fengum skel í hverri ferð. Að vísu get ég bara farið í búð og keypt bláskel (gerði það á föstudaginn), en það er öðruvísi að týna sjálfur þrátt fyrir að það taki tíma að hreinsa skelina. Þetta er eins með bláberin, þau bragðast einhvern veginn miklu betur ef maður týnir þau sjálfur! Í gærkvöldi opnuðu Haukur og Shideh barinn sinn á Möltu, það gekk mjög vel, ef einhver hefur áhuga er heimasíðan www.sobar.eu Þau leigja húsnæði, og eru búin að gera allt upp, breyta, kaupa nýjar mublur, ráða fólk og allt annað sem þarf. Mér finnst þau hafa verið mjög kjörkuð og duglega að flytja til Möltu og starta þessu þar 2 mánuðum eftir að þau fluttu. Ég tek undir með hinum dömunum hérna á síðunni, alltaf gaman aðfrétta að frændfólkinu, og ég hvet fleiri til að skrifa. Læt þetta duga, bestu kveðjur frá Valgý.
Valgý (Óskráður, IP-tala skráð), sun. 23. ágú. 2009
Góða veðrið
Já, það er enn sama blíðviðrið hér um slóðir. Við hjúin fórum einnig í ferðalag um helgina, fórum á Reykjanes og heimsóttum þar alla bæi, hef t.d. aldrei áður keyrt í Njarðvíkurnar, en æi ekki vildi ég eiga heima þarna á Nesinu, en sumstaðar var bara notalegt. Við fórum út á Garðskagann og gistum þar með spegilsléttann Faxaflóann á aðra höndina og Atlandshafið á hina og fjöllin fagurblá í fjarlægðinni, ekki ónýtt sjónarspil. Við fórum ekki út að Reykjanesvita, fórum þangað í fyrrasumar. ég tek undir með Sæu, allataf gaman að fá fréttir frá "útlöndunum" (þá eru Eyjar taldar með). Það eru mörg ár síðan við fórum Jökulhálsinn, það er óskaplega falleg leið, þurfum að fara hana bráðlega aftur. Vonandi fáið þið gott fólk í húsið Sæa mín. Nóg í bili, kveðjur Gunna Mæja
GM (Óskráður, IP-tala skráð), mán. 17. ágú. 2009
hæ þið öll ;
Halló öll sömul !! alltaf svo gaman að fá fréttir frá útlöndum,t.d.Noregi og Vestmannaeyjum hehe.Verð alltaf að segja frá því ef maður hreyfir sig spönn frá rassi,við fórum hjónakornin í smá reisu í gær,aðallega til að mæta í lambalæri (og auðvitað rautt með )hjá systur minni og mági í Ólafsvík,ákveðið var að fara yfir jökulhálsinn,það höfum við aldrei farið áður,og gott fólk þvílík fegurð hún er ólýsanleg,vorum alveg óskaplega heppin með veðrið og útsýnið upp á það besta,nú langar okkur mest til að fara aftur,og þá frá Ólafsvík.Annars er ég að stelast núna,ætti að vera á neðri hæðinni og klára hreingerningar undir málningu,því við erum búin að leigja íbúðina frá mánaðarmótunum ág.sept.En freistast til að sitja við apparatið og horfa út yfir fjörðinn okkar sem er eins og spegill núna,rennur saman fjall og fjörður og ekki skemmir hitastigið sem er 18° í skugga bara yndislegt.Hafið það sem best,látið heyra í ykkur það er svo gaman.Bestu kveðjur frá mér og mínum ektamaka. Sæa.
sæa (Óskráður, IP-tala skráð), sun. 16. ágú. 2009
Kveðjur frá Eyjum
Sælt veri fólkið. Það er víst kominn tími til að láta ljós sitt skína hér á síðunni. Af mér er allt gott að frétta ef tekið er mið af aldri og fyrra líferni. Maður"lufsast"svona frá degi til dags. Fer minn "bryggjurúnt"daglega. Bílandi náttúrlega. Þjóðhátíðin afstaðin og ég get ekki annað en hælt því fólki sem sótti hana. Minnugur verslunarmannahelgarinnar á Hreðavatni hér í den.Bróðursonur minn Egill Ragnar kom hingað og skemmti sér vel. Hann er farinn að keyra leigubíl í Keflavík og bílstjóranir kalla hann"kópíuna"þeim finnst hann vera svo líkur föður sínum sem einnig er leigubílstjóri í Keflavík.En drengurinn er ekkert líkur frændanum á neinn hátt. Eldra fólkið veit hvað ég meina. En hvað um það ég nennti ekki í dalinn. Kannske búinn að fá nóg af slíku. En smá saga af þjóðhátíðinni fyrir nokkrum árum Gamall vinur minn,nú dáinn ætlaði að spara sér inngangseyrinn og smygla sér inn. Hann beið myrkurs og skreið svo undir girðinguna. En viti menn tekur ekki þar á móti hönum tröllvaxinn lögregluþjónn. Þrífur hinn gamla og færir í yfirheyrslu. En þá kom í ljós að sá seki var"löglegt"gamalmenni og átti því að fá frítt inn. Ja það eru ekki allar ferðir til fjár. Sæja mín þú verður að fyrirgefa "snjáldurs"letina í mér. Verið ávallt kært kvödd
Ólafur Ragnarsson, lau. 8. ágú. 2009
Noregskveðjur
Læt loksins verða að því að skrifa hérna. Hef samið hvert bréfið á fætur öðru.....í huganum!! Jæja, það hefur ýmislegt gerst síðan síðast,(það var víst 17. maí). Í lok júní var frábært veður hér, sól og yfir 30 stiga hiti. Frá 1.-8. júlí vorum við á Íslandi. Aðalástæðan fyrir ferðinni var að fara á ættarmót Skagaliðsins (Lundarfólksins). Það tókst í alla staði mjög vel, veðrið var frábært og mjög góð mæting. Að vísu varð svo Íslandsferðin aðeins öðruvísi en við höfðum hugsað okkur, því tengdapabbi lést daginn áður en við komum upp. Það var ekki óvænt, og sem betur fer var systir Óla til staðar (en hún býr hér úti líka) og var mjög hjálpleg við allan undirbúning við jaraðför m.m., þannig að við gátum farið á ættarmótið án mikils samviskubits. Gamlli maðurinn var nú alveg "út út heiminum" en það er eins og hann hafi "skipulagt" þetta fyrir okkur, því jarðarförin var haldin 2 dögum áður en við áttum bókaða ferð heim. Óli hefur haft svo mikið að gera í sumar, að hann hafði ekki séns á að vara lengur á Íslandi, og hann gat heldur ekki komið í frí með mér til Möltu. Ég er búin að vera á Möltu hjá Hauki (hann flutti þangað ásamt konu og dóttur frá Nýja Sjálandi í júní) í fríi í 10 daga. Það var yndislegt að vera þar, í sól og 35- 42 stiga hita allan tímann. Hlakka til næstu ferðar (jólin). Nonni og fjölskylda komu til okkar í eina viku eftir Íslandsferðina, og var mjög gaman að hafa þau (sérstaklega litlu guttana hans) í heimsókn. Ég byrja að vinna næsta mánudag og nýt frísins þangað til, það er spáð ágætis veðri næstu daga, og ég vona að við getum farið smá bátsferð á sunnudag. Báturinn okkar er orðinn fínn, með nýrri blæju,nýjum geymum og nýupptekni vél. Því miður höfðum við ekki tíma til að fara annað en dagsferð á bátnum áður en ég fór til Möltu, þannig að ég vonast til að geta fengið alla vega eina tveggja daga (helgarferð) ferð í sumar. Á laugardag er bikarleikur í fótboltanum, og okkar lið (Odd Grenland) er í undanúrslitum, þannig að ekki verður nein helgarferð á bátnum þá!!! Jæja, held að þetta sé að verða nóg í bili, þarf að skrifa oftar, og minna í einu, þannig að fólk nenni að lesa þetta rugl. Var að tala við mömmu og Þorbjörn á Skype samtímis, þannig að ef þetta er eitthvað skrítið, kenni ég því um!! Allt gott að frétta af mömmu og Þorbirni og þau biðja að heilsa öllum!! Það geri ég líka nú að sinni, og vona að allir hafi það gott. Valgý.
Valgý (Óskráður, IP-tala skráð), þri. 4. ágú. 2009
Verslunarm.helgin liðin.
Jæja gott fólk þá er verslunarm.helgin frá,stór fríhelgi hjá flestum öðrum en versl.mönnum,meira að segja Mogginn kemur ekki út.Verð að játa að sem versl.manneskja alla mína hunds og katta tíð hefur það alltaf farið soldið í mínar hárfínu taugar að þurfa að þjóna öllum hinum sem eru í fríi þessa helgi sérstaklega nú í seinni tíð,auðvitað er það kaupmönnum að kenna,en versl.fólk á ekki að láta bjóða sér þetta,finnst að fólk geti sleppt búðarrápi eina helgi á ári,og hana nú,bölvað raus er þetta í kerlingunni HA. Þarf ekki að kvarta þetta árið atvinnulaus auminginn.Enda fórum við í FERÐALAG,,Ransý mín og Juan fóru með okkur,og keyrðum við norður og yfir Kjöl,ansi hrjóstugt og þvottabrettis vegur en yndislegt að koma í Hveravelli þar sem yngra fólkið tók sér bað og fannst notalegt,yndislegar þessar vinjar mitt í hrjóstugu landslaginu.Nú nú þaðan var ekið sem leið lá að Birtingaholti í Hrunam.hreppi þar sem tengdasonur okkar Björgvin er borinn og barnfæddur (er ég ekki skáldleg )Þar voru þau í útilegu Inga Rún okkar og fjölsk.nú þar vorum við drifin inn í mat hjá bróður Björgvins sem rekur þar stórt kúabú,síðan var setið úti í góða veðrinu og sungnir brekkusöngvarnir með Árna Johnsen og útvarpinu.Síðan ekið niður á Selfoss og sofið í húsinu þeirra Ingu og Björgvins.Farið var svo snemma á fætur og brunað í Landmannalaugar,þangað höfum við ekki komið í ein 35 ár,var soldið hrædd um að verða fyrir vonbrygðum því í minningunni voru litirnir svo dýrðlegir,en það var nú ekki aldeilis,hefði getað setið allan daginn og bara horft á litadýrðina,nú auðvitað prófaði yngra fólkið laugarnar.Vorum þreytt og slæpt en alsæl eftir tveggja daga ferðalag,þau gömlu alveg komin úr æfingu hehe.Og hver veit nema nú verði bara haldið áfram. Lifið heil að sinni,kveðja frá okkur. Sæa.
sæa (Óskráður, IP-tala skráð), þri. 4. ágú. 2009
Fjallaferðir
Mér þykir þú góð Ransý að hafa klifið Esjuna. Fjöll eru ekki mín deild. Ég er viss um að ég væri eins og strákurinn sem þáði hjálpina. Að labba upp er í lagi, en niður, almáttugur minn, mér finnst alveg nóg um að ganga niður Bröttugötuna :). Ég ætti nú heldur að vera úti í sólinni en að sitja við skriftir, en jú, maður verður líka að hvíla sig á sólbaðinu. Ég er með rólu úti á palli sem er alveg sérstaklega notalegt að sitja í, það er svo afslappandi. Er að hugsa um að bjóða Simba mínum upp á vöfflur með kaffinu. Er einhver þarna stutt frá? Komdu þá bara í kaffi!!! Eigið góðan dag kveðja, GM
gm (Óskráður, IP-tala skráð), mán. 3. ágú. 2009
Esju príl
sæl öll!sé að fólk er að segja sögur af ferðum sínum svo ég ætla að monta mig af að hafa klifið bæjarfjallið mitt Esjuna,ég fór með mágkonu minni Carmen og syni hennar 9 ára.Við tókum okkur góðan tíma og stoppuðum oft til að ná andanum og róa hjartað,því ekki er þolið nú mikið!Við ákváðum að fara brattari leiðina af því að hún er stittri og vildum alls ekki vera allt of lengi á leiðinni!!Vorum samt 2 tíma á leiðinni sem telst nú ekki mjög snaggaralegt:o)Þetta var nú samt frekar erfitt því það var búið að vera mjög þurrt og margir búnir að fara upp í góða veðrinu sem er búið að vera að undanföru,svo það var mjö sleipt í moldinni og stígarnir orðnir mjög hallandi og brattir,en upp komumst við!seinasti spottinn upp er svo bara klettaklifur,þverhnípt,en sem betur fer er búið að setja keðjur í klettana sem maður getur haldið sér í,og svo er bara best að horfa ekkert niður!Uppi á toppi kvittuðum við svo í bókina því til sönnunar að við hefðum farið alla leið,og ég skrifaði afmæliskveðju til Ingu systir líka því þetta var á afmælinu hennar 19 júlí.Svo var tekið upp nestið og notið útsýnisins á meðan við borðuðum.Þetta var heitur og góður dagur svo við vorum vel sveitt þegar við komum upp,svo við vorum fljót að kólna þegar við settumst niður því það var smá gjóla á toppnum,svo við vorum ekki meira en hálftíma þarna og fórum svo að koma okkur niður aftur,ef þið haldið að það sé erfitt að klifra upp þá skuluð þið vita að það er jafnvel verra að labba niður!!!tekur vel í lærin og sköflungana,enda fékk ég þvílíkar harðsperrur í 3-4 daga á eftir:(En á leiðinni niður lenti ég í björgunar starfi,því við gengum fram á strá(15-16 ára)sem var í algjöru panikki og gat sig ekki hreyft fyrir hræðslu og hékk í seinustu keðjuni á leiðinni niður klettana,og við þurftum að komast niður,svo mín bauðst til að fara á bak við hann og halda við hann á leiðinni niður og hann samþykkti það og svoleiðis fórum við,hangandi í keðjunni og ég setti fótinn á honum á næstu sillu og svo áfram með hann eigilega í fanginu lötur hægt!!Hann hafði þá farið á sléttu striga skóm og ekki búist við að komast svona langt ,en allt í einu rann hann bara og gat ekki stoppað sig og varð svona ofsa hræddur,skalf allur og titraði!!Síðan sá ég hann renna sér á rassinum niður mesta brattan eftir þetta:o)Svo þið sjáið að það gerast nú oft ævintýri í fjöllunum enn þann dag í dag!Köttu útí mýri sett´upp sitt stýri,og úti er ævintýri.kv Ransy
Ransy (Óskráður, IP-tala skráð), mán. 27. júlí 2009
a,,,,,?
Já stafsetningardraugurinn vill fylgja manni eða er það bara lyklaborðið? sjá neðangreindan texta, þar vantar stafi eða þeim er ofaukið ha,ha, ha GM
gm (Óskráður, IP-tala skráð), mán. 27. júlí 2009
yes
Sko til, bara smá hreyfing. Núna er ég semsagt á Fáskrúðsfirði í algerum rólegheitum, er alein í kotinu, fjölskyldan öll í vinnu. Um liðna elgi voru hér Franskir dagar, mjög skemmtilegt, margt gert til dægrastyttingar gestum og gangandi. Dvöl minni hér fer senn að ljúka, flýg suður annað kvöld og enda svo fríið heima, Við ætlum jafnvel að fara eitthvað um helgina, annasr er Simbi búinn að vera á ferðalagi með þjóðverja hringinn hum landið með viðkomu á mörgum stöðum, sem ég hef aldrei komið á. Þetta hefur örugglega verið mjög skemmtilegt fyrir hann. Það er mígandi rigning hér í dag, annars hefur bara verið gott, en frekar kalt. Borgarnesblíðan bíður bara eftir mér, hlakka til að koma heim aftur (ekki má taka þessu þannig að mér leiðist, alls ekki) en heima er best. Kveðja að austan, GM landshornaflakkari
gm (Óskráður, IP-tala skráð), mán. 27. júlí 2009
Sælt veri fólkið !!!!
Það er alltaf gaman að sjá einhverja hreyfingu á síðunni okkar með fréttum og viðburðum, alltaf þarf einhvern til að ýta við manni svo eitthvað gerist í skriftum. (Hugsar maður ekki bara aðrir skrifa og gaman að lesa og látið duga.) Það helsta hjá okkur í mínu koti, er að við tókum í pössun litla tík sömu tegundar og okkar Skottu, mikinn fjörkálf og skemmtilegan. Þegar Ása mín fór einn daginn út að viðra hundana varð hún fyrir því óhappi að detta í tröppunum og meiða sig og er núna í gipsi með vinstri hendi, en losnar vonandi við það í næstu viku. Ég skrapp aðeins upp í Hábæ 35 til Tryggva þar var Ellen með bílskúr sölu til að afla sér aura upp í námsgjöld ofl.Þarna kenndi ýmissra grasa og hægt að gera góð kaup. Þetta læt ég duga í bili. Bestu kveðjur. JGJ.
Jóhannes Gylfi Jóhannsson, lau. 18. júlí 2009
jæja....
Jæja gott fólk !!!Komið heil og sæl.Ekki er hægt að kvarta undan veðrinu þessa dagana þvílík himnablíða og drottins dýrðarinnar koppalogn er búið að vera í dag,erum búi að sitja úti á svölum og fá ýmsa góða og sjaldséða gesti,sem er bara gaman,úr ykkar ætt komu Ásmundur Ólafss. og Theódór Þórðars.nú og svo líka Lauga okkar og Haukur,svo og tengdaforeldrar Ingu Rúnar.En nú situr kerlingin alein,því Bjössi og Ásmundur eru farnir norður í land á veiðar,þeir fara yfirleitt einu sinni á ári til Brynju Ólafsd.sem býr á Þorbjargarstöðum í skefilst.hreppi (held það sé rétt hjá mér)til veiða í Laxá.(leiðréttið mig ef ég fer ekki rétt með)Nú nú við höfum nú ekki gert víðreist í sumar,en þó fórum við um daginn í heimsókn til Gísla sem var með strákana sína í bústað í Munaðarnesi,spiluðum dálitla stund við guttana,en keyrðum svo heim leið sem við (ég ) hef aldrei farið,semsagt yfir grjóthálsinn og komum niður í Þverárhlíðina hjá óðalinu hans Guðjóns Bach.mjög falleg leið. Þetta er nú svona það helsta á þessum bænum,engin hestamannamót hehehe,enda varð frúin á þessum bæ sér til athlægis í það eina sinn sem hún reyndi það,og væri nóg í hálfa blaðsíðu hahaha.Segi eins og Gunna,nóg af bullinu í bili,og eins og Óli,verið kært kvödd.
Sæa (Óskráður, IP-tala skráð), lau. 18. júlí 2009
?
Noh... bara enginn í heimsókn og gestabókin alltaf opin. Frændur,vinir og kunningjar, ef þið lítið inn, þá endilega kvittið fyrir ykkur, allavega ég er svo forvitin. Kveðja, G.M.
gm (Óskráður, IP-tala skráð), fös. 17. júlí 2009
Hestamannamót
Já mín brá sér á hestamannamót um liðna helgi að Kaldármelum. Simbi naut sín vel, en mér fannst ég alltaf vera að horfa á sama hestinn!!!! Það er nú svona með hestamennskuna hjá mér hef aldrei stigið í hnakk á ævi minni. Fór berbak hjá Eyvindi þegar ég var smá stelpa og hjá afa en aldrei síðan. Mín hestamennska var sú, að einu sinni kom Eyvindur að mér vera að príla upp hvað á maður að segja, aftur lendina (löppina) á Þokka hans, hest greyið stóð alveg kyrr, tók tillit til krakkans, en hann hefði aldrei þolað öðrum eða fullorðnum að gera þetta, hann var frekar styggur að öðru leiti. Ég man ekki til að hafa fengið skammir fyrir athæfið en Eyvindur hrökk mjög mikið við sagði mamma mér löngu seinna. Á þessum tímum fyrir ca 60 árum, þá voru afi og Eyvindur með útihúsin, sem voru heima hjá okkur á Borgarbrautinni. Ég hef alltaf sagt, að ef ég færi á hestbak, þá færi ég aldrei af baki og ef ég drykki brennivín, þá væri ég sífull. En nóg af bullinu í bili, Kv. GM
gm (Óskráður, IP-tala skráð), mán. 6. júlí 2009
Sólarlaust
Í dag hefur verið sólarlaust. Var að koma úr göngutúr, skolli var eitthvað napurt, hefði ekki veitt af að vera í peysu, fór bara í stutterma bol innanundir vestinu, var bara skítkalt þegar ég kom heim. Sæa, láttu ekki "rassinn" ráða ha,ha,ha, bara að koma sér af stað. Við erum að hugsa um að fara á hestamannamót um næstu helgi, ég er nú ekkert fyrir það, en Simba langar og ætli ég skrönglist ekki með, allavega verð ég þá bara í húsbílnum að lesa eða prjóna, veit ekki hvað ég nenni að horfa á þessar bykkjur. Það er eins gott að dóttir mín og Simbi sjái ekki þessi skrif mín. Ég er alltaf að hressast, verst er að ganga upp brekku á móti vindi. Fer daglega í sund og syndi alltaf 20mín. það eru ca. 600-700 metrar, nota hádegið til þess arna, það er ágætt. Simbi minn hefur alveg nóg að gera þótt hann sé atvinnulaus, alltaf að snúast eitthvað fyrir krakkana, gera við bíla fyrir hina og þessa og núna er hann að hjálpa Jóni Þór að smíða pall, en hann er frekar latur við að hjálpa til við heimilisverkin, það finnst honum alveg óþarfi að gera. Nóg núna. Bless í bili. GM
gm (Óskráður, IP-tala skráð), mið. 1. júlí 2009
Græna ljósið er gott mál.
Halló,halló !! mikið gott að það gekk vel hjá þér Gunna mín og að þú fékkst græna ljósið,bíð og vona að vinkona okkar fái það líka.En það er þetta með að eta minna og rétt,það er svo skolli ervitt og svo er rassinn svo fjári þungur hehe.Annars ekki stórt að frétta,brugðum okkur þó til Ólafsvíkur á sunnud.og keyrðum fyrir jökul á heimleið,öll leiðin orðin malbikuð og hef ég ekki farið hana þannig áður,alltaf svo falleg leið í góðu veðri.Nú nú vonandi er að koma SUMAR sýndist spáin fyrir næstu daga vera nokkuð góð,í dag 15-16° en engin sól.Eigið góða daga,kveðja frá okkur. Sæa.
Sæa (Óskráður, IP-tala skráð), fim. 25. júní 2009
Ljósið komið!
Jæja, þá er konan komin með græna ljósið, má fara að vinna. Eftirlitsskoðunin kom mjög vel út, nema hvað. Nú er bara að halda áfram, fara vel með sig og ekkert múður, hreyfa sig, eta minna og rétt,basta. Kærar kveðjur héðan, GM
gm (Óskráður, IP-tala skráð), mið. 24. júní 2009
Heillaóskir
Elsku Már og Guðrún, heillaóskir með brúðkaupsafmælið!! Alltaf gaman að hitta fólkið sitt og ekki síst óvænt. Já, vonandi verður miðinn minn hvítur á miðvikudaginn, fór aðeins í vinnuna í dag, bara að prófa stólinn, hann var alveg í sömu stöðu og ég skildi við hann. læt ykkur vita, kveðja. GM
gm (Óskráður, IP-tala skráð), mán. 22. júní 2009
Já mjög óvænt ánæja og gleð í sumarbústað.
Já í dag er jónsmessan og allir út að velta sér upp úr dögginni á miðnætti, hmmm, trúlega nóg af vætunni??? 24. verður skoðunarmiðinn settur á þig Gunna mín vonandi alhvítur (fullnaðar skoðun) þetta með skoðun og viðhald þá lét ég krukka í hægra hnéð á mér þann 19.6. og virðist það hafa tekist vel get gengið varlega án stafs nú þegar. Já óvænt var að heyra afmælissöng í heita pottinum þann 14. júní er hátt í 60 mann komu í bústaðinn til okkar, bræður makar og afkomendur, frændfólk Guðrúnar og vinafólk en síðast en ekki síst Valdi og Edda fjall hress. Jæjaq nó í bili mætti vera minna en oftar ekki satt Sæja mín, Kveðjur og þakkir til allra Már og Guðrún.
Már (Óskráður, IP-tala skráð), sun. 21. júní 2009
Í hjarta sínu fólkið gleðst og syngur lítið lag,því lýðveldið Ísland á afmæli í dag.
Hæ hó jibbíjei og jibbíjajei. Gleðilega hátíð öll sömul !!! Það er svosem ekki stórt að frétta hjá kerlingu sem situr bara heima og er hálfgerð mannafæla og lítið fyrir að fara á mannamót,og þó,og þó það skeður alltaf eitthvað skemmtilegt inn á milli t.d. fórum við stór hluti af stórfjölsk.austur að Laugarvatni á sunnud.Jóhann Már og Guðrún áttu 40 ára brúðk.afmæli og voru í bústað þar í grendinni,þeirra börn voru búin að mana okkur í að koma,og koma þeim á óvart,og náðum við því nokkur að ná Guðrúnu með prjónana og Mára í heita pottinum og með söng auðvitað.Og áttum við þar góða stund við át,og söng með gítar undirspili,því nóg er af hljóðfæraleikurum og söngfólki,bara gaman.Nú,nú svo urðum við gömlu þeirrar gleði aðnjótandi að hafa hjá okkur tvö yngstu barnabörnin í þrjár nætur og var ýmislegt brallað,leikið,lesið,farið í sund og út í Brákarey,og skal þess getið að tvennt það síðast nefnda lenti á afa.En mikið var gamla Kaupfél.fjaran og Brákareyjan vinsæll og skemmtilegur staður hér í denn.Jæja gott fólk,nú er messan búin ( þið sjáið að ég mætti ekki þar )Og það stendur eins og stafur á bók,það er farið að rigna,ótrúlegt en satt.En það tilheyrir bara hahaha.Gunna mín ég vona að þú fáir góða skoðun og sért að verða hin hressasta.Eigið góðan dag öll sömul.Kveðja frá okkur í Nesinu. Sæa
Sæa (Óskráður, IP-tala skráð), mið. 17. júní 2009
Það er kominn 17. Júní.
Komið öll heil og sæl, til hamingju með daginn. Já það hefur slaknað á skriftum hjá okkur á síðunni okkar en sem betur fer eru þær Gunna Mæja og Sæa duglegar að koma frá sér nokkrum orðum svo ekki verður alveg stopp,ekki má gleyma fréttum frá Skien í Norge. Það var gaman að heyra frá Eyju frænku og Maddý já og öllum hinum. Ég vona að þú fáir græna ljósið Gunna mín og sért orðin það frísk að þú getir farið í vinnuna, en farðu vel með þig. Bestu kveðjur og knús frá okkur í Fannafold 94. JGJ.
Jóhannes Gylfi Jóhannsson, mið. 17. júní 2009
17. júní
Hæ,hó jibbíjei og jibbíijei.... stendur einhversstaðar. Bara smá kikk inná síðuna. Er eitthvað farið að slakna á fólkinu? Enginn lætur heyra frá sér. Ég fór í afmæli til Eyju þ.13.júní það var kaffi heima hjá Dodda. Þau voru öll vel hress, sérstaklega systkinin. Veiga mín sér lítið og heyrir illa. Eyja bað um kveðju til alls frændfólksins og þakkar fyrir allt yndislegt (hennar orð). Það er alltaf gaman að hitta frændfólkið, þarna voru öll börnin hans Dodda, makar og 2 barnabörn. Ég heyrði í Maddý núna á dögunum og var allt gott hjá þeim, Maddý bara þokkalega frísk. Nú er ég að fara í eftirlit þ.24. júní og fæ þá vonandi græna ljósið að meiga fara að vinna. Gleðilega þjóðhátíð!!! allir út með fánana!! Kveðja, Gunna Mæja
gm (Óskráður, IP-tala skráð), þri. 16. júní 2009
Allt grænt
Allt er vænt sem vel er grænt. Gaman að heyra frá þér Magga, ALLIR eiga að láta fylgjast með sér, ekki veitir af. Já, þetta græna (grænmetið) þetta ættu frændur vorir að hafa á diskunum sínum, (segir sú sem ekki er hrifin af því en lætur sig hafa það), það er bara ágætt og nóg af ávöxtum, ég held bara að bumban hafi minnkað smá (allavega vona ég það. Sykursýkin er áunnin hjá frændum/frænkum vorum, þess vegna þarf að taka í taumana, eta grænt, út að ganga, synda bara hreyfa sig. Ég er komin aftur upp í 40mín. göngu, það er talið gott að ganga 30 - 45mín pr. dag má alveg meir en þetta er gott. Það má endilega fara að hlýna meira, það er fjandakornið ekki hægt að setjast út. Ég fékk heimsókn í dag, Þórdís mín Sif (Siggu dóttir) kom og þar sem ég var að prjóna varð ég ekki vör við hana, fyrr en hún sagði hæ í dyrunum hjá mér. Ég hrökk svo við og hún varð hrædd um að amma fengi bara annað áfall svo hlógum við bara af öllu saman, fórum fram og fengum okkur mjólk og brúna (tertu). Maður má aðeins smakka sukkið en ekki of mikið, í kvöldmatinn voru bara ávextir og brauð og Simbi minn kvartaði ekkert, fannst þetta bara gott. Jæja nóg komið af hollustunni í bili. Sæa, látið sjá ykkur í Klettinum, við bítum ekki. Kveðja, Gunna Mæja
gm (Óskráður, IP-tala skráð), þri. 2. júní 2009
Bara gott líf:
Hæ Magga Þóra,gaman að heyra af þér og þínum.Erum við virkilega að komast á þann aldur að ýmsir kvillar fari að koma í ljós,ég sjálf hef hingað til hrósað happi 7-9-13.En bévuð sykursýkin hefur verið að stinga sér niður hjá sumum bræðranna,þar á meðal mínum karli,og étur hann 4-5 teg.af pillum við því,má segja að það sé líka soldið sjálfskaparvíti þegar menn nenna ekki að takast á við hlutina,éta helst bara það sem óhollast er hehe.Já hver segir Magga mín að maður eigi að vera venjulegur,vonum að þú verðir hin hressasta með hækkandi sól,sem mér skilst að hafi verið nóg af í Noregi undanfarið.Við heyrðum í Ásmundi Ólafs.í gær og var hann hinn hressasti,og mér heyrðist þeir frændurnir vera að ráðgera veiðitúr norður í land til Brynju,sem þeir og hafa gert í nokkur ár og haft gaman að.Núna í þessum skrifuðum orðum eru Bjössi,Ransý mín og Juan hennar ektamaki lögð af stað niður í svokallaðan flóa á Mýrum í eggjatýnslu no.2.hjá Bjössa.Og skilst mér að það séu aðallega sílamáfsegg en ekki svartbaksegg sem eru núna,en allamalla þetta finnst okkur öllum lostæti,og Gunna Mæja skítt með það þó ekki sé mælt með nema 2-4 á viku hahaha.Fórum austur á Selfoss og kíktum á yngri dótturina á sunnud.þar er heitur pottur eð nuddi og alles,og naut minn maður þess að nudda úr sér strengi vikunnar,svo var grilluð folaldalund með tilheyrandi,ummmm,gef skít í nautakjöt á móti því.þetta er nú svona það helsta sem á daga okkar hefur drifið núna síðustu daga.Hafið það öll sem best.Kærar kveðjur frá okkur, Sæa.
Sæa (Óskráður, IP-tala skráð), þri. 2. júní 2009
Kveðja frá "hinni" í Skien, Noregi!
Mikið var gott að heyra að þið sem hafið verið í hjartaþræðingu undanfarið, séuð á batavegi og hafið það gott. Maður fær svona hálfvegis fyrir hjartað sjálfur (!!) þegar þetta gerist hjá nánu frændfólki .... veit að maður er í risikó-hópi (báðar ættir!!)og ætti að huga betur að heilsu /mataræði og hreyfingu! Mínir kvillar síðustu vikur og mánuði (ja, ár ....), hafa verið tengdir blóðleysi og hef ég verið langt undir leyfilegum mörkum (!!) Hef hangið svona hálfvegis uppi með ca 50% og geri aðrar stórar konur betur! Nú er að vísu allt á uppleið, þökk sé járnpillum og sprautum. Teknar voru tvær beinmergsprufur og kom ekkert alvarlegt í ljós, en eitthvað voru niðurstöður aðeins öðruvísi en normalt þykir... en hver segir að maður eigi að vera venjulegur. Hvítusunnuhelginni eyddi ég með dóttur og barnabörnum í miklum hita í Osló. Var m.a. farið í Vigelandsparken og grillað og leikið sér, og Vala mín hélt sér að sjálfsögðu í skugga trjánna, enda 26 stiga hiti og algjört logn! Nú eru eftir 3 vikur af skólanum og nóg að gera varðandi próf, vinnulok og undirbúning fyrir næsta skólaár. Mikið hlakka ég til þegar allt er komið i box, eins og sagt er hérna megin ... svo maður getið notið frísins, fyrist ein vika á Íslandi, síðan fá heimsókn frá vinkonu, með dóttur og dótturdóttur, og svo kemur "fjarbúinn" og verður einn mánuð, og þá er maður byrjaður í vinnu aftur! Bið innilega að heilsa henni Eyju ef þú hittir á hana... Kveðja, Magga Þóra
Margrét Þóra Jónsdóttir (Óskráður, IP-tala skráð), þri. 2. júní 2009
Hvítasunnukveðja
Heil og sæl, áfram að hressast. Eins og áður sagði fórum við að sjá "Söngvaseið" á afmælisdaginn minn. Það var sko gaman, alveg frábær sýning, sem enginn ætti að láta fram hjá sér fara, sýning fyrir alla 4ra - 100 ára. Ég hrökk nú dálítið við í gær, þá hringir Ásmundur ól. í mig og segist vera að bíða eftir að fara í hjartaþræðingu, ég bara búbbbbbs. En allt fór vel, talaði við hann í morgun, og þá er allt í lagi með hjartað, en hann kvelst af balflæði og svo of hátt kólesteról, svo hann fékk bara meðul við þessu,ó hvað mér létti. Hann fer af spítalanum í dag, trúlega bara kominn heim núna. Þá fer nú að ljúka fermingunum á þessu ári. Við förum á morgun í fermingu í Reykholtskirkju hjá vinafólki okkar og svo veisla á eftir. Þá er bara að smakka smá af öllu, ekki hraukaða diska eins og vant er. Mér gengur ágætlega í grænmetinu, með öðru þó ég sé ekkert hrifin af því, en þá verður maður að gera gott úr öllu. Ég verð að segja ykkur, ég fékk alveg frábæra afmælisgjöf. Hún Eyja frænka hringdi til mín, til að vita um heilsufarið. Við áttum langt og skemmtilegt spjall og ég sagði henni að þetta væri besta afmælisgjöfin mín. Læt þetta duga núna, kveðja. Gunna Mæja
gm (Óskráður, IP-tala skráð), lau. 30. maí 2009
Já hún er með hjartað á réttum stað hún Gunna.
Elsku Gunna mín til hamingju með daginn, það er gott ef allt er á réttri leið. Eins og Sæa bendir réttilega á þá er maimánuðurinn með fullt af afmælisbörnum já allir eldast í kringum mann, skrítið ekki satt? Sæa mín þið eruð alltaf velkomin í Fannafoldina, sama hvernig viðrar. Bestu kveðjur héðan. JGJ
Jóhannes Gylfi Jóhannsson, fim. 28. maí 2009
Mikið gott að vera hjartagóð !!
Gunna mín til hamingju með daginn í dag 28/5 og mikið gott að heyra að þú ert hress,en blessuð taktu nú ekki göngutúrana of skart.Það hlaðast inn afmælisdagarnir núna,Natalý mín varð 19 ára í gær 27/5 og svo er Birgir Örn Tryggvason 40 ára á morgun 29/5,finnst bara ótrúlegt hvað þessi blessuð börn eldast meðan ég stend í stað.Bjössi minn fór í eggjatýnslu í gær og kom heim með 60 stk.og slatta af strengjum og sperrum,hver veit Gylfi nema við rennum við um helgina með nokkur handa þér ef letin leyfir.Það er víst ein stórhelgin enn,og sýnist mér veðurguðirnir halda sig við sína alkunnu helgar veðráttu.En endilega látið heyra frá ykkur,svo gaman,Bestu kveðjur frá okkur,Sæa.
Sæa (Óskráður, IP-tala skráð), fim. 28. maí 2009
Hjartagóð
Heil og sæl öll. Já, grásleppan var góð þarna um daginn, og með eggin, þá eru þau allt í einu orðin bráðholl, má borða þau 2svar eða 3svar í viku, allavegana stendur það í þeim kverum sem ég hef undir höndum núna. Margt hefur drifið á daga mína frá seinustu skrifum: landsþing eldri borgara í 2 daga á Örkinni, leikhúsferð, gönguferð með póstmönnum sem endaði á Bráðamóttöku Landsspítala. Konan fékk sem sagt hjartaáfall,"vöðvabólgan" sem hrjáð hefur mig var þá bara líka frá hjartanu. Allt fór þó vel, er alveg bráðlifandi eftir hjartaþræðingu (18. maí). Tvær stíflaðar æðar, önnur blásin og fóðruð með einhverju, hin látin vera, því hún er LÖNGU stífluð og búin að búa til hjáveitu, svona er nú líkaminn klár. ég kom heim aftur 21. maí, en þá voru hjartaensímin (það eru efni sem losna frá hjartanu þegar eitthvað er að) komin í lag. Nú er bara að vera duglegur að hreyfa sig, skipta um mataræði og svona, grænmeti í hvert mál, ávextir og því um líkt. Á svo að mæta hjá lækninum 24.júní og þá fæ ég vonandi grænt ljós með að fara í vinnuna. Ég prófaði að sópa hjá mér eldhúsgólfið í gær (dugleg!!) og svitnaði ekkert (góðs viti), labba og labba komin í 30 mín í hvert skipti, eða 2svar á dag. Á morgun er svo dagurinn minn og ætlum við að fara í leikhús að sjá "Söngvaseið", svo þið sjáið að ég er bráð hress. Læt heyra frá mér síðar. Bestu kveðjur, Gunna Mæja
gm (Óskráður, IP-tala skráð), mið. 27. maí 2009
Halló,halló,ættingjar!!!
Komið heil og sæl !! Gleðilega þjóðhátíð öll í Noregi og til hamingju með Eurovision.Við vorum nú líka ansi spennt og montin hér á landi með okkar fallega lag og stúlku,hvort hún héldi 2.sætinu,úff sat alveg þrælspennt hehe,heyrðist í fréttunum áðan að fjör hefði verið á götum RVK.líka.Já held að sumarið sé loksins komið hérna,liggur við að maður sjái laufið koma út úr trjánum eftir hlýindi síðustu daga,já og rabbabarinn kominn vel upp,hef svolitlar áhyggjur af því,vegna þess að hún Lauga mín ætlar að koma á eftir og fá nokkra hnausa,hef ekki vit á því hvort það er orðið of seint,það verður bara að ráðast.Ég er hætt að nenna sultugerð og svoleiðis eins og maður gerði í denn,jafnvel bara ódýrara að kaupa hana úti í búð hehe.Í dag á kirkjan okkar 50 ára afmæli,og var minn árgangur sá fyrsti sem fermdist í henni,en árg.43 og 44 gengu með okkur til altaris.(dísus er eins og gerst hafi í gær) Og gaman að því að þessir árgangar hafa haldið saman og hist á nokkurra ára fresti. Valgý mikið rosalega hefði ég viljað vera í þessum morgunverði,svartbaksegg,brauð og graflax með kampavíni ummmm,hlýtur að vera geggjað,verð að prófa þetta hehe.Nei ég held að mér sé óhætt að fullyrða að þetta hefur ekki sést á morgunv.borði Borgfirðinga.En þú þarft endilega að verða þér úti um egg og prófa,þau eru bragðmeiri en venjuleg hænuegg,svo góð.Læt þetta duga af blaðri í bili,bestu kveðjur frá okkur Bjössa.Lifið heil Sæa.
Sæa (Óskráður, IP-tala skráð), sun. 17. maí 2009
17. maí í Noregi
Kæra frændfólk!Hér í Noregi er stórhátíð, þeir unnu jú Euróvision í gærkvöldi og í dag er þjóðhátíðardagurinn. Svo allir eru í ofsastuði! Ég flagga auðvitað fyrir þeim á þessum degi, og tókst að punta með fyrstu sumarblómunum og auðvitað var bletturinn sleginn. Vorið hefur verið heitt, heitasti apríl sem hefur mælst, og sólin skín. Í dag er smá vindur hér (norskur mælikvarði)og held ég bara að allir sem klæðast þjóðbúningi séu bara ánægðir með það. Það er ferlega heitt að standa í sól og hita og horfa á allar skrúðgöngurnar (öll skólabörn hér ganga í skrúðgöngu). Ég er búin að prufa þetta, hef verið í upphlut og horft á barnabörnin. Í ár erum við skötuhjúin bara heima og látum fara lítið fyrir okkur. Annars er vorið fallegt hér, bæði plómutréð og eplatréð hjá okkur í blóma, og sama er að segja um sýrenurnar og gula buskinn, sem ég ekki veit hvað heitir. Eins eru fleiri fjölærar plöntur í fullum blóma, og túlípanarnir næstum búnir. Rabbabarinn er orðinn svo stór að ég verð að fara að nota hann, eða gefa öðrum Íslandingum. Kannski ég baki rabbabarapæ í dag. Man ekki eftir að þetta hafi verið svona snemma áður. Mér varð sérstaklega hugsað til ykkar, sérstaklega þín, Sæa, núna áðan. Þá var verið að sýna frá fólki í Tromsö, sem hefur það sem fasta venju að borða svartbaksegg í morgunmat á 17. maí. Ásamt nýbökuðu brauði, gravlax og meiru kyngdu þau þessu niður með kampavíni (mig grunar að það hafi bara verið vegna heimsóknar sjónvarpsins). Veit ekki hvernig þið borðið þetta, en á bágt með að sjá fyrir mér kampavín og svartbaksegg saman á morgunverðarborðum í Borgarnesi! En verði ykkur að góðu, hvernig sem þetta borðast. Held það séu ca 40 ár síðan ég smakkaði svartbaksegg. Læt þetta duga að sinni, vona að þið fáið fínan dag. B kv frá Valgý.
Valgý (Óskráður, IP-tala skráð), sun. 17. maí 2009
Pollíanna
Halló ! nú er ég pollíanna,mér finnst rigningin Góð tralalalala,hún er búin að þvo gluggana hjá mér,eftir bévað norðan bálið fyrir helgi,sem gerði þá þannig að maður sá varla út,og svo á þetta að vera svo gott fyrir gróðurinn sem ég er svo mikið fyrir hahaha. Já Bjössi og Teddi fóru á sjóinn þegar fór að lægja á laugard.og nældu í nokkra fugla nammi namm það finnst okkur lostæti.Nú,nú svo skelltum við okkur í höfuðborgina í gær,það voru tónleikar hjá Heklukórnum sem er kvennakór,og eru þær í honum hún Ransý mín og Lína hans Gylfa,það var ansi huggulegt setið við borð,rósir og kertaljós,kaffi og eða rautt eða hvítt eftir því sem hver vildi. Ég öfunda þig af riklingnum Gunna,og þegar ég hugsa um hann og grásleppu,mikið ofboðslega langar mig í sjósiginn fisk ummm. Gylfi þú verður bara að koma sjálfur og hafa fyrir því að týna eggin undan svartbaknum,hefur bara gott af því,ég skal láta kallinn hringja á þig þegar þar að kemur hehe.Jæja Óli minn er ekki kominn tími á smá innlit ha.Nóg komið af þvaðri í bili,vonandi fer aðeins að sumra á okkur. Kær kveðja Sæa.
Sæa (Óskráður, IP-tala skráð), mán. 11. maí 2009
Rigning og rok
Halló, það var mikið að einhver skrifaði eitthvað. Ummmm svartbaksegg, góð svona einu sinni, óholt að borða mikið af eggjum, en þessi egg eru bara á vorin. Okkur áskotnaðist grásleppa um daginn, verður elduð í kvöld væntanlega, búin að hanga úti er held ég alveg að verða mátuleg, nammi, namm. Eins fengum við rikling/harðfisk, Arnar tengdasonur okkar fór á Vestfirði um daginn og kom með þetta handa okkur og fleirum. Í dag er rigning og rok eins og það gerist best í Borgarnesi. Kveðja, GM
GM (Óskráður, IP-tala skráð), mán. 11. maí 2009
Smá gola, amk.
Sæl verið þið öll sömul, hvaða væl er þetta um smá golukalda eins og verið hefur undanfarið, ef þetta hefðu verið hvirfilvindur af sterkustu gerð þá fengjum við að kenna á því. Ég sigldi á sínum tíma um Karibahaf og fékk smjörþefinn af slíkum vindi þrátt fyrir fulla ferð á vélunum þá færðist skipið ekkert áfram, bara 2 sm.til hliðar. Jú annars þetta var skíta veður hvasst og kalt, og meira að segja fauk "trampolin" sem var á blettinum fyrir framan húsið og lenti á bílunum í stæðunum okkar og olli skemmdum. Jæja við verðum að halda okkur við efnið og skrifa oftar.Sæa hvenær verður boðið upp á eggja partý, þú hóar bara. Namm.namm. JGJ.
Jóhannes Gylfi Jóhannsson, lau. 9. maí 2009
Kári í jötunmóð.
Heil og sæl öll sömul,já mikill bévaður þráakálfur getur hann Kári verið,hikar ekki við að senda okkur ískalda norðanvinda,þó hann ætti nú að vita að sumard,fyrsti er löngu liðinn.Verðum að halda í þá von að Páll Bergþórss.hafi eitthvað til síns máls Gunna mín.Get sagt ykkur að nú var minn karl ásamt Tedda að fara á sjóinn,og þykjast þeir ætla að ná í nokkra sjófugla í matinn,svona á síðasta degi sem má skjóta þá.Nú svo er svartbakurinn víst að byrja að verpa og þá er farið í eggjatínsluna (nammi namm)það hefur í gegnum tíðina verið vinsælt á mínu heimili,"ég elska svartbaksegg" Og spánverjinn tengdasonur minn,bíður eftir því á hverju vori að komast í eggjatínslu finnst þau svo góð.Ég er sammála síðasta ræðumanni,KOMIÐ FLEIRI INN Á SÍÐUNA,ÞAÐ ÞARF EKKERT HEILA ÆVISÖGU. Barasta bara nokkur orð frá ykkur!!!!!! BLESS.
Sæa (Óskráður, IP-tala skráð), lau. 9. maí 2009
vindur
Nú er úti norðan vindur enn er hvítur Esjutindur ef ég ætti úti kindur mundi ég láta þær allar inn, elsku besti vinurinn. umbarassa,umbarassa, umbarassa-sa....... Þetta á vel við í dag, heldur betur, bara skítakuldi, ekta gluggaveður. Já vorið/sumarið lætur standa á sér. Já, bara vera jákvæður, þetta kemur. Páll Bergþórsson er alltaf að spá góðri tíð í sumar, allavega góðri heysprettu (Guð hvað ég er spekingsleg)Við allavega bíðum bara róleg. Er að fara í næstu viku á Landsþing eldri borgara, já, já maður er kominn í þá deildina. Sæa og Bjössi, komið endilega í félagið, engar kvaðir, bara gaman, fundir einu sinni í mán. yfir veturinn, leikhúsferðir, þorrablót, kórinn, bara nefnið það!!!!. Jæja elskurnar. Ég er farin að halda að þessi síða sé bara fyrir mig? Komiði fleiri!!!! Kveðja, Gunna Mæja
gm (Óskráður, IP-tala skráð), fim. 7. maí 2009
Frídagar
Mikið lifandis ósköp eru þær góðar þessar 4ra daga vinnuvikur. Alveg gæti ég hugsað mér að það væri alltaf svona. En það er nú það. Ef éf myndi minnka við mig vinnu núna, þá yrðu eftirlaunin lægri þegar kemur að vinnulokum eftir ca. 2 - 5 ár. Maður verður að spá svolítið í það líka. En annars bara allt gott. En hvar eru allir? Ekki banka bara á síðuna og ganga ekki í bæinn, skrifið og látið vita af ykkur, ekki bara Snjáldurbókin, ég kemst til dæmis ekki inná hana svo dögum skiptir, álagið virðist vera svo mikið eða? Sæl að sinni, Gunna Mæja
GM (Óskráður, IP-tala skráð), mið. 29. apr. 2009
Sumar eða?
Gleðilegt sumar!! takk fyrir veturinn. Einhver þrái er nú í honum að yfirgefa okkur, en hér var hraglandi í morgun, nýr snjór í Hafnarfjallinu. Ég ætla nú ekki að ræða mikið um kosningar. Mér finnst þær vera hálfgert plat núna, maður veit ekkert í sinn haus, en allt verður trúlega "OFBOÐSLEGA GOTT" núna strax eftir helgina, allavegana er látið svo. En mikið held ég að langt sé í land fyrir okkur, þetta er alls ekki búið og Evrópusambandið höfum við ekkert að gera í að svo stöddu og ekki meira um það. Já sumarstörfin, oft vantar mig mömmu til að segja mér til, garðstörfin voru hennar líf og yndi. Oft gengum við saman um garðinn og hún sagði mér n-öfnin á öllum blómunum og öðrum gróðri, en það var allt lekið útúr hausnum á mér um leið og ég kom svo inn til mín (eða hennar).Ég er semsagt ekki með græna fingur, en laga samt til í kringum mig. Annars bara allt gott. Við vorum ekki bara með 3 barnabörn á miðvikudaginn (seinasta vetrardag) heldur 5 og þá var kátt í kotinu. Afi mátti hafa sig allann við að sinna þeim yngstu 3ja og 4ra ára; þau þurftu að fara í göngutúr (uppá vatnsgeymi), að hjóla upp á róló, fá yougurt, kex, ís og nefnið það bara. Þau eldri eru bara sjálfbjarga. Það var yndislegt að hafa þau. Nú er að koma helgi og þá er bara að njóta hennar. Sæl að sinni Gunna Mæja
GM (Óskráður, IP-tala skráð), fös. 24. apr. 2009
Það er komið sumar, er það ekki?
Kæru vinir Gleðilegt sumar takk fyrir veturinn. Alltaf finnst manni þessi áfangi þegar sumardagurinn fyrsti er kominn, og maður fer að ryfja upp gömlu minningarnar úr Borgarnesinu þegar farið var í skrúðgöngu upp í Skallagrímsgarð þrátt fyrir kulda og nepju var alltaf stuttbuxna veður og ekki látið sjá hvað manni gat verið skítkalt. Já svona var nú lífið í denn. Þegar ég leit út í morgunn um kl. 6,00 var allt hvítt úti á túni hjá mér, þá varð manni hugsað "já það er komið sumar", bestu sumarkveðjur héðan. JGJ.
Jóhannes Gylfi Jóhannsson, fim. 23. apr. 2009
Heil og sæl !!!!
Heil og sæl Valgý gaman að heyra af þér og þínum.Nei ég er ekki handavinnukona fæ pirring alveg niður í tær bara við tilhugsunina um eitthvað sem heitir handavinna,við tengdó vorum soldið líkar að því leitinu.Get ekki með nokkru móti miðað mig við svona orkubolta eins og Gunnu Mæju hahaha.Og ef ég held áfram að miða mig við G.M þá var ég OFBOÐSLEGA fegin að sleppa við allar ferm.veislur í ár,hefði svosem haft gaman að því að bregða mér til Danmerkur,þar var verið að ferma hjá tveimur bróðurdætrum mínum,en ég fékk hvorki vinning í lottóinu eða háskólanum svo maður lét það eiga sig hehe.Nú svo kemur sú plága sem fylgir hverju vori og það er blessuð garðvinnan pffff það er með hana eins og handav.ekki mitt uppáhalds,því hafði sú gamla okkar gaman að,en nú nýtur hennar ekki lengur við,þannig að ég vildi helst bara malbika þetta allt og mála það svo bara grænt,nú eða rautt eða eitthvað.En það er gaman að heyra að vorið sé komið fyrir alvöru hjá ykkur,og segðu mér er ekki allt gott hjá mömmu þinni,þú mátt alveg skila kveðjum.Nú eru kosningar í nánd með sínu venjulega argaþrasi,allir svo gasalega góðir svona síðustu dagana,en held því miður að útlitið hjá okkar þjóð sé ekki mjög bjart,finnst vanta að okkur sé sagður blákaldur sannleikurinn,en ætla nú ekki að fara nánar út í það hehe. Nú mér sýnist Óli frændi í Caprí norðursins vera vel lifandi í blogginu. Gott í bili,látið í ykkur heyra,bestu kveðjur frá okkur.
Sæa (Óskráður, IP-tala skráð), þri. 21. apr. 2009
Margt að gerast
Heil og sæl. Gaman að heyra frá þér Valgý. Mér finnst okkar fólk ósköp latt að skrifa hér á síðuna, það bara kíkir inn, en lætur ekkert vita af sér, þetta er sama og að banka og hlaupa svo í burtu (það var gert í gamla daga) Um Páskana hafði maður það undur gott. ég var alveg í fríi frá 6.apríl og byrjaði að vinna í gær 20. átti inni frí frá í fyrra, yndislegt. Það var verið að ferma hjá Kiddó mínum, hann Agnar Daða. Yndisleg stund með honum (og öðrum) í kirkjunni og svo í fermingarveislunni á eftir, en hún var haldin í matsal Landbúnaðarháskólans á Hvanneyri. Frábær aðstaða í fallegu umhverfi. Við erum búin að vera í fermingarveislum nánast um hverja helgi frá 15.mars, næsta er á sumardaginn fyrsta (núna 23.apríl) og svo ein um Hvítasunnuna. Þetta er bara skemmtilegt,bæði að borða góðan mat og hitta fólk. einn góðviðrisdaginn fórum við hjónakornin aðeins að taka til úti í garðinum hjá okkur. GM er svo bráðlát að það þurfti að KLÁRA en garðurinn er ekki stór sem betur fer, en það fór nú svo að konan ofgerði sér bara pínulítið eða þannig, en þetta lagst allt saman. Á morgun verða 3 barnabörn hjá okkur í gistingu, það er svo notalegt, foreldrarnir ætla að fara út að skemmta sér, svo börnin verða í "dekri" á meðan. Nóg um mig og mína núna. Vonandi fara fleir að tjá sig hér, ekki bara á fésbókinni. Með sumarkveðjum, Gunna Mæja
GM (Óskráður, IP-tala skráð), þri. 21. apr. 2009
Ekkert að gerast?
Hvernig er það? Er ekkert að gerast í Borgarnesi? Allar fermingarveislur búnar? Og hvernig er það með þig Sæa, hefuru prófað að hekla, eða er tölvunámskeiðið nóg? Get alveg skilið þig ef þér leiðist handavinna, þ.e.a.s. prjóna, hekla, útsaumur og þannig. Mér finnst það ömurlegt, og allt gengur svo seint. Líkar að sauma á saumvél eða gera eitthvað annað þar sem ég sé árangurinn fljótt!! Annars er vorið komið fyrir alvöru hér, (alla vega í dag) sat úti í sólinni, rúmar 17 gráður í skugganum í dag. Búin að heimsækja synina, tengdadætur og barnabörn, bæði í Bergen og Þrándheimi undanfarnar vikur. Æðislega gaman að sjá alla, það er orðið langt síðan við hittumst. Er að fara til Möggu í afmæli. Hún var með Völu og litlu stelpurnar hennar hér um páskana. Þær komu og sýndu sig hér á mánudag, þegar við vorum komin heim frá Þrándheimi. Gaman að sjá þær vaxa og braggast. Sá í Mogganaum að sjúkrahúsið í Eyjum ætlar að loka skurðstofunni í fleiri vikur í sumar, vona bara að hann frændi minn þar (langt síðan hann hefur skrifað hér, vona að allt sé í lagi!!)þurfi ekki á þeirra þjónustu að halda í sumar. Vona að allir hafi haft huggulega páska, með eða án fermingarveisluáts! Hér er fyrsti sumardagur alltaf 14. apríl, veit að þið á Klakanum þurfið að bíða aðeins lengur eftir sumrinu, en samt, gleðilegt sumar. Bestu kveðjur frá Valgý.
Valgy (Óskráður, IP-tala skráð), fös. 17. apr. 2009
Handavinna
Sæa mín þú getur alveg gert handavinnu, heklað t.d. það er svo auðvelt svo er bara að vera bjartsýnn; ég skal,vil og get. Það er svo margt skemmtilegt hægt að gera í handavinnu, þarf hvorki bútasaum eða prjónles. Nú er að koma kærkomið frí. Ég ætla núna að klára sumarfríið frá í fyrra og vera í fríi frá 6. - 17. apríl og njóta þess alveg í tætlur. Mæja okkar Ásbjarnar var flutt á spítala í gærkvöld með alltof háan blóðþrýsting og mikinn svima, en við hann jefur hún verið að berjast í mörg ár. Vonandi hressist hún fljótlega, sendum henni góðar hugsanir. Gleðilega páska! Gunna Mæja
gn (Óskráður, IP-tala skráð), fös. 3. apr. 2009
Enn um bætur.
Tííhíhíahaha, Já Gunna mín,þakka bara Guði fyrir að við Simbi vorum ekki sett á bútasaums eða prjónanámskeið,þá er ég hrædd um að lítið hefði orðið úr að minnsta kosti mér hahaha. En ég veit líka um einn sem komst ekki á fyrsta dag námskeiðs vegna þess að hann átti pantaðan tíma hjá lækni,sem var búið að panta fyrir löngu síðan.Hann lét vita ,og var svarað að hann missti þá bara bætur þann daginn,svona lagað er auðvitað ekki í lagi. En það er alltaf til fólk sem finnst sjálfsagt að svindla á öllu ef það mögulega getur,hvort sem það er í þessu eða öðru,vinnur einn og einn dag,og ég er hérumbil viss um að það lætur ekki vinnumálastofnun vita.En ég er alveg á því að fólki sé BOÐIÐ upp á hin ýmsustu námskeið,það væri hið besta mál. Segi eins og Óli,verið kært kvödd. Sæa. P.S las svo í blöðunum að maður mætti ekki einu sinni fara til útlanda hahaha.
Sæa (Óskráður, IP-tala skráð), þri. 31. mars 2009
Bætur
Úhhhhhh það er svo kalt í dag (úti) en bara klæða sig vel. Þetta með svona námskeið. Ég er alveg hlynnt því að skikka fólk til að mæta. Það eru alltof margir sem misnota atvinnuleysissjóðina. Ég heyrði sögu af einum sem fékk vinnu hjá góðu fyrirtæki núna eftir bankahrunið. Hann mætir og þykir nú eitthvað skrítinn, en yfirmaðurinn hugsar með sér; þetta er nú bara fyrsti dagurinn. Svo kemur næsti dagur og kauði mætir ekki. Svo mætir hann og var spurður af hverju hann hafi ekki mætt í gær og ekkert látið vita? Hann svaraði; ég var upptekinn. Daginn eftir mætir hann ekki og ekki næstu daga. Eftir viku mætir hann og biður yfirmanninn að skrifa uppá plagg fyrir atvinnuleysisbætur. ER þetta alveg í lagi? það haga sér örugglega margir svona, svo það verður að taka hart á hinum (sem hafa ekkert annað að gera en að fara á námskeið eða eitthvað annað ha,ha,ha,ha).Ég er bara svo stollt af ykkur, Sæa og Simbi. En hvað um það. Við fórum í leikhús og út að borða á laugardaginn í boði góðs manns ásamt fleira fólki. Við fórum að sjá "Sannleikann" með Pétri J. Sigfússyni. Hvað maðurinn getur bullað og við hin hlegið. Svo var farið í turninn "Á nítjándu" og borðað þvílíkt útsýni. Fórum líka uppá tuttugustu, þar var barinn. maður fann ekki svo mikið fyrir að vera svona "hátt uppi" eða þannig. En þegar við fórum að skoða utanfrá hvar við vorum, þá bara vááááá. Svo á sunnudaginn, þá fórum við í messu, á fund og í fermingarveislu á Akranes, nóg að gera um helgina. Næsta sunnudag,5.apríl á að ferma eitt barnabarnið okkar, Agnar Daða Kristinsson. Hann sérpantaði kransaköku hjá ömmu G. og var bakað í gær, bara skemmtilegt. Ekki meira af mér núna, kveðja, Gunna Mæja
gm (Óskráður, IP-tala skráð), þri. 31. mars 2009
Halló öll sömul..
Komið heil og sæl öll sömul !!! Mikið gaman að heyra frá þér Valgý,er búin að troða mér inn á grúbbuna Dalur,bara gaman að þessu sérstaklega ef fólk er duglegt að taka þátt,já og fésbókin er um margt nytsamleg,maður er þá aðeins í bandi...Jaaaá Gunna mín það er nú aldeilis munur að komast á námskeið ahahaha,og alveg óhætt að húrra fyrir okkur Simba,viss um að við lærum alveg fullt (heldurðu það ekki Simbi ??) Ég verð þó að játa að ég varð ekkert yfir mig hrifin af því að láta skikka mig svona með hótunum um að missa annars bæturnar,en ætla nú ekki að ergja ykkur með mínu rausi um það.Frábært Gylfi að fá svona sendibréf,voruð þið að ræða ættfræði eða hvað ?? Nú það er auðvitað miklu auðveldara og fljótlegra að nota þetta apparat,í stað þess að sitja kófsveittur með blað og penna og tilheyrandi verkjum upp í olnboga við skriftir hehehe. Annars allt gott frá okkur,held að við séum blessunarlega laus við fermingarveislustand þetta árið,nema það eru tvær í Danmörku hjá bróðurdætrum mínum,en held við látum það eiga sig.En hvernig er það með þig Óli,hefur þú ekkert að segja núna ??. Ætli sé ekki komið nóg af rausi í bili. Kærar kveðjur á ykkur öll. Sæa.
Sæa (Óskráður, IP-tala skráð), mán. 30. mars 2009
Bréf
Ó, það er svo gaman að fá bréf. Núna nennir enginn að skrifa (nema svona rugl á tölvu). Að lesa gömul bréf, það er ekkert skemmtilegra að sjá hvernig fólkið hefur haft það og hvað það hefur verið að gera. Hef trú á því að mikið af slíku hafi verið í fórum frænku minnar Röggu. En svona nokkuð má ekki glatast. Ef enginn vill eiga, þá setja á skjalasafn. Enn og aftur komin helgi og nóg um að vera. Óvissuferð, leikhús á laugardaginn, messa, fundur (fél. aldr.) og fermingarveisla á sunnudaginn, nú þá vantar mig einn dag í viðbót um helgina til að slappa af. Það bíður bara til mánudags, þá leggur maður sig bara yfir imbanum. En eigið öll góða daga. Gunna Mæja
gm (Óskráður, IP-tala skráð), fös. 27. mars 2009
Tölvur og fleyra
Kæra frændfólk alltaf er gaman að fylgjast með á Dalablogginu og ekki skemmir að fólk fari á tölvunámskeið og afli sér viðbótar þekkingar já eða upprifjunar. Í dag er maður ekki í sambandi nema maður sé með tölvu og nettengdur, þó get ég sagt frá því að ég fékk yndislegt sendibréf frá Maddý frænku á Blönduósi, og það voru aðeins 10 síður (A4) þéttskrifaðar handskrifaðar, svo það þurfa ekki allir tölvur í dag til að vera í sambandi.Bestu kveðjur.JGJ.
Jóhannes Gylfi Jóhannsson, fös. 27. mars 2009
Námskeið
Heyrt hef ég að það er tölvunámskeið í Borgarnes fyrir byrjendur. Veit ég að 2 af okkar fólki (ónefnt) taka þátt og óska ég þeim velfarnaðar á námskeiðinu og tölvunotkun megi verða þeim að gagni og gamni. Húrra fyrir ykkur. Knús Gunna Mæja
gm (Óskráður, IP-tala skráð), mið. 25. mars 2009
Vetur
Gaman að heyra frá þér Valgý. Ég er líka farin að hlakka til sumarsins. Núna er mígandi rigning hér, en ansi er ég hrædd um að við eigum eftir að fá smá skvettur af vetrinum; Páskahret, sumarmálahret og hvað það nú heitir. Já ég samþykkti mig inná "Dalur" hjá Ásmundi, svo hef ég ekkert skoðað það, ég nenni ekki inná "Snjáldrið" það er svo fjári tímafrekt, er svo gott að setjast bara niður og blunda yfir imbanum, eða gera frekar handavinnu, prjóna og fl. En hvað um það, kannski kíki ég á Snjáldrið aldrei að vita að "Eyjólfur hressist" Bið að heilsa ykkur í bili, Gunna Mæja
gm (Óskráður, IP-tala skráð), mið. 18. mars 2009
Fésbók og fleira....
Kæra frændfólk! Frábært að geta fylgst með hvað gerist í Borgarnesi, í Eyjum (og af og til annars staðar á Klakanum)hérna á síðunni. Ég er mjög oft hér inni, dáist að ykkur sem eruð hvað duglegust við skriftirnar. Núna í vetur og fram á sumar er Fésbók sem tekur tíma hjá mér. Þannig er, að mömmu ætt hefur ættarmót í sumar og allt samband er á Fésbókinni i gegnum egin grúppu þar, Lundur. Hef séð að bæði Gunna Mæja og Sæa eru þar, og ég vil bara nota tækifærið og hvetja ykkur öll að gerast meðlimir í grúppunni Dalur. Það er Ási bróðir sem startaði henni. (Held hann hafi allt of lítið að gera þegar hann er í landi!!) Annars er allt bara gott að frétta héðan frá Noregi, það er aðeins farið að vora, búið að vera allt á kafi í snjó hjá okkur, og er enn töluvert. Er hundleið á öllum snjónum og hlakka mikið til sumarsins og bátlífsins. Læt þetta duga í bili, en aldrei að vita nema ég skrifi meira seinna. Bestu kveðjur frá Valgý.
Valgý (Óskráður, IP-tala skráð), þri. 17. mars 2009
Át
Nú eru veisluhöldin byrjuð. Í gær fórum við í 75 ára afmæli og í fermingarveislu á eftir. Það var verið að ferma hjá Dísu Viðars (Hjördísar Kalla) eldra barnið hennar. Mikil og góð veisla, hitti margt af frændfólki frá Kalla-legg. Já, nú er maginn vel úttroðinn og kallar á göngutúr eftir vinni. Hér er búið að snjóa í allan dag og er heldur slabbaralegt færi, en maður kallar ekki allt ömmu sína. Kveðja, Gunna Mæja
gm (Óskráður, IP-tala skráð), mán. 16. mars 2009
Já,já
Gylfi minn, það þarf ekki að vera svo merkilegt sem maður skrifar. Þó manni finnist maður ekkert hafa að segja, þá kemur alltaf eitthvað upp í kollinn þegar maður byrjar, aðalmálið að láta vita um sig. Og Sæa ég er ekki næstum því eins löt og ég hef verið ha,ha,ha öll þreyta og leti farnar upp á holtið til þín og þú vinnur svo úr þessu !!!!!! Kveðja, Gunna Mæja ps. hvar eru allir hinir???
gm (Óskráður, IP-tala skráð), fim. 12. mars 2009
Hver er að tala um RÖFL,
Fólk verður að geta tjáð sig hvort heldur í rituðu máli eða töluðu!! Já mér finnst fólk stundum vera ansi latt við að setja nokkra stafi á skjáinn, en stundum hefur maður ekkert að segja. Ég gleðst yfir hversu Sæa mín er ólöt við skriftirnar og Gunna Mæja er frábær að láta okkur vita um ættingjana í Nesinu og víðar. Látum ekki deigan síga. JGJ.
Jóhannes Gylfi Jóhannsson, mið. 11. mars 2009
þreyta og leti
Nú erum við að verða eins og á fésinu hehe,,já,já sendu þreytuna og letina bara upp holtið,þín leti getur þá haldið minni selskap,það er satt að það er óþarfi að hafa þetta á mörgum stöðum,ég hef nægan tíma fyrir þetta hehe...kveðja
Sæa (Óskráður, IP-tala skráð), mið. 11. mars 2009
Ekkert röfl
Það verða alltaf að vera nöldurskjóður í hverri fjölskyldu. Nú ætla ég bara að senda þér alla mína leti og þreytu hérna upp holtið, það er engin ástæða til að margir séu að burðast með þetta sama, ágætt að hafa hana bara á einni hendi, ha,ha,ha. Ég er reyndar ekki búin að heyra í Valda en bæti úr því. Mér finnst svo gott að vita um mitt fólk. Heyrumst síðar. Kveðja, Gunna Mæja
gm (Óskráður, IP-tala skráð), mið. 11. mars 2009
Röfl
Það er sem ég segi,og er talin bölvuð nöldurskjóða,ekki vissi maður neitt í sinn haus með familíuna ef við hefðum þig ekki Gunna mín hér inn á síðunni,segi það blákalt að þessir bræður að einum undanskildum,eru bévuð dauðyfli og hana nú,hef sossum fengið að heyra það,en hvað kemur mér þetta við hehe,ekki er ég í ættinni.En sú gamla hafði áhuga á að fylgjast með sínum og ræddi það þá við mig,en mikið gott að heyra að það væri gott hljóð í Maddý og co.og vona að sama sé með Valda.Mikið assskoti eruð þið hjónakornin dugleg að sækja hina og þessa viðburði,ætlaði að druslast á þessa tónleika en auðvitað gleymdist það.Er svo löt að það liggur við að ég verði dauðþreytt fyrir ykkar hönd.Eins og vant er er gaman að lesa þína pistla Óli og hahaha góð sagan af stjúpunni,spyr eins og Gunna komst hún einhverntíma að þessu hehe.Látum gott heita,nú fæ ég skömm í hattinn (Gykfi undanskilinn) Knús á ykkur.
Sæa (Óskráður, IP-tala skráð), þri. 10. mars 2009
Góður!
Já Óli, þessi var góður. EN þetta með ekkjuna, komst Dóra nokkurntímann að þessu?. Nú er hún komin á Dvalarheimilið blessunin, allavega tímabundið. Hef ekki hitt Helgu alveg nýlega til að spyrja um hana. en hvað um það. Liðna helgi hefur verið mikið að gera hjá okkur hjónakornum. Á föstudagskvöld fórum við í leikhús að sjá Hart í bak (í annað sinn) fórum með fél. eldri-borgara,haldiði að maður sé ekki búinn að troða sér þar inn, jú,jú. Svo á laugardaginn fórum við að jarðarför mætrar konu hér í Borgarnesi, Sjafnar Halldórsdóttur, kennd við Þverholt, Á laugardagskvöldið fórum við svo á tónleika í Saurbæ á Hvalfjarðarströnd, þar sungu Söngbræður (karlakór úr sveitinni) og Þrestir úr Hafnarfirði. Það var virkilega gaman. Ásmundur frændi vor Ólafsson syngur með Þröstum og auðvitað fékk hann koss hjá frænku. Ekki er allt búið, því í gærkvöld (sunnudag)fórum við aftur með FEBBN í Lyngbrekku að sjá leikritði " Á svið " sem leikdeild Skallagríms setti upp. Það var svo gaman og kitlaði mínar hláturtaugar vel. eftir þetta allt saman, þá vantar mig núna 1 frídag, því svo taka fermingarveislurnar við, sú fyrsta á sunnudaginn, svo hver af annari til 9. apríl. ég hringdi í Maddý þ.5. mars á afmælisdaginn hennar, gott hljóð, þau hjónakorn nýkomin frá "Sæludögum " á Örkinni, en svo gleymdi ég að hringja í Valdimar í gær (hans afmælisdagur) en ætla að bæta úr því í kvöld. Gott í bili. Kveðja, Gunna Mæja
gm (Óskráður, IP-tala skráð), mán. 9. mars 2009
Vorblíða
Það er með einsdæmum þessi blíða,allavega hér viku eftir viku má segja.Á þessu ári eru 50 ár síðan ég kom hingað til Vestmannaeyja til að vera eitthvað.Þessa vertíð 1959 var með endemum leiðinleg hvað veðráttu varðar.Ég man eftir 3 vikna landlegu.Ímyndið ykkur.Þegar þetta var komu hingað sennilega um 2000 segi og skrifa tvö þúsund farandverkafólk.Þetta fókl hafði enga tryggingu og varð að borga fæði allan tíman.Þarna vorum við sjómenn betur settir fengum tryggingu og hana útborgaða hálfsmánaðrlega.Enda áttum við"pleysið"um helgar.Til að lýsa skepnuskapnum í manni og brosa svolítið að minningunni.Þá fann ég upp á því að fara til gjaldkerans hjá Einari"ríka"en ég var á bát frá honum,sem var guðhrædd eldri dama piparmey.Sagðist vera sonur gamallar ekkju í Borgarnesi(Dóra stjúpa mín var þá 37 ára og móðir mín 40 ára)og nú væri sú gamla orðin svo skuldug í KB að ég yrði að fá meiri peninga en trygginguni næmiNú Ósk(mig minnir að það hafi verið nafnið en þessi sómakona dó hér í Eyjum fyrir 2 árm háöldruð)brást vel og drengilega við þessari bón sonar fátæku ekkjunnar og skrifaði ávísumn nokkuð stóra til lúkningar skuldunum í KB með þeirri ósk að hún yrði ekki framseld fyrr en eftir nokkra daga.Ég fór svo til sjoppueigenda keypti nokkur cíkarettukarton og kannske bland með hans loforði um að framvísa ekki ávísunni fyrr en eftir viku.Nú ekki er sagan búinn.Á sömu verbúð og ég bjó á,bjuggu nokkrir færeyingar.Nú skeður það að einn þeirra týnir veskinu sínu með einhverri gommu af peningum.En sonur fátæku ekkunnar var farinn að slá allsvakalega um sig.Og beindist nú grunur frænda vorra og nú velgerðarmanna færeyingana að vellystingum ekkjusonarins og að hún stafaði af fundi veskisins.En sem betur fer fyrir son fátæku ekkunnar fannst svo veski færeyingsins inni á klósetti bak við eitt af salernunum.Ég hefði getað hreinsað mig af þjófnaðarákæru.En ég hefði átt í vandræðum að útskýra málið fyrir gjaldkeranum góðhjartaða.Svo ein svona fullorðins héðan úr bíðunni að lokum.Flottasta"gellan"hér í Eyjum kom inn í í Reynistað(húsgagnaverslun hér) og spurði eftir hjónarúmi.NN afrgeiðslumaður sýndi henni nýja gerð nýkomna frá USA,Allof lágt segir gellan.Alltof lágt??? spyr NN undandi.Kondu sagði þá gellan.Klæðir sig úr öllu.Og á Evuklæðunum býður hún NN að njóta þess er hann sæi.Þetta þyggur hann.Í miðjum leiknum æpir gellan:"Jesús Guð maðurinn minn er að koma"NN snarast út úr rúminu og ætlar undir það.En kemst hvergi"Sagði ég ekki alltaf lágt"sagði þá gellan.Kært kvödd
Ólafur Ragnarsson, fös. 6. mars 2009
SUND,,dísus
Gunna,Gunna,Gunna,,,þú nefndir "SUNDLAUG" Ó my LORD,,ég hef ekki á minni ævi komið í laug síðan í skyldusundinu hjá Unni og Páli í denn,það dugir mér fyrir lífstíð,þeim tókst að gera mig svo vatnshrædda að hálfa væri nóg, varla að ég fari í baðkar hehehe. En ég viðurkenni að völlurinn er þrælgóður,stundaði hann bara nokkuð vel fyrir 2.árum eða svo,en svo yfirvinnur béfuð letin og allt fer í sama horfið. Súkkulaðikökuna legg ég ekki í, en í dag ætla ég að sletta í eitthvað auðvelt sem ekki þarf að baka,því ég á von á krökkunum mínum í kaffi á morgun. Kveðja á ykkur öll.
Sæa (Óskráður, IP-tala skráð), fös. 6. mars 2009
Göngutúr
Sæa, Ein brautin á íþróttavellinum er alltaf auð. keyrðu þig þangað og komdu svo í sund ha,ha,ha. Bakaðu nú eina "ástartertu" fyrir Bjössa, t.d. Franska súkkulaðiköku ummmm svaka góð með jarðarberjum og rjóma. Vertu ekkert að fá þér hund, það er alltof bindandi eða(:; Bið að heilsa í bili. Gunna Mæja
gm (Óskráður, IP-tala skráð), mið. 4. mars 2009
blablabla
Mér leiðist snjór alveg með eindæmum!!!! En mikið má maður vera feginn þessum vetri,man bara ekki eftir öðrum betri,við höfum t.d aldrei þurft að láta moka úr stígnum hjá okkur í vetur,vonandi helst það og "í apríl fer að vora,víst ég hlakka til" Svo er þetta með snjáldurbókina Gunna mín hehehe, hún hefur reddað því að ég drepist ekki úr leiðindum,ekki getur maður alltaf verið með klútinn á lofti og út fyrir dyr fer ég ekki ef ég get átt von á hálkubletti einhversstaðar.En eitt sem ég tek eftir á "snjáldrinu" er hvað margt af unga fólkinu okkar er í einhverslags námi,og þetta með fjarnámið í gegnum þessar blessaðar tölvur er BARA SNILLD,gaman að þessu.Svo hef ég líka tekið eftir "á snjáldrinu" hvað margar ungar konur eru að BAKA hahaha,það er hlutur sem ég geri EKKI,og það þíðir ekkert að segja að kannski væri það ráð í atvinnuleysinu hehe, veit fátt leiðinlegra.Ég verð að viðurkenna að ég öfunda soldið fólk sem drífur sig út í göngutúra,get sagt ykkur að við hjónakornin fórum labbandi alla leið inn á tanga á laugard.kvöldið, í dag er þriðjud. og ég er enn að drepast úr harðsperrum,Kannski að maður ætti að fá sér litla Skottu eins og Gylfi,þá yrði maður hehe. Er þetta ekki orðið gott af bulli í bili, Lifið heil.
Sæa (Óskráður, IP-tala skráð), þri. 3. mars 2009
Snjór!
Nú bara snjóar og snjóar. Þetta hefur varla sést í vetur, en hversu lengi snjórinn verður, það er ekki gott að segja. En svona veðurlag á ekki við mig. En nú er bara mars, svo enn er vetur. Við fáum bara gott veður í vor og sumar, haldiði það ekki? Svo er það Snjáldurbókin, ég hef ekki undan að samþykkja vini, það eru svo ansi fáir sem ég vil hunsa. En ég er óttalega löt að fara inná síðuna. Þetta er svo fjári tímafrekt. Þegar maður situr fyrir framan tölvu allan daginn, þá er áhuginn enginn þegar heim er komið. Þá þarf ýmislegt að gera, þó við séum bara tvö, en alltaf förum við út að ganga, göngum uppundir klukkutíma, mjög hressandi. Svo þarf stundum að sinna barnabörnunum, í dag fáum við tvær dúllur, Jónsdætur. Pabbinn í kvöldvinnu og mamman í námi. Hún er að læra svæðanudd og fer á hverjum þriðjudegi í skólann til Reykjavíkur, svo er hún í bóklega náminu í fjarkennslu. Hún klárar verklega þáttinn núna í mars, en bóklega um Jól ef allt gengur vel eins og það er búið að ganga. Hún er búin að taka tengdó í nudd til að æfa sig og það virkar mjög vel. Hún ætlar að setja upp aðstöðu heima hjá sér fyrir nuddið. Hún verður sjálfsagt ekkert hrifin af að ég sé að segja frá henni, en það verður bara að hafa það. En gott í bili. Kveðjur, Gunna Mæja
gm (Óskráður, IP-tala skráð), þri. 3. mars 2009
Fiðlutónar
Já Gústafi var margt til lista lagt og farið svona"hægt og hljótt"ef undan eru kannske skildar fiðluæfingar í gegn um lífið.Ég vona að ég snerti ekki viðkvæma strengi í hjörtum tónelskra ættinga minna er ég upplýsi að allt"fiðlrerí"allavega flest féll ekki mér til geðs.Fannst eins og það væri verið að stíga á skottið á vissu húsdýri.En eitthvað hefur þetta þó breist á efri árum.Hér í Vestmannaeyjum iðkaði ég ýmislegt sem yfirleitt hafði lítið með fiðlukonserta að gera en gat ef sótt er langt heyrt undir seinnihluta þess nafns.Kannske konsert fyrir fiðlu og básúnu í C moll eftir kannske NN.Einn virkilega góður vinur minn sem ekki er lengur á meðal vor hafði fyrir orðatiltæki:iiiisssss mér er allllllllveg sama.Þegar hann fann þá réttu giftist henni og hélt svo fyrsta erfinganum undir skírn,Spurði presturinn " Hvað á svo barnið á heita "?"iiiisssss mér er allllllllveg sama"var svarið
Ólafur Ragnarsson, fim. 26. feb. 2009
Baunir og fiðlutónar
Þá er búið að belgja sig út af baunum og saltkjöti ohhh, þetta er svo gott!!!! En ansi var þorstinn mikill á eftir, það bara tilheyrir. Já fiðlutónar. Ég er afskaplega hrifin af fiðlu,fallegir fiðlutónar er alveg unaður að hlusta á. Ég hef svolítið gaman að sarginu. Ég fór á tónleika í vetur hjá Tónlistarskólanum, þar léku 4ra - 5 ára börn á fiðlur, alveg ótrúkegur árangur. Það má segja það sama þegar verið er að byrja að læra á blokkflautu og önnur hljóðfæri, fólk á öllum aldri ræður ekki við hljóðfærið í byrjun, en "æfingin skapar meistarann". Bið að heilsa ykkur í bili, Gunna Mæja
gm (Óskráður, IP-tala skráð), mið. 25. feb. 2009
fiðla
Já,já Gústi gat vel spilað, en að hlusta á þegar verið er að æfa sig, allamalla það nístir í gegn um merg og bein. hehe. kveðja
Sæa (Óskráður, IP-tala skráð), mið. 25. feb. 2009
Saltkjötið og baunirnar alltaf góðar.
Heil og sæl. Þá er að jafna sig eftir allt átið eins og venja er á þessum degi. Já Óli hann Gústaf mágur þinn spilaði á Fiðlu og var ansi flinkur við það. Mér þykir verst að hafa rifjað upp hryllings tilfinningar hjá Sæu minni hvað svona spilverk varðar, en það voru nokkrir sem fengu tilsögn hjá Gústaf, svo dæmist ekki allt á mig og Már, enda voru flestir tónarnir eftir bókinni, ég sagði flestir, var það ekki? Jæja gott í bili.JGJ.
Jóhannes Gylfi Jóhannsson, þri. 24. feb. 2009
Saltkjöt og baunir
Besta saltkjöt sem ég hef smakkað,allavega hingað til fékk ég í föðurhúsum.Jón Eyjólfsson pabbi Kalla í Dal saltaði(meðan hans naut við)kjötið fyrir pabba.Þeir kunnu handbrögðin þessir gömlu menn.En að öðru.Hér í Eyjum var eitt sinn bílstjóri einn sem lenti í óhappi og eyðilagði annað frambrettið,Hann hringdi í umboðið og pantaði nýtt.Þegar hann hafði gefið upp tegund og annað slíkt spurði afgreiðslu maðurinn:"hvort brettið er það sem þig vantar.Bíddu aðeins sagði bílstjórinn,labbaðu út að glugganum og kom svo aftur í símann:"Það er brettið sem er nær húsinu"!!!!!
Ólafur Ragnarsson, mán. 23. feb. 2009
Bollud.sprengid.öskud.
Dísus!!! Jú Óli hann Gústi SARGAÐI á fiðlu, við áttum heima á efstu hæðinni í HÉRÍ og Kristbjörg og Gústi í Íbúðinni við hliðina, ég hef líklega verið 11-13 ára, kannski á Gylfi líka þátt í því að ég gat ekki heyrt í fiðlu án þess að fá gæsahúð AF HRYLLINGI fyrr en í kringum fimmtugt, veit að þið gætuð aldrei trúað því hvílíkur andskotans hryllingur þetta var,en nóg um það. Já á morgun er sprengidagur, segi eins og Gunna hef helst ekki saltkj.og baunir nema á sprengid.og hlakka til allt árið uummm.En mér til mikilla leiðinda hittist alltaf þannig á að það er Lion fundur hjá Bjössa á þessum degi, þannig að sprengid. hjá okkur er á öskudegi hahaha.Bollud. er mér svona slétt sama um, því þá er ég minnt á hvað ég er léleg húsmóðir, hef nefnilega aldrei verið fyrir bakstur "svo vægt sé til orða tekið" En í gær brá svo við að minn elskulegi mundi eftir KONUdeginum og brá sér í bakaríið og kom færandi hendi með bollu handa sinni elskulegu, nú auðvitað varð ég glöð við, EEENNN er að reyna að halda í við mig, þannig að í þetta eina skipti "hefði það mátt vera BLÓM" maður étur þau nefnilega ekki. Jæja gott fólk, svo ég breyti aðeins út frá Mára, Fyrr má nú rota en dauðrota, lifið heil.
Sæa (Óskráður, IP-tala skráð), mán. 23. feb. 2009
Góðir dagar
Já, í dag bolludagur, svo sprengidagur og öskudagur. Í gær + dag þenur maður sig út á bollum. Ég var með bollukaffi í gær fyrir familíuna, bakaði nokkrar og keypti líka. það var ódýrara en að baka, svei mér þá. en allt fór þetta niður í maga og engum meint af, allavega hef ég ekkert frétt um magakveisur á bæjunum. Svo er það uppáhaldið á morgun;saltkjöt og baunir ummmmmmmm. En þetta er nú ekki það hollasta senm maður borðar, en ég hef þann sið að elda bara baunir á sprengidaginn sem sagt 1X á ári. Í dag virðist ekkert vera hollt, sem er gott. Hvernig var þetta í gamladaga? þá át fólk allt sem í boði var, allt nýtt af skeppnunni, en nú má enginn borða neitt nema gras. En allt er best í hófi. Óli minn, til lukku með nýja nefið og þú farir að geta snusað vorið og svo sumarið. Ekki meira núna, kveðja Gunna Mæja
gm (Óskráður, IP-tala skráð), mán. 23. feb. 2009
já fyrr má nú skella hurð en steinrota sagði Lási kokkur
Já verð að bæta mig fyrir vorið ;o) sendi myndirnar fljótlega, hummmmm eða þannig. Kveðja Már. Ps. fiðla og fimm tímar hjá Bjarna í denn, en lærði aldrei nótur.
J.M.J. (Óskráður, IP-tala skráð), sun. 22. feb. 2009
Komiði sæl
Við þessi eldri munum sennilega öll þessa kveðju hjá SigurðiSigurðsyni íþróttafréttamanni.Eitthvað á þá leið hljómaði ég eftir hina langþráðu"lýtaaðgerð"En nú er þetta allt komið í réttan farveg.Og kjaf...... á sama stað fyrir neðan nýja nefið eða þannig.Gunna Mæja til hamingu með þetta með æskudrauminn Það þarf að mínu viti mikið hugrekki til að ráðast í svonalagða á efri árum.Virkilega gaman að heyra þetta og innlega til hamingju þeð þennan áfanga.Og Gylfi mér þykir þú segja mér fréttir.Ég geng út frá að þú sért að tala um mág minn Gústaf.Ekki vissi ég um að hann spilaði á"víólín"eða heitir hljóðfærið það ekki á fínu máli.Nú vonandi fer maður að"snusa"af vorinu og gefa vetrinum langt nef.Læt þetta nægja geðheilsu ykkar í bili.Verið öll kært kvödd af hinu nýnefjaða á Caprí Norðursins
Ólafur Ragnarsson, lau. 21. feb. 2009
Já tónfræði og tóneyra, gott saman.
Heil og sæl Gunna mín. Gaman að heyra með tónfræðina og væntanlega hljómleika, bara fyrir ættina eða þannig. Mikið öfunda ég þig að hafa skellt þér í nám það hefur alltaf blundað hjá mér að læra á hljóðfæri en ekkert orðið af því. Fyrir margt löngu fórum við Már að læra á fiðlu hjá Gústaf Óskarssyni og þá þurfti maður að læra nóturnar sem gekk þokkalega, en þegar heim var komið og farið að æfa var (reynt)að spila en strákarnir léku sér og spiluðu bara eftir eyranu eins og ekkert væri, það þótti manni ansi hart og því fór sem fór spilamenskan datt uppfyrir. Björtu hliðarnar eru þó alltaf að við getum raulað einhver lög. Betra en ekkert. JGJ:
Jóhannes Gylfi Jóhannsson, fös. 20. feb. 2009
Tónfræði
Heil og sæl öll Af hverju "Tónfræði?" Það er nú það. Konan var í tónfræðiprófi í gær. Mér fanns mér ganga svakalega vel, svo er bara að vita hvað kennarinn segir. Ég lét æskudrauminn rætast fyrir ca. 4 árum. Þá keypti Simbi sér hesta og byrjaði aftur í hestamennskunni (reyndar mjög lítið), en þá keypti ég mér píanó, en það langaði mig alltaf í sem krakki. En þá áttum við heima í svo litlu húsi að píanó hefði varla komist inn og eins var ríkidæminu ekki fyrir að fara. Þegar ég var svona um 10 ára aldurinn, þá var Bjarni gamli frá Skáney (hann var orgelleikari í sveitinni)staddur hjá Guggu og Óla í Sölku að kenna krökkunum þeirra nótur og að spila svolítið, en í Sölku var svokölluð píanetta. Heima var gamalt orgel og mamma var búin að kenna mér nóturnar, en ég átti svo að læra að lesa þær hjá karlinum, en það þótti mér leiðinlegt, vildi helst bara getað spilað strax!! En svo fór nú karlinn aftur, þá varð ekkert meira úr náminu. En fyrir tæpl. 5 árum skráði ég mig í Tónlistarskólann og það er bara gaman. En ég fór með því hugarfari að geta spilað fyrir mig, tilkynnti að ég ætlaði ekki að spila á tónleikum og við það stend ég og þetta er ástæðan fyrir tónfræðinni. Annars allt gott, nú er allt hvítt, en mígandi rigning í gær og fyrradag. Ætli sé ekki búið að gera við nefið á Óla? ég fer stundum inná bloggið hans, hann hefur ekkert skrifað undanfarið, svo trúlega er hann enn fyrir sunnan. Eigið góðan dag. Kveðja, Gunna Mæja
gm (Óskráður, IP-tala skráð), fim. 19. feb. 2009
Hæ hæ
Allt gott að frétta af okkur,allir hressir,í skólanum og vinnunni eins og venjulega. Langaði til að hvetja Mára til að senda myndirnar frá ættarmótinu til Laugu svo hún geti sett þær hér inn,sá þær hjá honum um daginn,mjög góðar!!svo áfram Mári!! kv. Ransy
Ransy (Óskráður, IP-tala skráð), mið. 18. feb. 2009
letilíf
Halló öll sömul, segi eins og Gunna það þarf ekkert að vera eitthvað sérstakt í fréttum til að láta aðeins heyra frá sér,enda engar fréttir góðar fréttir hehe.ég fór líka inn á SNJÁLDURBÓKINA og finnst það bara soldið gaman,vissulega tímaþjófur en það er bara allt í góðu. Mér líkar veðráttan núna þessa dagana alveg sérdeilis vel,mikið gott að vera laus við frost og snjó.Held reyndar að ég hafi verið drottning eða eitthvað í þá áttina á Spáni í fyrra lífi hehehe, líkar mjög vel við sól,hita og letilíf. Gott af bulli, lifið heil.
Sæa (Óskráður, IP-tala skráð), mán. 16. feb. 2009
Fréttir
Halló þið öll það þarf ekki að vera neitt í fréttum til að skrifa hér í gestabókina, bara að við vitum um hvort annað. Ég vil miklu hekldur hafa þessa síðu en einhverja "Snjáldurbók" eins og Óli sagði. Ég fór í einhverri vitleysu inná Snjáldurbók (Facebook), skráði mig þar inn og allt í einu á ég bara fullt af vinum, en kann svo ekkert í þessum bókarfræðum. Mér finnst þetta aðallega forvitni um fólk, bara allt í lagi. En ég er þannig, að ég nenni ekki að vera öll kvöld og fram á nætur að skrifa einhverjum eða skoða einhverja ha,ha,ha. En auðvitað er þetta skemmtilegt að finna gömlu skólafélagana og vinina, já og bara fólk út um allan heim. Nóg núna. Kveðja, Gunna Mæja
gm (Óskráður, IP-tala skráð), mán. 16. feb. 2009
Góðar kveðjur frá Brúarás 2.
Ég hef nokkuð reglulega litið inn og haft gaman af að lesa um nef og fleira, já Gunna takk fyrir kveðjur frá Sollu, þó skömm sé að segja frá þá hef ég byrjað nokkrum sinnum að skrifa en hætt við vegna lítilla frétta en verð að bæta mig. Gunnar okkar er að fara í dag til Berlínar og verður framm á sumar en Erla fer til Hollands í mars vegna "D"ritgerðarvinnu. Sem sagt ekkert að frétta nema gott ;o) kveðja Már.
Jóhann Már Jóhannsson (Óskráður, IP-tala skráð), fös. 13. feb. 2009
Solla
Hæ Var að leggja tólið á frá því að tala við Sollu. Hún biður um góðar kveðjur til allra. Hún segist vera helv... góð en ansi er ég hrædd um að hún sé sárlasin. En hún ætlar ekki að láta bugast, ekki hafa áhyggjur af því sem verður ekki, það er hennar mottó. Hún er búin að vera í miklum rannsóknum, en er ekki búin að fá út úr þeim, allt tekur sinn tíma. En nóg um það. Hún er kát og hress í anda. Síminn hennar er 486 6613 svo er hún með tölvu, en gengur eitthvað erfiðlega eins og er e-mailið er sollasystir@simnet.is Nóg í bili, góðar kveðjur frá okkur frænkunum. Solla og Gunna Mæja
gm (Óskráður, IP-tala skráð), fim. 12. feb. 2009
Kveðja!
Gaman að lesa spjallið hérna:-) Þetta er einmitt það sem að okkur vantar, svona sameiginleg spjallsíða svo að allir sem vilja geta lagt orð í belg. Kærar kveðjur frá Victoríu, Kanada!!
Sif Ásmundsdóttir (Óskráður, IP-tala skráð), mið. 11. feb. 2009
Þetta með NEFIÐ
Já Óli minn við verðum að búa við okkar nef hvort sem okkur líkar eður ei, einhver hefði sagt að svona fer pólitíkin með alla hluti, en flest hægt að laga. Gott í bili. JGJ.
Jóhannes Gylfi Jóhannsson, þri. 10. feb. 2009
Áfram með smjörið, eða þannig!
Komið öll heil og sæl. Það er aldeilis gott að einhver hefur dug og þor í skriftir,maður er orðinn ansi latur og kanski ekki mikið í fréttum hjá okkur, en það verður að halda áfram og alltaf gott að fá einhverja punkta og skemmtun. Já Gunna ekki hefur mér heldur tekist að ná sambandi við Sollu, reyndi á afmælisdaginn hennar en ekkert svar í símanum. Þegar minnst er á systurnar í Dal, þá kemur upp í hugann hláturinn og fjörið í kring um þær,ósjálfrátt var maður farinn að hlæja þó maður hefði enga hugmynd um hvað var tilefni hlátursins, enda var það aukaatriði. Bestu kveðjur úr Fannafoldinni. JGJ.
Jóhannes Gylfi Jóhannsson, þri. 10. feb. 2009
Til Laugu +
Sæl og blessuð frænka mín. Langt síðan þú hefur látið heyra frá þér hér á síðunni eða forsíðunni. Það mætti nú fara að setja þar eitthvað gáfulegt inná, t.d. spakmæli, fallega vetrarmynd eða þannig.Ég er orðin leið á að lesa jólakveðjuna mína, en ljóðið er fallegt. Bara svona smá að skipta mér af (alltaf lík sjálfri sér) Hafiði eitthvað frét af Sollu? Ég hef reynt að hringja í hana, en hún ekki svarað. Kannski er hún bara erlendis, það væri þá bara gott. Eða allt hitt frændfólkið, það srifar bara ekki nokkur sála hér nema við Sæa og Óli. Hvað er að ykkur eiginlega. Vorum við ekki búin að lofa hvert öðru að vera í góðu "bandi" eins og krakkarnir segja. Þið hljótið að hafa frá einhverju að segja. Nóg í bili. Kveðja, Gunna Mæja
gm (Óskráður, IP-tala skráð), þri. 10. feb. 2009
Other new day
Gaman að þessu frænka.Já það var oft kátt í höllinni þegar þær Dalsystur hittust já og það fólk allt.Glatt fólk í sinni og skemmtilegt.Ég hef verið þeirrar miklu hamingu aðnjótandi að eiga glaðlynt frændfólk.Hálfsyskini föður mins í Keflavík var svona glaðlynd líka.Allt mitt frændfólk hefur verið mætt þegar sá gamli þarna uppi útbýtti glettninni,glaðlyndinu og geðprýðinu.En svo voru líka allir mættir þegar skapinu var úthlutað.Og sumir sem ég þekkti mjög vel og stóð mér nær þegar"Þráanum"var útbýtt.Ég bið guð að geyma ykkur öll um leið og ég kveð ykkur kært PS Og nú þýðir ekkert fyrir ykkur að rífa kja.. við mig því þá verðiði bara tekin í NEFIÐ eða þannig Sömu kveðjur sami maður
Ólafur Ragnarsson, þri. 10. feb. 2009
New day
Halló þið öll. Já, það er með nefið Óli minn, gott að þurfa ekki að vera með það niðri í öllu. En hvað með að gifta fólk,það er í góðu lagi verra er að dedda það svona nokkrum sinnum. Það gerði ég. Það var í mörg ár sem ég hafði frú Karitas sýslumannsfrú dauða, en þá var blessuð konan bráðlifandi Oft hlógum við að þessu frænkurnar R.Á. og G.M. en margt spjölluðum við frænkurnar og höfðum gaman af, sérstaklega ég og sakna þess mikið að hafa ekki spurt um margt fleira. En hvað um það, við reynum bara að vera skáldleg og ekki síst skemmtileg. Þorrablótið gekk vel hjá okkur, mikið etið úppppps. Svo hafði eitt barnabarnið keypt svakalega fína köku á kökubasar 9. bekkjar Grunnskólans og amma-Gunna sletti í eina bombu. Þetta var svakaleg súkkulaðibomba með marengs voða fínt, en þegar ég bar hana á borðið var súkkulaðið bara fljótandi. Fólkið mitt slengdi þessu samt í síg, en ég sagði þeim að þetta yrði örugglega betra á morgun !!!! sem og varð, var algjört djúsý á laugardaginn. Þetta minnir mig á jólabakstur fyrir X-mörgum árum. Þá kom mamma í Sölku til Guggu og hún var að baka. Mamma segir; á ekki að gefa manni að smakka? eitthvað var dræmt svarið hjá hinni, en hún svaraði: Jú,jú en þær eru alltaf betri daginn eftir!!!! Góðar systur!!!!! Og ekki var síðra að koma í afmælin eða saumaklúbbana til Röggu. Hún var alltaf að prófa eitthvað nýtt, svo það var alltaf tilhlökkun hjá þeim systrum og mágkonum að fara í klúbb í Klett. Ekki meira bull í bili Kveðja, Gunna Mæja
gm (Óskráður, IP-tala skráð), mán. 9. feb. 2009
New nose
Sæll og blessuð öllsömul."New Nose"aðgerðinni var frestað um viku.Ég sit því hér með mitt gamla nef.Vinir mínir í"Vogarkjaftaklúbbnum"(hópur sem safnast á hafnarviktina hér í Eyjum eftir mat.)vilja meina að ástæðan sé sú að ég hafi átt að fá gamla vodkanefið af Jelsin.En Putin hafi gripið í taumana og stoppað afhendingu nefsins þar til nánari upplýsingar um nefþiggandan lægju fyrir.En nú sé búið að ganga frá því.Ég þori ekki fyrir mitt litla líf inn á þessa svokallaða Facebook.Ég var einhvern fja.... að þvælast það um daginn og allt í einu stóð nafn vinkonu minnar og að hún væri NÚ gift.Þessi kona er búinn að vera gift frænda mínu til fleiri ára.Nú þori ég ekki að tala við þau ef ég hef gert einhvern áran,gift hana kannske bláókunnugum manni.Ja hvað veit maður þegar öll þessi tækni tröllríður öllu.Verið ávallt kært kvödd
Ólafur Ragnarsson, fim. 5. feb. 2009
Snjáldurbók
Já Snjáldurbók, er það svokölluð FACEBOOK? Ef svo er var ég eitthvað að fikta og stofnaði/fór inn á Andlitsbók, já,já ég átti að gera hitt og þetta, aðallega þó þetta. Svo fór ég útúr öllu saman og varð svo að láta leiðbeina mér inn aftur og viti menn ég var búin að eignast fullt af vinum!! Svona er nú tæknin merkileg. Næsta föstudag ætlum við fjölskyldan að koma saman og borða Þorramat UMMMMM. Segi frá því seinna. Sæa, ég hálf öfunda þig að vera bara heima,æ stundum langar mann til þess,þá er einhver lúi kominn í skrokkinn. Óli minn, vonandi gengur aðgerðin vel og að þú farir loksins að anda með réttum takti!! ég ætla að nota kveðju Óla, Verið kært kvödd. Ykkar Gunna Mæja
gm (Óskráður, IP-tala skráð), þri. 3. feb. 2009
OG SUMARIÐ.
Halló þið öll, alltaf er jafn gaman að heyra frá Gunnu M. og frá Caprí Norðursins hehe,eitthvað svo hressandi við þeirra skrif, þú talar um Gulldepluna Óli, ég gæti trúað að hún væri eitthvað svipað og ég hef alltaf pantað mér á matsölustöðum á Spáni,svona pínulítil sardína sem er djúpsteikt namminamm.Held að væri ekki vitlaust að matsölustaðir prófuðu það.Annars er allt gott frá okkur,er svona að venjast því að vera atvinnulaus,soldið skrítið samt,aldrei verið það áður,en vill til að nóg er að gera hjá Bjössa.En eins og Vallý hefði sagt "þetta fer einhvernvegin" Ekkert vol og væl,bráðum kemur sumar,,nógu líður tíminn hratt.En nú þarf maður að að fara að leggja drög að því að ná sér í nýja ýsu,hrogn og lifur,þú hnipptir í mann með það Óli.Mikið vildi ég hafa meiri kunnáttu á þetta apparat sem tölvan er,því ég get sagt ykkur að Hafnarfjallið skartar þvílíkri fegurð í dag,hefði viljað geta sett inn mynd.En ætli sé ekki komið nóg af þvaðri í bili.Gangi þér vel í aðgerðinni Óli. Lifið heil,,,Sæa
Sæa (Óskráður, IP-tala skráð), mið. 28. jan. 2009
--og vorið
Heil og sæl.Bara svona til að vera svolítið skáldlegur og bæta vip fyrirsögnina hennar Gunnu Mæju frænku.Héðan úr Caprí Norðursins er allt gott að frétta.Maður verður lítið var við"kreppuna"hér enda hér eru hlutirnir að gerast.Þá meina ég hér næg vinna fiskirí gott og ein tegundin að bætast í afurðarflóruna.Svokölluð"Gulldepla"þetta"kvikindi"er lítið stærra en hornsíli,Í þessum skrifuðum orðum var 1 gamall vinur,skipstjóri á bát að hringja dyrabjölluni,Hann var að færa"kallinum"glænýja ýsu hrogn og lifur.Nú til að sýnast maður með mönnum er maður komin með Snjáldurbók,En ekki er nú snillingurinn frændi ykkar klárari á Snjáldri en það að hann kann ekki að stækka stafina en sjónin er farinn að daprast sem svo margt annað,Þetta stafar kannske af því maður las aldrei smáa letrið hér áður fyrr svo maður mátti súpa seyðið af því(ásamt öðru sem maður saup).Nú er líka von um að Eyjólfur fari að hressast því að doktorarnir fyrir"sunnan" ætla að fara að krukka í nefið á honum,Það er sem sagt búinn að finna það út að"gæinn"er búinn að anda vitlaust í rúm 70 ár,Var nokkur furða á að maður skve... í sig öðru hverju.Læt þetta nægja geðheilsu ykkar í bili,Heyrumst eftir stjórnarskiptin,Verið ævinlega öll af mér kært kvödd.
Ólafur Ragnarsson, þri. 27. jan. 2009
Sólin
Nú er sólin farin að hækka á lofti, þvílík fegurð í gær. Það var eins og maður væri í ævintýralandi. Heima á Borgarbraut 34 (gamla heimilið mitt), þá kom sólin í svefnherbergisgluggann á efrihæðinni 8.feb. en húsið stóð svo innarlega í lóðinni, að hún náði ekki fyrr. Mamma sagði alltaf að hægt yrði að borða kvöldmatinn í björtu 19.febr. og það stóðst. Ekki veitir af að fá sólina núna á þessum tímum, sem eru ekki bjartir, en Dal-ættin kallar ekki aallt ömmu sína er ekki með neitt væl það þýðir ekkert, eins og eldra fólkið sagði; Ekki hafa áhyggjur af því sem þú veist ekki hvort verður. Nú lifum við bara fyrir hvern dag og þökkum fyrir hann. Hjá mér eru allir hressir og kátir, við höfum öll vinnu, nema Simbi, en það kemur eitthvað fyrir hann,já,já. Hann mætti bara vera duglegur og taka til fyrir kerlu sína, en það finnst honum leiðinlegt. Ég er þá ekkert að biðja um það. En svona smá fjölskyldusaga í lokin. Einn daginn kom ég við hjá Kiddó á leiðinni heim úr vinnunni og var því enn í vinnufötunum og með nafnspjaldið á mér, þá spyr Almar Orri (3ja ára);Amma hvað stendur þarna? Guðrún svarar amma. Hann horfir á mig og þegir,svo amma segir;Ég heiti Guðrún.Þá segir A.O. þú ert amma-Gunna, ef sú er Gurrún þá geturu ekki farið heim með afa. Kveðja, Gunna Mæja
gm (Óskráður, IP-tala skráð), mán. 26. jan. 2009
Gaman að heyra
Tek undir með Gylfa,gaman að heyra Gunna mín hvað hún Eyja er hress,Verð að játa að ég skammast mín alveg niður í tær fyrir okkar hönd hvað maður er lélegur að bregða sér smástund í heimsókn (Bjössi samt nýbúinn að hitta hana).Svo allt í einu er það orðið of seint.En eins og ein gömul sagði við Bjössa einu sinni "ég vildi gjarnan að þú kæmir í heimsókn meðan ég er hérna megin,í jarðarförina þarftu ekkert að mæta" svo mörg voru þau orð. Kveðja Sæa.
Sæa (Óskráður, IP-tala skráð), fim. 8. jan. 2009
Gleðilegt ár. 2009
Gleðilegt ár og takk fyrir öll gömlu árin. Mikið er gaman að heyra hvað Eyja frænka er hress og minnug, ég veit að ég tala fyrir hönd ættingjanna að fáir hafa glatt okkur meira en hún, ég vil því biðja þig Gunna mín um að skila bestu kveðjum, knúsi og kossum frá okkur öllum. Kveðja Jóhannes Gylfi.
Jóhannes Gylfi Jóhannsson, mið. 7. jan. 2009
2009
Gleðilegt ár og þakka gömlu góðu árin. Í gær heimsótti ég Eyju frænku, og hún bað big að skila kveðju til alls frændfólksins með þakklæti fyrir allar góðar stundir. Eyja er alveg ótrúlega hress og gaman að spjalla við hana og vill vita um allt sitt frændfólk og vini. Hún bæði les og gerir handavinnu, ýmist saumar krosssaum eða prjónar. Við lestur notar hún gleraugu (með stækkunargleri) hefur aldrei fengið gleraugu frá augnlækni (hennar sögn) en notar ekki gleraugun við handavinnuna. Þetta er alveg ótrúlegt, en hún verður 98 ára 13.júní. Og allt sem hún man, það er svo skemmtilegt. Það er verulega mannbætandi að heimsækja Eyju. Hún er algjör Pollýanna, sér alltaf björtu hliðarnar á öllu. Ef allir væru eins og Eyja, væri heimurinn góður. Mig langaði bara að deila þessu með ykkur. Hittumst sem oftast og einnig hér á síðunni. Kveðja, Gunna Mæja
gm (Óskráður, IP-tala skráð), mán. 5. jan. 2009
Gleðileg jól
Gleðileg jól og farsælt nýtt ár,hafið það sem best um jólin og sjáumst vonandi sem flest hress á nýju ári.kær kveðja Ransy
Ransy (Óskráður, IP-tala skráð), mán. 29. des. 2008
Jóla og nýárskveðja.
Okkar allra bestu óskir um "GLEÐILEG JÓL" og farsæld á nýju ári til ykkar kæra frændfólk og vinir,þökkum góðar stundir í sumar.Hittumst heil. Jólakveðja, Bjössi og Sæa.
sæa (Óskráður, IP-tala skráð), þri. 23. des. 2008
Jól Jóla
Senn líður að Jólum, yndislegur tími, gott að borða og vera með fjölskyldunni. Héðan og að austan sendum við ég og mín fjölskylda ykkur öllum bestu óskir um gleðiríka hátíð og gæfuríks komandi árs með þökkum fyrir góðar samverustundir. Gunna Mæja og co.
gm (Óskráður, IP-tala skráð), þri. 23. des. 2008
Jólakveðja
Hamingjan gefi þér gleðileg jól, gleðji og vermi þig, miðsvetrarsól, brosi þér himinn, heiður og blár og hlýlegt þér verði hið komandi ár Bestu jóla- nýársóskir til ykkar allra, kem vonandi á næsta ættarmót! Valgý og fjölskylda í Noregi.
Valgý (Óskráður, IP-tala skráð), fös. 19. des. 2008
Dálítið penna
Læknirinn: Fórstu eftir því sem ég skrifaði á lyfseðilinn um daginn Jón Jón: Nei!!! Læknirinn: Af hverju ekki?? Jón:þá væri ég dauður Læknirinn: Hvað meinar þú?? Jón:það flaug út um gluggan á 7undu hæð
Ólafur Ragnarsson, mán. 1. des. 2008
Að hugsa rökrétt
Tvær konur fóru á árhátiðina án manna sinna.Þegar þær voru á heimleið á eftir var þeim báðum"brátt í brók"Þær skelltu sér ínn í kirkjugarð sem á leið þeirra var og gerðu þarfir sína.Önnur notaði buxurnar á efti en hin fann einhverskonar slaufu sem hún fann á kransi.Daginn eftir hittust menn þeirra og annar sagði það er nú meiri andsk..... að senda konuna svona eina á árshátíðina.Hún kom nú bara buxnalaus heim.Það er nú ekki mikið sagði hinn:"mín kom nú heim með miða upp í vissum stað sem á stóð"Þökkum kærlega fyrir allt.Strákarnir úr vinnunni!!!!"
Ólafur Ragnarsson, mán. 1. des. 2008
Þessi er góður.
Já hugurinn er samur við sig, fljótur að hugsa sá gamli.Kv. JGJ
Jóhannes Gylfi Jóhannsson, lau. 29. nóv. 2008
haha.
HAHAHAHAha, góður boðskapur, maður verður að bjarga sér. Kv. Sæa.
Sæa (Óskráður, IP-tala skráð), mið. 26. nóv. 2008
Ha,ha,ha,haaaaa
Ja hérna svona er að fara ekki á síðuna daglega og þá er bara fullt í gangi!! Ein góð sem ég fékk í morgun: Gamall maður hafði komið sér vel fyrir á landareign sinni. Á jörðinni var stór tjörn og umhverfis hana var svolítill skógur. Dag einn ákvað sá gamli að fara niður að tjörninni og tók með sér stóra fötu í því skyni að tína nokkra ávexti á leiðinni. Þegar hann nálgaðist tjörnina, heyrði hann hlátur og gleðiköll. Gamli maðurinn áttaði sig á því að þarna voru ungar konur að baða sig naktar í tjörninni. Hann hóstaði svo stúlkurnar gætu áttað sig á nærveru hans. Þær syntu lengra út í tjörnina, hvar hún var dýpst til að skýla sér. Ein kvennana hrópaði til hans:"Við komum ekki uppúr fyrr en þú ert farinn!" Það er allt í lagi: Ég kom ekki hingað til að horfa á ykkur naktar eða til að reka ykkur uppúr,sagði gamli maðurinn. "Ég kom til að gefa kókódílnum að éta!" Boðskapur sögunnar: Þó gamlir menn hreyfi sig hægt, þá eru þeir snöggir að hugsa. Gott í bili. Kveðja, Gunna Mæja
GM (Óskráður, IP-tala skráð), mið. 26. nóv. 2008
SVONA FULLORÐINS,haha
JÚhú,mér að minsta kosti finnst að það megi alveg vera "sona fullorðins" Svo var það gamla konan sem gekk niður götu með tvo ruslapoka. Löggan stóð þar rétt hjá og tók eftir gati á öðrum pokanum sem 5000 kr.fuku úr öðru hvoru. Löggunni fannst þetta dularfullt og gekk að konunni "Góðan daginn frú mín sagði hann" hefur þú tekið eftir því að það eru 5000 kr.fjúkandi ú pokanum þínum? Konan lítur til baka og sér seðlana á víð og dreif um götuna. "Æ þakka þér góði minn" og dreif sig að týna þá upp. Engan asa góða mín sagði löggan, hvernig stendur á því að þú ert með fullan ruslapðka af 5000 kr.seðlum? Varstu að ræna banka?? Gamla konan brosti,,Nei það gerði ég nú ekki. En það vill svo til að bak við garðinn minn er fótboltavöllur,og alltaf þegar stórleikir eru koma mjög oft ungir menn og míga í blómabeðin hjá mér, svo ég tók upp á því að standa þarna með GARÐKLIPPURNAR og segja 5000 kr.eða ég klippi HANN af.!! Jahá sagði löggan. En hvað er í hinum pokanum?? "Það eru ekki allir sem borga" Lifið heil, kv. Sæa.
Sæa (Óskráður, IP-tala skráð), fim. 13. nóv. 2008
Saga af sjónum
Sæl aftur og enn.hér er ein af sjónum.Þekktur trillukarl héðan úr Eyjum fór stundum á lúðulínu á haustin og fór með aflan til Þorlákshafnar þar sem hann seldi hann beint til fisksala í Reykjavík.Þetta kallaði hann að fara í"siglingu"Yfirleitt fór karl sjálfur til Reykjavíkur til að fá fiskinn borgaðan.Kom hann yfirleitt þá við í"ríkinu"Einusinni kfer kall aðeins yfir strikið og strandar trilluni einhverstaðar A frá"höfninni"Yfirleitt voru talstövar þessara littlu báta frammí lúkar.Nú þegar kall vaknar við vondan draum strandaður fer hann að líta í king um sig.Sér hann þá togaran Vestmannaey utar á sjónum.Fer kall nú í talstöðina og kallar.Halló Vestmannaey þetta er já sleppum því.Heyrirðu til mín.Vestmannaey svarar kallinu.Þá segir kall þeim sínar farir ekki sléttar og hvort þeir geti gefið sér spotta og kippt í sig.Þeir svara og töldu .að mögulegt,En hvar ertu spyrja Þeir þá.Meintu hvar á sjónum hann væri.Þá svarar kall:"Ja ég,ja ég er sko hérna framí lúkar vinur!!!!Kært kvödd
Ólafur Ragnarsson, fim. 13. nóv. 2008
Óli R
Bara svo að það valdi ekki neinum misskilningi og að neðanskráður"krói"sé rétt feðraður,Þá var það undirritaður sem skrifaði hann.Ég var búinn að skrifa þegar ég"fattaði"að ég var ekki innskráður.Svona ja hálfgert Bjarna Harðar klúður.Kært kvödd
Ólafur Ragnarsson, fim. 13. nóv. 2008
Á rjúpnaveiðum
Góður þessi Sæa.En maður má kannske ekki setja svona"fullorðinssögur"inn á svona"kúltiveraða"síðu.En henni verður þá bara hent út.En hjón fyrir"vestan"voru bæði með veiðidellu og veiddu fisk fugl og allt sem leifilegt er að veiða.Þau áttu forlára húsbíl sem þau notuðu mikið til þess arna,Eitt sinn um hávetur fara þau til rjúpna á bílnum,Eftir erfiðan dag og sæmilega veiði hjúfruðu þau sig hvort að öðru undir hlýrri sænginni,Tautar þá konan eitthvað.Við það rýkur maðurinn alsnakinn eins og hann kom úr móðurkviði þrýfur byssuna og út í hríðarkófið sem var.Kemur svo stuttu seinna og segir önugur:"það var engin andsk..... rjúpa á þakinu.Skelfing ertu farinn að heyra illa góði sagði þá konan.Ég spurði hvort ég ætti að krjúpa eða vera á bakinu.Kært kvödd
olir (Óskráður, IP-tala skráð), fim. 13. nóv. 2008
hahaha
Góður Óli!!! Og svo var það verðbréfadrengurinn sem var spurður hvernig hann svæfi þessa dagana "alveg eins og ungabarn" svaraði hann, og þegar hann var spurður hvað hann meinti, "jú ég vakna svona á klukkutíma fresti grátandi og búinn að pissa í rúmið" Kveðja Sæa.
Sæa (Óskráður, IP-tala skráð), mið. 12. nóv. 2008
Fyrir fullorna
Hverskonar þögn er þetta eiginlega.Engar sögur í kreppunni.Nú þá er að"hrista"upp í liðinu.Þessi saga hefur ekkert að gera með neinn úr ættinni(vona ég???) og er bara ætluð fulllornum.Eldra par kom til læknisins og bað um að fá hann til að athuga hvort það væri ekki allt í lagi með hvernig þau"gerðu það"já þið vitið.Læknirinn tók vel í það og sagði á eftir að þau gerðu þetta alvel eftir bókinni.þegar þau höfðu komið í sömu erindgerðum nokkrum sinnu varð læknirinn forvitinn og spurði hvað eiginlega hengi eiginlega á spítunni.Ja það er nú þannig sagði maðurinn feimnislega."við erum gift en ekki hvort öðru.Hótelherbergi kostar 9-10 þúsund.En þú tekur bara 2 þúsund svo svo borgar Tryggingarstofnun minnst helminginn,Já það er víst kreppa á Íslandi.Kært kvödd
Ólafur Ragnarsson, mið. 12. nóv. 2008
Bara hæ
Hæ,hæ, einhverju sinni voru þeir að spjalla saman Manni Sig.og tengdapabbi hans, og eitthvað hefur Manna fundist það fjarstæðukennt sem sá gamli var að segja,svo hann spyr hann hvar hann hafi heyrt þessa vitleysu "nú hann sagði mér þetta drengurinn á ruslabílnum og ég hf enga ástæðu til að rengja hann" (Steina Jóru) Lifið heil kv. Sæa.
Sæa (Óskráður, IP-tala skráð), mán. 3. nóv. 2008
Meira af Valbjörgu
Sæl og blessuð.Sanleiksgildi þessarar sögu ábyrgist ég ekki frekar en annara sagna af þessari mætu konu.En einhverntíma átti Bogi að hafa byrjað að læra á bíl hjá Sigga Jóns pabba Hildar.Svo var Valbjörg að segja frá hvernig gekk:"Þið ættuð að vita hver Bogi er orðin klár að keyra.Þeir ÆTLUÐU upp að Valbjarnarvöllum í gærkveldi hann og Siggi,og Bogi náði öllum beyjunum nema einni!!!!!
Ólafur Ragnarsson, mán. 3. nóv. 2008
Gaman,gaman
Enn hvað er gaman á síðunni okkar. Valbjargarsögurnar eru ansi margar. Hugsið ykkur þessa konu, vann öll haust í sláturhúsinu. Alltaf fór hún heim í hádeginu til að gefa körlunum að borða og svo aftur út í sláturhús, í Brákarey. Henni þótti líka afskaplega gaman að spila og ekki skipti þá máli hvort var að morgni til eða síðkla kvölds. Einhverju sinni fyrir hádegi fór hún að spila, en var áður búin að setja fisk í pott. Þegar heim var komið, var fiskurinn brunninn í pottinum. Þá átti mín kona að hafa farið niður í fjöru,sturtað úr pottinum og sagt svo heima að hann (fiskurinn) hafi viljað fara til fyrri heimkynna. Svo var enginn vandi að rata til hennar Rósu systur (bjó í Kaupmannahöfn) hún á heima rétt hjá kirkjunni á horninu. Einhverju sinni var okakr kona í veislu og sagði frá; þetta var voðalega fín veisla með allavega litum grænum baunum (átti þá við gulrætur og grænar baunir). Það þyrfti endilega að koma "Valbjargarsögunum" á prent svo þær gleymist ekki. Imba Hargrave er hafsjór af þessum sögum. Þegar Kristófer á Hamri var jarðaður, þá átti Leifur bróðir þeirra ekki spariföt. En það var ráð við því;"Hann var bara í fötum af líkinu". Gaman að ryfja upp þetta gamla. Heyrumst síðar, kær kveðja, Gunna Mæja
GM (Óskráður, IP-tala skráð), mán. 3. nóv. 2008
Meira af sögum!!!!
Já það var d.skoti langt að bera út blöðin alla leið upp fyrir Bachmann,bar út Tímann smá tíma fyrir Jón Guðmundss. (HÉRÍ)Munum eftir Tobba, eins á Valbjörg að hafa sagt einhverntíma þegar hún var að vaska upp leirtauið og fann ekkert viskustk. en greip þá nærbol af Boga "þetta er allt í lagi,það er allt hreint sem gengur oní buxurnar" Lifið heil, Kv. Sæa.
Sæa (Óskráður, IP-tala skráð), sun. 2. nóv. 2008
sæl að vanda.
Já það skeði margt í"Nesin"Einu sinn á Valbjörg að hafa sagt um Þorbjörn son sinn(þorbjörn er dáinn ekki fyrir svo mjög löngu.)En Tobbi eins og hann var kallaður var þá stýrimaður á Laxfossin"þið ættuð að vita hve hann Tobbi minn er orðin klár hann getur farið inn Borgarfjörðinn í myrkri bara ef hannn hefur smákertisstúf til að sjá á stýrið".Já Gylfi,lentir þú í Moggaburðinum hjá afa og Bessý.Ég var einn þegar ég byrjaði og bar út í allt þorpið.Síðan kom Gísli Sumarliða minn kæri æskufélagi tók við öðrum hlutanum en tók hann svo allan þegar ég hætti:Allavega minnir mig það,Verið öll kært kvödd
Ólafur Ragnarsson, sun. 2. nóv. 2008
Margar minningar.
Heil og sæl. Það koma upp margar minningar úr nesinu þegar maður sér alla þessa minnispunkta frá ykkur. Ég man vel eftir flestu þessu fólki þar á meðal Gyðu frá Kárastöðum sem var vinnukona og barnapía heima í Klett, hana hitti ég af og til í Bónus þegar við erum að versla, en hún er flutt frá Eyjum þar sem hún bjó lengi.Já það þurfti ekki bíla til að komast milli húsa í þá daga eða fara í skólann. Þó var dálítið langt að fara með dagblöðin t.d. til Jóns Þorsteinssonar og í Bachmannshúsið. Já dragið fram fleyri svona sögur það lífgar upp á tilveruna. Bestu kveðjur. JGJ.
Jóhannes Gylfi Jóhannsson, sun. 2. nóv. 2008
Margs að minnast
Komið heil og sæl!! Já það þótti ekker tiltökumál hér áður fyrr þó það þyrfti að ganga spottakorn í skólann,enda ekki einn og tveir bílar á heimili eins og nú,aldrei var bíll á mínu heimili,held þó að Jón Pétursson hafi haft bílpróf.Bjössi heldur sig muna að Gyða sem var á Kárastöðum hafi verið einhvernskonar heimilishjálp hjá þeim í Klett (manst þú þetta Gylfi) Soffíu þekkjum við öll hér í bæ, en sakna "steina Jóru" hann var mikill sögumaður (sagði við hann skömmu áður en hann dó,að hann yrði að koma sögunum sínum á disk eða spólu)hann kom stundum í kaffisopa hjá okkur stelpunum í Hyrnutorgi og sagði sögur ,þá var glatt á hjalla og mikið hlegið.Við áttum marga mjög skemmtilega karektera,einhvernvegin finnst manni fólk ekki eins skemmtilegt og sérstakt í dag.Samt finnst mér alltaf jafn skemmtileg sagan af Pétri Júl.þegar hann var að keyra skítinn (í garðana) og maðurinn spurði hvort hann væri að koma með skít til sín "Nei ég er með Manna skít" svaraði Pétur. (Til Manna Sig) Og að maður tali nú ekki um allar sögurnar af Vallý (Valbjörgu) þær eru óteljandi,ein er þegar hún bað konu eina fyrir pakka til Danmerkur,hún vissi ekkert heimilisfang en sagði "hún á heima rétt hjá kirkjunni" og svo auðvitað þegar hún sagði þegar hún keyrði fram hjá kirkjugarðinum "Hér eigum við nú eftir lenda Gunna systir ef okkur endist líf og heilsa" Látið í ykkur heyra, Lifið heil, kv. Sæa.
Sæa (Óskráður, IP-tala skráð), lau. 1. nóv. 2008
Heil og sæl
Já það er margs að minnast úr Borgarnesi.Ég var að hugsa um daginn um krakkana frá Einarsnesi.Bjargi og Kárastöðum sem stunduðu skólann í Borgarnesi.Þurfa að ganga alla þessa leið í skóla.Þórarinn frá Einarsnesi sótti skóla í Borgarnesi man ég var.Um tíma voru 3 unglingar á Kárastöðum héðan úr Eyjum.Soffía sem var gift Steina Jóru frændi hennar Jón sem var nokkrum árum eldri.Soffa og Jón voru systrabörn(þó ekki systkin)konu Alberts.Gyða sem var líka héðan úr Eyjum var á Kárastöðum en ég held að hún hafi verið skyld Albert.Einnig man ég eftir skósmið sem vann hjá Stebba skó en hafði húsnæði á Kárastöðum.Ég man eftir strák sem var á svipuðum aldri og ég sem hét að mig minnir Eyjólfur og var sonur þessa skósmiðs.Elstu Klettbræðurnir muna kannske eftir þessum krökkum(fólki)???Þarna undanskil ég náttúrlega Soffu.Ég var svo mikið"Uffrá"hjá Jóni og Ellu sem ég kallaði afa og ömmu.Þá var maður oft samferða þessum krökkum"uppeftir"Já túnið hefur sennilega verið kallað Ólatú.En eftirnafnið Þórðar hefur eitthvað breynglast í minningunni.Kannske áhrif frá Guggu frænku
Ólafur Ragnarsson, fös. 31. okt. 2008
Heil og sæl
Jú Sæa, Böðvarsgatan er á Ólatúni. Svo var tún/brekka aftan við gamla íþróttavöllinn (þar sem Menntaskólinn er núna)Ég man eftir að Nonni í Litla-Dal var þar allavega bakvið holtið þar sem Framköllunarþjónustan er.Óli Klemm.og Siggi Gúmm voru þarna einhversstaðar líka allavega voru stór tún kringum þeirra hús. Já það var ansi langt að fara á berjamó upp að Hrafnakletti. Það var bara dagsferð með nesti. við vorum líka með kartöflugarð á tanganum þar sem Kveldúlfsgatan er núna. Þá keypti mamma smjörköku í bakaríinu.Ohhh hvað maður hlakkaði alltaf til að setjast upp í holt og fá köku og mjólk í flösku. Það var nánast aldrei keypt neitt úr bakaríinu, allt brauð bakað heima,en á bolludaginn fékk maður að kaupa eina bollu, en mamma bakaði oft pönnukökur á bolludaginn og hafði þá rjóma líka.Gott í bili. Kveðja, Gunna Mæja
GM (Óskráður, IP-tala skráð), fös. 31. okt. 2008
Bara kveðja
Margar sögurnar hef ég heyrt um hænsnin í Dalnum,þar á meðal þessar sem Gunna M.var að segja frá.Þeim Klettsbræðrum þótti óskaplega gaman og spennandi að hlaupa fram hjá hænsnakofanum hennar ömmu þegar sérstaklega ein hænan var með unga,því hún var svo grimm,hún stökk alltaf út þegar einhver átti leið framhjá,og auðvitað var gert í því að hrekkja og þótti svaka spennandi.Ég var að skoða samskipti Gunnu Mæju og Óla í hans bloggi, hverjum hefði dottið í hug hérna áður að það yrði byggt uppi í Bjargslandi hvað þá uppi á gömlu öskuhaugum. Man þegar maður fó í kartöflugarðana inn á tanga þá var farið með nesti því það var svo langt.En Gunna var ekki Óla tún þar sem Böðvarsgatan er núna,en Óli klem. og Siggi Gúmm. þar sem Daníels hús er og Aggi. Sjálfsagt væri endalaust hægt að týna til afrekasögur af þessarri ætt,minn karl minnist þess að þeir bræður hafi verið heldur betur montnir þegar Valdi frændi valdi Ásmund elsta bróðirinn í reipitog á 17 júní og þeir unnu.Sjálfsagt á fleira eftir að koma upp í hugann.Já Óli margar góðar hefur maður heyrt eftir Júlíus frá Hítarnesi,Þetta hefur verið flott hjá þér og Valda hehe. Gott í bili, lifið heil Sæa.
Sæa (Óskráður, IP-tala skráð), mið. 29. okt. 2008
Afrek
Já,já, auðvitað eigum við afreksmenn, hvað annað í svona stórri ætt. En endilega meira af sögum ef þið hafið, það er svo gaman að hafa eiððhvað skemmtilegt,t.d. ryfja upp eitthvað gamalt. Margt gerðist í Dalnum, t.d. þegar Magga frænka var að stúta hænunum sínum og þær flugu hauslausar niður alla brekkuna og eins þegar amma var að stúta sínum, þá flugu þær hauslausar langt niður á Bæjar-Jóns tún. Þetta þótti okkur krökkunum mjög skemmtilegt. En enginn mátti vera viðstaddur athafnirnar, við bara stóðum uppi á hlaði. Nú er brekkan hjá Litla-Dal notuð sem sleðabrekka hér í bæ og er vel notuð þegar snjór er. Nóg í bili. Kveðja, Gunna Mæja
GM (Óskráður, IP-tala skráð), mið. 29. okt. 2008
Áfram áfram.
Þetta er lagið, nú er allt komið af stað og þá verða allir ánægðir. Já Óli þú færð senda skrá frá mér, en við byrjum þá á Ásmundi Jónssyni afa í Dal, síðan bara eins og þú vilt.Nóg í bili. JGJ.
Jóhannes Gylfi Jóhannsson, þri. 28. okt. 2008
Íþróttir m.m,
Sæl öll.Ég var að tíunda"afrek"mín í lífinu í útvarpinu um daginn.En af meðfæddri hlédrægni sagði ég ekkert af íþróttaafrekum mínum nema kannske af vissri tegund af"lyftingum"Það er að segja af öðrum íþróttaafrekum að rétt uppúr 1950 ég man það ekki alveg hvaða ár tók ég þátt í 1500 m hlaupi 17 júni.Kannske sama dag og ég sá Gunnu Mæju frænku í búningnum góða veifandi íslenska fánanum.Í þessu fræga hlaupi tóku 3 afreksmenn þátt.Þ.e.a.s Valdimar frændi vor Ásmundsson Birgir Björnsson og undirritaður.Valdi vann hlaupið og ég varð annar en Birgir gafst up.Ég varð að vísu 1 eða 2 hringum á eftir Valda.En sem sagt gull og silfur innan Dalsættarinnar.Þegar þetta gerðist var Ragnar Jónsson láta byggja hæðina ofan á hús pabba síns Jóns Þorsteinssonar.Júlíus í Hítarnesi var yfirsmiður.Um fyrrgreint íþróttaafrek mitt kvað Júlíus:"Ólaf frægan muna má/metin vill hann hreppa/Alltaf fyrstur aftan frá/ef hann er að keppa./"Um smiðshæfileika mína hafði Júíus þetta að segja"Allir þekkja þennan smið/þegar nagli er sleginn/Rekur hann alltaf utanvið/öðruhvoru megin"/Verið öll kært kvödd af fv silfurmedalíuhafa
Ólafur Ragnarsson, mán. 27. okt. 2008
Fjöruga ætt
Já, hér er heldur betur að lifna við. Og Óli þakka fyrir útvarpsþættina. Þú ert einmitt maðurinn, sem á að láta skrá æfisögu sína. "SKORA Á ÞIG" ég veit að svo verður um fleiri. Krakkar skorið á hann. Ég veit að þú hefur frá svo skemmtilegu að segja, og ekki sakar að fá sögur hingað á síðuna. Auðvitað muna allir eftir töktunum í afa með sígarettuna og þegar amma var að bera til hans vaskafatið með volgu vatni svo hann gæti rakað sig. Hann sat alltaf við endann á borðstofuborðinu, það var hans sæti. Svo góndi maður á hann því hann geiflaði sig svo skemmtilega og enn meira af því við vorum að horfa á hann. Svo sagði hann þegar rakstrinum lauk; Jóna mín, nú má taka vaskafatið, alltaf var amma í þjónustuhlutverkinu. Áfram með síðuna. Kveðja, Gunna Mæja
GM (Óskráður, IP-tala skráð), mán. 27. okt. 2008
Ásmundur Jóhannsson (Ási í Klett)
Endilaga haldið síðunni gangandi !! Ég kíki stundum á síðuna, og hef gaman af þegar "gamlir" frændur og vinir láta í sér heyra. Bestu kveðjur. Ási.
Ásmundur Jóhannsson (Óskráður, IP-tala skráð), mán. 27. okt. 2008
Sæll Gylfi frændi og SÆUNN!!!!
Sæl verið þið!Ég þakka gott boð Gylfi.Ég vildi gjarnan fá senda þessa skrá.Ég var ekki búin að kíkja hingað í gestabókina er ég setti mitt"fólk"inn á athugasemd hjá dóttir þinni.Rafpóstur minn er:oliragg@simnet.is,Sæa mín ég held að gleraugnavandræði séu ættgeng í þessari ætt.Hve oft hef ég ekki leitað að gleraugunum með þau uppi á hausnum.En ein spurning til þeirra eldri munið eftir hvernig Ásmundur afi velti Comander síkarettunum á milli munnvikanna án þess að taka þær út úr sér.Svo smá saga af Bjössa frænda:Þegar Eimskip keypti 1sta Ljósafossinn af Hollendingum var Bjössi þar í áhöfn.Heljar blóm var í klefa hans er hann kom um borð.Blómið dafnaði vel og blómstraði meðan Bjössi var um borð.En svo hætti Bjössi á skipinu og blómið dó.Og enginn skildi neitt í neinu fyrr en það kost upp að þegar Bjössi fékk sér öllara svetti hann alltaf smá gusu á blómið.Hann var búin að gera blómið að "alka"eða þannig.Verið ávallt kært kvödd
Ólafur Ragnarsson, sun. 26. okt. 2008
Ættarskrá
Ég á auðvelt með að senda ættarskrána sem viðhengi á email ef einhver hefur áhuga, og þá er hægt að sundurliða skrána t.d. afkomendur Ásmundar í Dal eða Dísu í Litla-Dal og svo framvegis. Þetta kom upp í hugann ef einhver skildi hafa áhuga. Kveðja Jóhannes Gylfi.
Jóhannes Gylfi Jóhannsson, sun. 26. okt. 2008
BARA GAMAN
Já,Já,svona á þetta að vera,þetta er BARA gaman.ER sammála þér Gylfi hér fyrir neðan,en fleiri mættu taka þátt,HVAR eruð þið öll?? Og heyrðu mig Sigurbjörn Ólafur Seiðfjörð Ragnarsson (ekki rétt)þú sagðir í commenti til Laugu hérna á forsíðunni að það boðaði ekki gott ef kallað væri ÓLAFUR,sama segi ég,ef minn ektamaki (af Dalættinni hehe) kallar SÆUNN þá er einna víst að það er stormur og asa bræla að nálgast landið. Mér líst líka vel á að fá einhverskonar ættarstand inn á síðuna.Verð þó að játa að það er ekki okkar sterka hlið,hefði kannski átt að hlusta betur á tengdó því hún var á kafi í þessu ættarstandi,en það er eins og það er maður sér hlutina oftast of seint. Má til að segja ykkur að minn ektamaki var að djobba eitthvað sem hann þurfti að hafa sjón til,en sá ekki neitt,tók niður gleraugun og nuddaði augun,setti þau upp aftur en sama sagan,endurtekið,en sama sagan,svo hann hugsaði með sér að líklega væru brillurnar skítugar og þyrfti að þrífa,þá vantaði annað glerið he he eru þetta nokkuð ellimörk. En látum duga í bili.Lifið heil og látið í ykkur heyra, Kveðja, SÆA
Sæa (Óskráður, IP-tala skráð), sun. 26. okt. 2008
Já meira í bloggið.
Það er gaman að sjá alltaf er hreyfing hjá okkur á dala.blog. og mér til mikillar ánægju er minn vinur og frændi Óli Ragg kominn í hópinn, þar er penni í lagi get ég sagt ykkur sem ekki vitið nú þegar,Bestu kveðjur. Jóhannes Gylfi.
Sigurlaug Björk Jóhannesdóttir, sun. 26. okt. 2008
Þakka ykkur
Sæl"Krakkar"!!!!Ég þakka ykkur hlý orð til mín.Ævisagan kemmur sennilega ekki.Allavega ekki á næstunni.Það hafa fáir held ég,áhuga á svona gömlum kalli.Hugsið ykkur ég man eftir þegar var verið að taka myndir Ragnari Birni sennilega 1 árs.????? ásamt þeim bræðrum og mér á steinhrúgu sem var fyrir neðan"Klett"Einnig man ég eftir Gunnu Mæju nokkrum árum seinna í íslenskum búningi flaggandi íslenska fánanum.En svo er það ekki furða Sæunn mín að ég muni mikið eftir þér svona ungri.Þú hefur verið að koma í þennan í þennan heim um það leiti sem ég kom aftur í Borgarnes seinnipart sumars 1945 og inn í ættina töluvert seinna.En ég minnist þín sem ungri telpu þegar ég var að syngja min síðustu vers í Borgarnesi.Ég sá mikið eftir að koma ekki á ættarmótið í sumar.En leti kerling og slæmt veðurútlit spiluðu inn í það mál.Verið ávallt kært kvödd
Ólafur Ragnarsson, lau. 25. okt. 2008
Smákveðja
Heil og sæl öll sömul. Mikið þykir mér gaman að þú skulir vera komin inn á síðuna Óli,þá færist kannski soldið líf í þetta,má alls ekki deyja út. Er sammála þér Gunna Mæja,furðulegt að fólk skuli ekki sakna fatanna af börnunum sínum,það er ekki kreppa þar.Já það er alveg ótrúlegt hvað tíminn líður hratt,ÞAÐ ERU NÝBÚIN AÐ VERA JÓL,það tekur því ekki orðið að taka niður þetta litla skraut sem maður nennir að pota upp.HEI ættingjar!! við hér vorum að hlusta á síðasta þáttinn af þremur KVÖLDGESTUM hjá Jónasi á rás 1.þar er Ólafur Ragnarsson búinn að vera í spjalli,mjög skemmtilegt,þú hefur góðan húmor Óli.HVENÆR KEMUR ÆVISAGAN ÚT????.Mátt til að koma þessu öllu á blað HA.Annars allt gott héðan úr NESINU,lítið spáð í kreppuhjal. Lifið heil og látið í ykkur heyra. Kveðja Sæa og Bjössi.
Sæa (Óskráður, IP-tala skráð), lau. 25. okt. 2008
Bg-kveðja
Heil og sæl öll Þá er nú vetur konungur farinn að minna á sig, en einkennilega hér mígandi rigning eða snjókoma. Við sluppum alveg við rokið í gær sem betur fer. Annars bara allt gott. Ég er sammála Óla að nýta tæknina og "blogga" okkur saman. Lauga viltu setja smá orðsendingu á forsíðuna varðandi úlpuna sem ég vil endilega koma til skila (sjá skilaboð frá mér hér aðeins neðar á síðunni). Ég vil helst ekki þurfa að henda þessari ágætu flík eða gefa hana til RKÍ. Ótrúlegt hvað tíminn líður hratt. Það eru aðeins 9 vikur til jóla, svo nú þarf að fara að bretta upp ermarnar og gera eitthvað. Allavega verð ég ekki með neitt hreingerningarbrjálæði eins og hér áður fyrr, maður bara strýkur svona efsta lagið, bakar nokkrar smákökur, kveikir á kertum, bara gott.Það á ekki að vera neitt vesen. Lítum björtum augum til framtíðar, verum alltaf jafn fersk og skemmtileg eins og Dal-fólki einu er lagið. Njótið lífsins og tilverunnar. Gunna Mæja
GM (Óskráður, IP-tala skráð), fös. 24. okt. 2008
Afskiftasemi
Heil og sæl aftur.Bara svona af meðfæddri afskiftasemi Meyjunnar(24/8-22/9) vildi ég benda á að það er bara 1 y í orðinu systkinanna.Ávallt kært kvödd
Ólafur Ragnarsson, mán. 20. okt. 2008
Sælt veri fólkið
Ég þakka fyrir stórgóða síðu og skemmtilegar myndir.Ég tek undir með Jóhanni Már um ættartal.Hérna mætti líka stofna gafl fyrir smáspjall og fréttir af ættingum.Ég verð að segja fyrir mig að ég þekki ekki brot af ættingum mínum af þessari grein.Hafnfirðingar fengu nafnið"Gaflarar"út af því að þeir söfnuðust undir húsgaflana og spáðu í veðrið og tilveruna.Hvernig væri að við notuðum tæknina í að"gafla"okkur saman.Verið ávallt kært kvödd
Ólafur Ragnarsson, sun. 19. okt. 2008
Halló
Hæ, þið öll. Þessi síða VERÐUR að lifa, en það er undir okkur öllum komið að nýta hana. Ég tek undir með Má, að setja ættartré/tal hér inná það yrði mjög gaman. Halló Gylfi Þú ætlaðir að senda mér til gamans ættarskrána.Netfangið er sigunna@simnet.is Alltaf gaman að fylgjast með sínu fólki. Tek líka undir með Sif, nöfn þurfa að fylgja myndunum Kveð að sinni, Gunna Mæja
GM (Óskráður, IP-tala skráð), mið. 8. okt. 2008
Hæ hó
HÆ! Ég er líka alltaf að bíða eftir að myndirnar sem að ég sendi færu inná þessa síðu. Er ekki pláss fyrir fleiri myndir?? Það væri nú alveg gaman að halda þessari síðu gangandi, geta farið hérna inn og fengið fréttir af fjölskyldu meðlimum og svona... Mér finnst líka vanta svolitið meiri upplýsingar um fólkið á myndunum, ég er alveg útúr kúi, veit ekkert hver er hvað. En það hafa auðvitað allir nóg að gera og eru kannski ekki með tíma til að sinna þessari síðu, það væri voða súrt ef hún dytti upp fyrir. Kærar kveðjur annars frá mér og mínum í Victoriu, Kanada.
Sif Ásmundsdóttir (Óskráður, IP-tala skráð), mið. 1. okt. 2008
Ættartal á netið?
Já sæl öll og takk fyrir skemmtilegt ættarmót, ég var að hugsa (sjaldgjæft??) hvort ekki væri rétt að setja ættartal Dalættar inn inn á netið svo öll þessi nöfn ungu kynslóðarinnar ættu möguleika að festast í kolli okkar eldri? Þá trúi eg að síðan okkar haldist opin um ókomin ár. En bestu kveðjur frá Brúarásnum til ykkar allra Már.
Jóhann Már Jóhannsson (Óskráður, IP-tala skráð), fös. 26. sept. 2008
ÚLPA og fleira Halló,Halló
Hæ þið þarna úti Enn og aftur er ég að lýsa eftir eiganda úlpu og fleiru, sjá bréf frá mér hér neðar 14.júlí ítrekað 14.ágúst. Ég trúi ekki að fólk fylgist ekki með fatnaði barna sinna, þar er þá ríkidæmi. Þetta er flott dúnúlpa, endilega farið í gegnum skápana/hengin hjá ykkur,annars bara gef ég þetta til Rauðakrossins. Annars bara allt gott hér í rigningunni. Sæa,vildi að ég væri komin í sólina.Haustrigningarnar eru komnar til að vera held ég. Bið að heilsa Bjössa. Enn og aftur endilega athugið með fatnaðinn Kveðja, Gunna Mæja
gm (Óskráður, IP-tala skráð), mán. 22. sept. 2008
Sól og hiti.
Það gekk flott að koma mér í stólnum gegnum flugvellina,maður var bara eins og drottning,Bjössi þurfti ekki einu sinni að ýta það var séð um það, annars allt gott vel heitt 29°í skugga. Bestu kveðjur Sæa og Bjössi.
sæa (Óskráður, IP-tala skráð), lau. 13. sept. 2008
Halló
Verð að taka undir með Sæu, vildi vera fluga á vegg þegar frændi trillar henni í gegn um flughafnirnar, en bara þægilegt Sæa mín. Ég sé út um gluggann í vinnunni minni að Björn frændi vor hefur hengt út þvottinn. Já, það er margt sem þarf að gera þegar "konan" er óvinnufær, en ég hef enga samúð með körlum, eð það er alveg ótrúlegt hvað þeir sjá lítið sem þarf að gera. Já Sæa,djö.... andstyggilegt að horfa á rykið, en þú gætir kannski skrifað miða og sett hér og þar sem á stendur "vinsamlegast þurrka af mér". Vonandi nýtur þú þess samt að fara til útlanda, bara góða ferð og kveðja til frænda Gunna Mæja
GMH (Óskráður, IP-tala skráð), fös. 5. sept. 2008
SAMMÁLA
Hæ,öll sömul!! Jú Gunna mín ég er hjartanlega sammála.Ó já nú sit ég bara með aðra löppina uppi í sófa og horfi á rykið hrúgast upp í kringum mig,er að reyna að vera þæg og góð.Verð að játa að Bjössi minn sér það ekkert OF vel,en hann er skolli góður í eldhúsinu hehe.Vorum búin að panta okkur ferð út þann 8.sept.svo þið sjáið að ég verð að gegna,en verð trúlega ekki laus við gifsið.Þið getið ýmyndað ykkur Bjössa minn ýta kellunni á undan sér í hjólastól gegnum flughafnirnar,get ekki að því gert mér finnst það soldið fyndið hehe.Þetta er nú svona það helsta á þessum bænum. Kveðja í bili. Sæa.
sæa (Óskráður, IP-tala skráð), þri. 26. ágú. 2008
ALLS EKKI HÆTTA
Halló! Þessi síða má alls ekki hætta.Það er ekkert annað en að láta vita af sér öðru hvoru, bara endilega. Hvar ertu Sæa mín? bara heima á annari löppinni?! Ertu ekki sammála? Kveðja,Gunna Mæja
GM (Óskráður, IP-tala skráð), þri. 26. ágú. 2008
Hæ hó
jú jú ég er hér,ekkert týnd,einmitt að skrifa til Laugu að við verðum að halda áfram með síðuna,þetta er svo gaman,allt gott að frétta af mér líka,fór til Parisar í viku,alltof stutt, alveg frábær borg og margt að skoða.Stefni á að fara á berjamó sem fyrst,týni samt örugglega bara í svona 3-4 skálar með rjóma uuuuuummmmmmmm má samt alls ekki við þessu,en kva þetta er nú bara einusinni á ári!!!!!!!! kv. Ransy
Ransy (Óskráður, IP-tala skráð), mán. 25. ágú. 2008
Eruð þið týnd?
Hvar eruð þið frændsystkin góð? Það er bara enginn sem sendir fréttir! Ég þarf endilega að losna við fatnað, sem varð eftir á Snorrastöðum, endilega skoðið orðsendingu frá mér hér á síðunni þ.14.júlí. Enn er bara sól og blíða við erum farin að borða nýjar kartöflur ú garðinum ummmm algjört nammi. En svo eru það berin ætlið þið ekki á berjamó? Mig langar, en er svo ónýt að týna. Annars bara allt gott héðan.Látið heyra frá ykkur hér á síðunni, höldum tengslunum. Kveðja, Gunna Mæja
GM (Óskráður, IP-tala skráð), fim. 14. ágú. 2008
brilliant
Heil og sæl öll sömul!!!Og takk fyrir síðast,mikið var þetta gaman,erum sammála öllum hér fyrir neðan.Rigning HVAÐ,,enginn er verri þó hann vökni,hvorki útvortis né innvortis ef sæmilegt logn er bæði úti og inni.Annars í alvöru aðstaðan þarna hjá þeim á Snorrast.er alveg frábær og til fyrirmyndar þannig að maður varð skollan ekkert var við rigninguna.Og börnin,já hvaða börn?? það var ekki eins og þau væru af ættinni(hehe)sem að ég held að hafi nú aldrei talist til þeirra hljóðlátari,man vel eftir "saumaklúbbunum" í þessu húsi sem við búum nú (vorum á neðri hæðinni)Þar voru samankomnar Ragga,Dísa,Gugga,Mæja og Dóra systir hennar,Bessý og Dóra Jóns,get sagt ykkur nú að það var ekki svefnsamt,svo mikið var talað og hlegið.En hvað um það ,meira að segja allir þessir hundar voru hljóðlátir,svona til gamans gerði heimiliskötturinn á bænum sig heimakominn og svaf með hundinum Bassa(barnabarninu okkar)inni í fellihýsinu hjá Ingu Rún og Björgvin.Já okkur fannst þetta frábært í alla staði,við eigum alveg brilliant fólk.Lifið heil þar til næst, Sæa og Bjössi
sæa (Óskráður, IP-tala skráð), fim. 24. júlí 2008
Tapað fundið
Hæ Endilega kíkið neðar á síðuna "TAPAÐ FUNDIÐ"Það hljóta einhverjir að eiga þetta. Kveðja, Gunna Mæja
GM (Óskráður, IP-tala skráð), mið. 23. júlí 2008
Frábært í alla staði
Blessuð öll, og innilegar þakkir með alveg frábært ættarmót. Aðstaðan að Snorrastöðum var til fyrirmyndar, og skipulagið allt einnig (það má bara ekki gleymast að leiðrétta dagsetningar við veðurguðinn þegar verið er að gera breytingar hvenær ættarmótið er haldið :-) ) Ég er sammála Gunnu Mæju hvað krakkarnir öll voru sérstaklega prúð, og hvað við eigum mikið af frambærilegu fólki. Bestu kveðjur, Tryggvi Jóhannsson.
Tryggvi Jóhannsson (Óskráður, IP-tala skráð), sun. 20. júlí 2008
Stolt af ættinni
Sæl öll. Bestu þakkir fryrir frábærar samverustundir. Enn fremur vil ég þakka persónulega fyrir frábærar móttökur á fimmtudeginum. Kristján og Dísa kærar þakkir fyrir allt. Þetta ættarmót var með eindæmum skemmtilegt og gaman að sjá hvað allir voru glaðir og tilbúnir í leik og söng. Við getum svo sannarlega verið stolt af okkar fólki. Nú!! veðrið var ekkert að angra mig og mína. Alltaf gaman að skella sér í pollagalla!! Kæra frændfólk, sjáumst hress og kát á næsta ættarmóti. Bestu kveðjur, Lína Þyrí og co.
Lína Þyrí Jóhannesdóttir (Óskráður, IP-tala skráð), mán. 14. júlí 2008
Þakkir
Heil og sæl öll Innilegar þakkir fyrir frábæra helgi á Snorrastöðum. Þetta tókst allt saman mjög vel, og allir til fyrirmyndar. Við vorum um 160 og ég vil sérstaklega taka fram, hvað börnin voru öll alveg sérstaklega prúð, við vissum nánast ekkert af þeim, húrra! krakkar.Svona eiga ættarmót að vera,bara skemmtileg. Og hvað við eigum mikið af frambærilegu fólki.Þakka þeim öllum fyrir sinn þátt í að gera þetta enn skemmtilegra. Rigningin setti sinn svip (bara smávegis) á daginn, en það varð enginn skaði af. Ég þakka enn og aftur ykkur öllum. Lifið heil, hitumst hress að vanda og örugglega eftir 5 ár. Næstu ættarmótsnefndar verður getið annarsstaðar.Ég veit að þau eiga eftir að standa sig vel. Bestu kveðjur,Gunna Mæja
GM (Óskráður, IP-tala skráð), mán. 14. júlí 2008
Tapað fundið
Eftir ættarmót varð eftirfarandi eftir á Snorrastöðum: Dúnúlpa barnastærð grænir strigaskór án reima (barnaskór) bláar íþróttabuxur st.5-6ára og ljósbláir barnasokkar. Hringurinn sem lýst var eftir á laugardaginn, fannst ekki inni í húsinu, en það verður látið vita ef hann finnst. Ef þið kannist við þetta, þá hafið samband við mig 437-1572 Kveðja, Gunna Mæja Kveðja,Gunna Mæja
GM (Óskráður, IP-tala skráð), mán. 14. júlí 2008
Að loknu ættarmóti.
Svona á að gera hlutina: Stórgott ættarmót í allastaði ánægjulegt og til fyrirmyndar, enda góða skapið og glaðværðin á sínum stað,aðbúnaðurinn frábær. Bestu kveðjur. Jóhannes Gylfi
Jóhannes Gylfi Jóhannsson. (Óskráður, IP-tala skráð), sun. 13. júlí 2008
Náttúrulega ferlegt
Jæja þá eru nokkrar klukkustundir í hátíðina. það er eins og amma og afi hafi verið barnlaus eða þannig... við höfum staðið okkur ákaflega illa að við að setja inn myndir og það er eiginlega til skammar þar sem við erum jú einna flest af þessum boga. En mætum og kynnum okkur bara fyrir hinum, viljum hvort eð er ekkert vera að minna á hvernig við litum út í den. Verð mætt fyrir kl 22 í kvöld hlakka til að sjá ykkur öll kveðja Gugga
Guðbjörg Sigurgeirsd (Óskráður, IP-tala skráð), fös. 11. júlí 2008
Kveðja frá Keflavík
Hlökkum til að sjá ykkur um helgina, bestu kveðjur frá Keflavík. Áslaug B. Guðjónsdóttir og fjölskylda (Guðjón B. Karlsson - Karl Eyjólfur Jónsson - Þórdís Jónsdóttir)
Áslaug B. Guðjónsdóttir (Óskráður, IP-tala skráð), fim. 10. júlí 2008
Tækifærisvísur
Dísa samdi og flutti í veislu í Dalnum í tilefni af trúlofun Eddu og Valda 3. janúar 1970. Lengi hafði lífs um göng lötrað hægt í vissu um að ástin væri í veiðistöng vel hlöðnum riffli og byssum. En eitt var vopn, sem öðlingsdreng ætið hafði yfirsést, uns Amor setti ör á streng og felldi hann sjálfan fyrir rest. Nú okkur hýrnar brún og brá og burt hefst allur vandi því Edda Valda forðar frá fjárans piparstandi. Þakkir Eddu þyljum við því til handa, í erg og gríð. Gæfan ykkur leggi lið lifið heil um langa tíð. Samið af Dísu í tilefni af 50 ára afmæli Eyvindar 17/10 1977 Okkar elsku Eyvindur, er sú óskir fróma, að þú látir ljúflingur lengi sönginn óma. Ljúfa sönginn láttu því létta strengi bæra bjarta hljóminn enda í óminn silfurtæra. Kveðja. Valdi í Dal
Valdimar (Óskráður, IP-tala skráð), mið. 9. júlí 2008
Enn og aftur
Ég gleymdi að leiðrétta GSM-númerið hjá Kiddó,setti rangt númer inn um daginn það er 617-5313 og heimasími 588-1210. Endilega hafið samband við hann ef ykkur vantar að koma inn myndum þá er það kiddo1@simnet.is GM
Gm (Óskráður, IP-tala skráð), mið. 9. júlí 2008
Nú fer að verða gaman
Jæja elskurnar, þá er mótið alveg að skella á. Já, þið sem verðið fjarri í þetta skiptið, farið bara að hlakka til næsta ættarmóts, stefnum á aftur eftir 5 ár, væri það ekki bara gott? Þið munið eftir að taka með ykkur bakkelsi/meðlæti á kaffihlaðborðið á laugardaginn. Hvað,það verður engin rigning, eða þannig, kannski bara dropar, það er allt í lagi, allir með sól í sinni. Munið, við ætlum að hafa gönguferð á Eldborg á laugardagsmorguninn kl.11. Svo tekur bara gleðin og gamanið við með söng og leikjum og höfum svo skemmtilega kvöldvöku eftir grillið, auðvitað með skemmtiatriðum frá ykkur!!! Ég man ekki eftir meiru núna,þið fylgist bara með fréttunum. Kveðja, Gunna Mæja
GM (Óskráður, IP-tala skráð), mið. 9. júlí 2008
Úr sólinni á Suðurnesjum
Við mætum fersk og spræk sem búum hér á Suðurnesjunum :o) Vonum bara að við fáum flott veður og spáin breytist - annars þarf ekki gott veður til að hafa gaman, bara skemmtilegt fólk :o) kv. Brynja Vigdís Þorsteinsdóttir ( Helgu Ragnarsdóttir, Ragnars Ásmundssonar) og fjölskylda
Brynja Vigdís Þorsteinsdóttir (Óskráður, IP-tala skráð), mið. 9. júlí 2008
Kveðja frá fallegu Victoriu,Kanada
Ohhhh...hvað ég vildi að við værum að fara á ættarmót. Svakalega súrt, en svona er þetta nú bara. Góða skemmtun öll sömul. Já og svo skal ég finna myndir af mér og mínum til að senda á Kiddó, ég er alveg ferleg gleymi þessu alltaf. Kveðja Sif og fjölskylda.
Sif Ásmundsdóttir (Óskráður, IP-tala skráð), mið. 9. júlí 2008
Kveðja
Þetta verður frábært þrátt fyrir spá um smá skúrir. Hlakka til að sjá ykkur öll og Mári þú ert snillingur í grillmálum. Verður þú ekki bara yfir grillari á staðnum. ;-) Bestu kveðjur. Lína Þyrí og fjölskylda
Lína Þyrí Jóhannesdóttir (Óskráður, IP-tala skráð), mið. 9. júlí 2008
Grill
Já grill og nó af grillkolum,kveikivökva, álpappír og fleira til grillunar. kveðja Már
Jóhann Már Jóhannsson (Óskráður, IP-tala skráð), mið. 9. júlí 2008
ALVEG AÐ SKELLA Á
Hæ Nú er bara vika yesssssss! Ég heyrði í Þórhöllu í gær og vorum við að tala um ættarmótið, en hún ætlar að vera í forsvari fyrir allskonar leiki á svæðinu. Hún benti á,að ekki væri verra ef fólk kæmi með t.d. bolta, sippubönd,snúsnúbönd húllahringi eða hvað ykkur dettur í hug. Nú er bara að bretta upp ermarnar og finna til hluti sem hægt verður að notast við. Það muna allir eftir að hafa eitthvað skemmtilegt á kvöldvökunni er það ekki? Söngheftin eru tilbúin og nánast ekkert að vanbúnaði.Bara mæta, allir með góðaskapið. Ég vil aðeins árétta, að við fórum fram á að allir legðu eitthvað til á kaffiborðið á laugardeginum við sjáum um kaffi og te, hver fjölskylda mætir með annað; gos, barnadrykki,ekkert selt á staðnum. Svo um kvöldið grillum við hver fyrir sig, en það verða grill á svæðinu. Hittumst heil! skemmtum okkur vel með börnunum okkar og barnabörnum, þetta er jú fjölskylduskemmtun, helgin okkar. Kveðja, Gunna Mæja
GM (Óskráður, IP-tala skráð), fös. 4. júlí 2008
Senda myndir
Hæ öll Það eru ekki allir búnir að senda inn myndir;Valdimar,Maddý,frá Guggu,Þóru,Möggu og fleiri. Endilega drífið í þessu. Svo vil ég sjá aðeins fleiri skrá sig með þátttöku, allavega er ættin nógu stór, þ.e niðjar þessara fjögurra systkina. Þið getið sent myndir beint á Kiddó kiddo1@simnet.is síminn heima 5881210 og gsm 6125313 og einnig til hennar Laugu. Hlakka til að heyra frá ykkur. Kveðja, Gunna Mæja
GM (Óskráður, IP-tala skráð), þri. 24. júní 2008
áfram sönghefti
Heil og sæl Siggi Jóns tók að sér að útbúa sönghefti.Þetta er góð ábending hjá þér Inga Rún, en við verðum samt sem áður að fjölrita, því það eru alls ekki allir tölvutengdir. Þar sem ég sá í athugasemdum við eina veislumyndina í Dal, athugasemd frá kærum frænda Óla Ragg. Óli minn,ég sé mig ekki heldur (GM) en mikið væri gaman að sjá þig á ættarmótinu. Vonandi er heilsan góð hjá þér, að hún leyfi þér að mæta, það yrði reglulega gaman. Þessi síða er alveg frábær og gaman að fylgjast með fólkinu. Úbbs, bara 22 dagar til stefnu, vonandi verða veðurguðirnir okkur hliðhollir, allavega verður góðaskapið í fyrirrúmi.Allir að muna eftir skemmtiatriðum til að hafa á kvöldvökunni, en mest verður gamanið að hitta sem allra,allra flesta, JÁ ALLA!!!!!!! Kveðja, Gunna Mæja ps.Gugga, ertu ekki komin?
GM (Óskráður, IP-tala skráð), fim. 19. júní 2008
söng hefti
sæl öll Hann Mári frændi sagði mér að það væri einhver góður frændinn að gera sönghefti og mér datt í hug hvort að það væri ekki hægt að senda heftið á tölvupósti á hverja famelíu(stjórnina ) og hver mundi prenta út sitt hefti ??? Hlakka til að sjá ykkur kv Inga Rún
Inga Rún (Óskráður, IP-tala skráð), mið. 18. júní 2008
ættarmótskveðja
Heil og sæl öll. Óðum styttist í hátíðina okkar og fólk hefur brugðist þokkalega vel við að borga staðfestingargjaldið,en eitt er sem mig vantar að vita,þegar þið greiðið,ef þið eruð með börn innan 6 ára,hver fjöldinn er það er svona til að gera sér grein fyrir fjöldanum almennt.Þið getið bara sent mér mail sigunna@simnet.is Annars allt gott héðan,nýkomin frá Tenerife,sólbrún og sæl.Við Gugga héldum smá ættarmótsfund þar,svona til að missa ekki tengslin (annars voru það nú bara okkar fylgifiskar,sem töluðu um hvort við ætluðum að halda fund)en við áttum yndislegan tíma þarna. Kveðja,Gunna Mæja
gunna mæja (Óskráður, IP-tala skráð), lau. 14. júní 2008
Kveðja frá Kanödunni
Hæ hæ Sif Ásmundsdóttir hér. Ég er engann veginn að sætta mig við það að missa af ættarmóti, bah hah ha....fúlt er það. Jæja ég kem bara næst. Vonandi skemmtið þið ykkur öll vel og það verða settar inn myndir á eftir. Annars skal ég druslast til að senda þér myndir af mér og mínum Lauga, ég á líka alveg slatta af myndum frá því á Hlöðum og Skorradal ef einhver áhugi er fyrir að setja þær hérna inn. Ég gæti allavega valið nokkrar góðar frá báðum. Blessó klessó!
Sif Ásmundsdóttir (Óskráður, IP-tala skráð), lau. 14. júní 2008
kvedja fra Tenerife
hér á Tenerife hefur hluti kvenna í mótsnefnd haldi nokkra fundi. ákveìd ad hver leggur komi med amk 1 skemmtiatridi. Vìd hofum tad gott kvedja Gunna M og Gugga
Gudbjorg Sigurgeirsdottir (Óskráður, IP-tala skráð), sun. 8. júní 2008
Leiðbeiningar
Blessuð Guðbjörg Best er að senda mér tölvupóst og ég sendi þér lykilorð í tölvupósti. sbj.fjeldsted@gmail.com eða þú getur hringt í mig gsm.6926798 Kveðja Lauga
Sigurlaug Björk Jóhannesdóttir (Óskráður, IP-tala skráð), mán. 2. júní 2008
Leiðbeiningar takk
Hæ Lauga, hvernig set ég inn á þetta blogg myndir, er eitthvað password kveðja Gugga
Guðbjörg Sigurgeirsdóttir (Óskráður, IP-tala skráð), mán. 2. júní 2008
Grundar lið
Frábært framtak á allan hátt. Ég mun mæta með mína fjölskyldu, eiginkonan er Sigríður Bogadóttir, Karlssonar úrsmiðs á Selfossi. Við eigum dæturnar Kristínu Ósk, fædda 26. okt. 2002, og Júlíu Katrínu, f. 20. júní 2006. Við hlökkum til. kv. Sigmundur G Sigurgeirsson - Sollu á Grund.
Sigmundur Sigurgeirsson (Óskráður, IP-tala skráð), sun. 1. júní 2008
Myndir
Halló aftur. Það á að vera til mynd af þeim systkinum,sem tekin er í garðinum í Dal. Sú mynd er framaná sönghefti frá Skorradalsmótinu. Það hlýtur einhver að eiga hana. En aftur er myndin af afa rétt á forsíðunni. Kveðja GM
GM (Óskráður, IP-tala skráð), þri. 20. maí 2008
Forsíða
Elsku engillinn minn,laga,laga laga forsíðu-mynd,þetta eru rangar upplýsingar sem þú hefur fengið,sammála Hjördísi. Kveðja,Gunna Mæja
GM (Óskráður, IP-tala skráð), þri. 20. maí 2008
Leiðrétta nöfn á mynd á forsíðu
Sæl frænka Smá leiðrétting eða á þetta að vera dæturnar. Margrét er Eyja, Þóra er Gunna Dan og Þórdís er Jóna Gunna. Þetta er frábær síða hjá þér. Frænku-kveðja Hjördís Kalla í Dal
Hjördís E: Karlsdóttir (Óskráður, IP-tala skráð), þri. 20. maí 2008
Til allra
Fundur var haldinn í nefndinni hjá GM í dag 18/5 bara gaman.Þá er þða smá framhald.já 54 dagar til stefnu.Ætlunin er að senda út bréf með frekari upplýsingum.En eitt er öruggt,að mótið hefst laugardaginn 12.júlí kl.11 með göngu á Eldborg.Fólki er frjálst að mæta á föstudagskvöldinu,en nánar um þetta allt í bréfi og eins á þessari skemmtilegu síðu okkar. Kveðja,ÆTTARMÓTSNEFNDIN
Gnna Mæja (Óskráður, IP-tala skráð), sun. 18. maí 2008
Kveðja frá Sollu og Guggu
Vorum að finna síðuna. Flott sett upp, förum að leita að myndum. Hlökkum til að hitta alla í sól og sumaryl. kveðja úr Hafnarfiði frá Sollu og Guggu
Guðbjörg Sigurgeirsdóttir (Óskráður, IP-tala skráð), mið. 14. maí 2008
Kveðja frá Dísu-Hjördísar-Kalla í Dal;O)
Hæ hæ allir ættingjar;O) Það á eftir að verða hrikalega gaman hjá ykkur í sumar, en ég er ekki svo lánsöm að geta verið með, var búin að bóka annað því miður ;O( því það hefur alltaf verið allveg æðislegt fjör þegar að Dalættin kemur saman,hvað er yndislegra en að heyra Gunnu Mæju og mömmu fá hvert hláturkastið á fætur öðru ha ha ah ég sé þetta fyrir mér,og allt þetta söngfólk syngja, þetta verður yndislegt ;O) En góða skemmtun öll. Kveðja Dísa;O)
Þórdís María (Óskráður, IP-tala skráð), mið. 14. maí 2008
Ættarmótskveðja
Heil og sæl öll Nú ætlar ættarmótsnefndin að funda um næstu helgi og þá fara nú málin að skírast eða þannig,hvað varðar alla tilhögun á mótinu,sem við ÖLL ætlum að hafa MJÖG skemmtilegt.Þau sem ekki koma geta strax farið að öfunda okkur,he,he,he.En meira síðar Kveðja,Gunna Mæja
Gunna Mæja (Óskráður, IP-tala skráð), þri. 13. maí 2008
frábæra ætt!!
Halló allir, frábær síða, skemmtilegar myndir góður miðill til að fylgjast með Það er leiðinlegt að komast ekki á ættarmótið í sumar en þetta er nú bara svona ég er alltaf svo góð í því að skipuleggja sumarfríð mitt en nóg um það, verð með í anda og veit að það verður söngur,hlátur,grína já og bara gaman!!!hjá þessari fjörugu og skemmtilegu ætt. kv. Sigga(GunnuMæju,Dísu í Dal)
Sigurbjörg Sigmundsdóttir (Óskráður, IP-tala skráð), þri. 13. maí 2008
Frændur og frænkur
Endilega sendið inn myndir af ykkur og fjölskyldum ykkar.Nú fer þetta alltsaman að skella á tíminn líður svo hratt. Kveðja,Gunna Mæja (ættarmótskerling)
Gunna Mæja (Óskráður, IP-tala skráð), fös. 9. maí 2008
Flott
Ánægður með árangurinn,rifjar upp margar minningar. Kær sumarkveðja.Jóhannes Gylfi.
Jóhannes Gylfi Jóhannsson og fjölsk. (Óskráður, IP-tala skráð), fim. 24. apr. 2008
fleiri myndir
Dagmar,sendu inn myndir af þinni familíu, kveðja.
ég (Óskráður, IP-tala skráð), lau. 19. apr. 2008
Æði
vísurnar eru æði myndbandið frábært, mér fynnst svo gaman að þessari síðu ;) Bara verst að ég komist ekki á mótið og vona bara að að það líði ekki 10 ár í það næsta :)
Dagmar 'Asmundsdottir (Óskráður, IP-tala skráð), fös. 18. apr. 2008
Já afram!!!!!!
Tek undir með Sæu og Bjössa. Svo þarf líka að útbúa "Söngvabækur" eða þannig.Það eru reyndar til blöð/bækur frá fyrri ættarmótum,sem má nota í nýtt kver.Hver og hver og vill og verður? (taka þetta að sér) Kveðja,Gunna Mæja ps. endilega nýtið ykkur hann Kiddó minn í tæknimennskunni,hann bjargar alltaf mömmu sinni.
Gunna Mæja (Óskráður, IP-tala skráð), mið. 16. apr. 2008
Áfram með skemmtilegheitin !!!!!
Skemmtilegt hvað bætist við af myndum, Áfram,Áfram.Kveðjur til ykkar allra. Bjössi og Sæa.
bjössi (Óskráður, IP-tala skráð), sun. 13. apr. 2008
Kveðja frá Heiðu
Já ég segi það aftur hér...alveg æðislega skemmtilegar þessar vísur!! gaman að sjá hvað við erum nútímavædd í ættinni! ;) með blogg og alles fyrir ættarmóðið! Vel gert! Skila bestu kveðjum hér frá París bisous = kossar Heiða Björg Jóhannsdóttir heidab3@gmail.com www.heidab3.bloggar.is
Heiða Björg Jóhannsdóttir (Óskráður, IP-tala skráð), mið. 9. apr. 2008
kveðja til Sæu
Þetta var alveg frábær sending,vísurnar,maður bara heyrir í þeim hlátrasköllin Kveðja,Gunna Mæja
Gunna Mæja (Óskráður, IP-tala skráð), mán. 7. apr. 2008
heimsins mesti klaufi
Auðvitað mátti ég vita að ég mundi klúðra þessu,eins og ég vandaði mig að koma þessu rétt upp í vísuformi grrrr. En það er nú einhver vís með að lagfæra eftir klaufann hehe.
sæa (Óskráður, IP-tala skráð), fim. 3. apr. 2008
Skáldkonur.
Halló öll sömul!! Ég ætla að taka mér það bessaleyfi að setja hér inn geypilegan skáldskap sem mun hafa verið saminn í tjaldinu Meyjarlundur (vissulega skáldlegt) í ágúst að áliðnum slætti,nánar tiltekið þann 9.árið 1938.(vona að mér takist að setja þetta rétt upp ,því Gunna mín ég er ósköp lélegu tölvunörd hehe). Guggaer skítug um fæturnar hún er nú meiri sóðinn, nælir í skóna bæturnar, og hleypur á eftir Óðinn. Dísa sat úti á steini, ekkert varð henni að meini, hún fékk ekki einu sinni kvef, hér er komið lítið stef. Ragga sat inni í tjaldi, og raulaði lítið lag, Gugga er á hennar valdi, og kveður með undra brag. ;;;;;;;;;;;;;;;;;;;;;;;;;;; Doddi tissar, og Magga pissar, Gugga rak upp sitt hnegg, mamma hvissar, Dísa tissar, pabbi reytir sitt skegg. ,,,,,,,,,,,,,,,,,,,,,,,, Segjum allar pissum pass, fósturlandsins rönd, fellur eins og flís við rass, fyrir mína hönd. ,,,,,,,,,,,,,,,,,,,,, Þið kæru aðstandendur skáldkvennanna,Röggu,Dísu og Guggu,getið rétt ímyndað ykkur hvort ekki hefur verið flissað.Fann þetta gulnaða blað fyrir tilviljun þegar við fórum í gegnum blaðadót. Kærar kveðjur Sæa.
sæa (Óskráður, IP-tala skráð), fim. 3. apr. 2008
Kveðja úr Álakvíslinni
Þetta er frábært hjá þér Lauga!!!Gaman að eiga svona fjölskyldusíðu,svoooooo grrrand!!
Ransy (Óskráður, IP-tala skráð), mið. 2. apr. 2008
Borgarneskveðja
Halló,halló Þetta er bara skemmtilegt,við sem höldum að við séum ekki "tölvunördar" erum það,já eldri deildin getur þetta líka ha,ha,ha.Krakkar,nú þurfa að koma inn hugmyndir sem hægt verður að framkvæma á ættarmótinu,svo þurfa að vera söngtextar á blöðum,ef allir koma me eitthvað verður þetta svo mikil fjölbreytni.Við eigum fullt af hæfileikaríku tónlistarfólki,sem endilega á að troða upp;spila,syngja,leika fyrir okkur.Ég sting strax uppá "Kletturunum" þeir voru frábærir í afmælinu hjá Röggu minni 2005. Nú fer maður að láta skanna inn myndir vonandi í næstu viku,það er svo skemmtilegt að sjá allt frændfólkið,við erum örugglega FALLEGASTA ættin þó víðar væri leitað. Ykkar Gunna Mæja
Gunna Mæja (Óskráður, IP-tala skráð), sun. 30. mars 2008
Selfoss kveðja
þú ert frábær elsku frænka alveg glimrandi hugmynd nú er bara að fara að dæla inn á þig myndum hehe!!! hættu nú við þetta bévítans handboltamót í útlöndum og komdu á ættarmót og syngjum okkur hásar ;o) kv Inga Rún
Inga Rún (Óskráður, IP-tala skráð), fös. 28. mars 2008
Kveðja frá Noregi
Það var virkilega góð hugmynd að setja þessa síðu í gang :-) Niðurtalningin gerir það líka að verkum að maður er jú mun spenntari að koma og hitta alla. Mikið hlakka ég líka til að sjá allar myndirnar sem eiga eftir að koma; Eiginlega bráðnauðsynlegt með myndir til að geta áttað sig á "hele familien"... sérstaklega þegar maður er búinn að vera lengi í burtu. Ég er búin að kaupa farmiða í sumar fyrir mig og Völu mína og auðvitað barnabörnin tvö, Telmu og Írisi. Ási bróðir kemur líka með sitt fólk, en því miður getur Valgý ekki mætt; hún mun safna saman sínum drengjum og halda sitt eigið ættarmót hér í Noregi, þar sem yngsti sonurinn kemur með sína fjölskyldu í heimsókn frá Nýja Sjálandi. Mestu kveðjur, Magga Þóra (Jóns Ben)
Margrét Þóra Jónsdóttir (Óskráður, IP-tala skráð), fös. 28. mars 2008
skilaboð
Ég vil endilega hvetja aðstandendur Kalla og Dodda til að senda líka inn myndir,og kannski eitthvað fleira,væri gaman að því. Kv. Sæa.
sæa (Óskráður, IP-tala skráð), fim. 27. mars 2008
Brúarás kveðja
Já þetta gastu, kemur flott út verður æðigóður myndabanki þegar allar greinar Dalættar eru komnar og góður upplýsingarvefur fyrir ættarmótið, takk og bestu kveðjur Már.
Jóhann Már Jóhannsson (Óskráður, IP-tala skráð), fim. 27. mars 2008
Kveðja
Frábært nú geta allir fylgst með svona á að gera þetta Gurrý
Guðríður Anna Jóhannesdóttir (Óskráður, IP-tala skráð), fim. 27. mars 2008
Efni
RSSNýjustu myndböndin
Bloggvinir
Tenglar
Mínir tenglar
- Lauga (Gylfadóttir)
- Sif Ásmundsdóttir
- Myndir Myndir í picasa
- Myndir frá Þórði Kr. Ættarmótsmyndir 2008
Myndaalbúm
Nýjustu myndir
Heimsóknir
Flettingar
- Í dag (25.4.): 5
- Sl. sólarhring: 11
- Sl. viku: 19
- Frá upphafi: 92067
Annað
- Innlit í dag: 5
- Innlit sl. viku: 19
- Gestir í dag: 5
- IP-tölur í dag: 1
Uppfært á 3 mín. fresti.
Skýringar
